კილიან მბაპე: ოქროს ბიჭი ზედიზედ მეორედ?

მალე გაირკვევა იმ ახალგაზრდა ფეხბურთელთა სამეული, რომელსაც პრეტენზია ექნება წლის "ოქროს ბიჭის" ჯილდოზე. ეს არის ნომინაცია, რომელიც 2003 წელს პოპულარულმა იტალიურმა გაზეთმა "ტუტოსპორტმა" დააწესა და გადაეცმა იმ ახალგაზრდა ფეხბურთელს, წლის განმავლობაში რომ გამოიჩენს თავს. ჯილდო საკმაოდ პრესტიჟულია. დაარსების პირველივე წლებში ის ისეთმა ფეხბურთელებმა მოიგეს, მერე დიდი ვარსკვლავები რომ გახდნენ.

"დეილი მეილის" ექსკლუზიური ინფორმაციით, კილიან მბაპეს აქვს რეალური შანსი, ზედიზედ მეორედ გახდეს წლის "ოქროს ბიჭი". ეს არც იქნება გასაკვირი იქიდან გამომდინარე, რომ მბაპე ახლახან მსოფლიოს ჩემპიონატის საუკეთესო ახალგაზრდა ფეხბურთელიც გახდა.

"ტუტოსპორტი" ჯილდოზე წარდგენილ სამეულს სექტემბერში დაასახელებს. მანამდე კი გავეცნოთ იმ ფეხბურთელებს ჩამონათვალს, ვისაც ეს ჯილდო მიუღიათ:

2003 - რაფაელ ვან დერ ვაარტი (ჰოლანდია)

2004 - უეინ რუნი (ინგლისი)

2005 - ლიონელ მესი (არგენტინა)

2006 - სესკ ფაბრეგასი (ესპანეთი)

2007 - სერხიო აგუერო (არგენტინა)

2008 - ლუიშ ანდერსონი (ბრაზილია)

2009 - ალეშანდრე პატო (ბრაზილია)

2010 - მარიო ბალოტელი (იტალია)

2011 - მარიო გიოტცე (გერმანია)

2012 - ისკო ალარკონი (ესპანეთი)

2013 - პოლ პოგბა (საფრანგეთი)

2014 - რაჰიმ სტერლინგი (ინგლისი)

2015 - ანტონი მარსიალი (საფრანგეთი)

2016 - რენატო სანჩესი (პორტუგალია)

2017 - კილიანი მბაპე (საფრანგეთი)

666
მკითხველის კომენტარები / 0 /
მსგავსი ამბები
;