კინგზი რუსეთზე უკეთესია - მილტონ ჰეიგი: 'საუთერნ კინგზთან' და შოტლანდიის ნაკრებთან ტაქტიკურ სიახლეებს გამოვცდით

საქართველოს ნაკრები იაპონიაში გასამართავი მსოფლიოს თასის გათამაშებისთვის მზადებას განაგრძობს. „ბორჯღალოსნები“ დღეს ვაკის სტადიონზე სამხრეთაფრიკულ „საუთერნ კინგზს“ დაუპირისპირდებიან. 

გუშინ ჩვენმა ნაკრებმა კაპიტნის ვარჯიში გამართა. სამხრეთაფრიკელებმა კი იმავდროულად მარტყოფის სარაგბო ბაზაზე ივარჯიშეს და მათთან გასაუბრება ვერ მოხერხდა. 

„ბორჯღალოსნების“ ვარჯიშმა დაახლოებით ერთ საათს გასტანა და მოთამაშეებმა ის კომბინაციები გადაიმეორეს, რომლების გამოყენებასაც ხვალინდელ შეხვედრაში ეცდებიან.

მილტონ ჰეიგი, საქართველოს ნაკრების მთავარი მწვრთნელი: 

„ჯერ ამ თამაშებში და შემდეგ მსოფლიო თასზე უნდა გამოჩნდეს ის სამუშაო, რაც უკანასკნელი 4 წლის განმავლობაში გავწიეთ. „საუთერნ კინგზთან“ და შოტლანდიის ნაკრებთან იმ ტაქტიკურ სიახლეებს გამოვცდით, რომელთა გამოყენებასაც მსოფლიო თასზე ვაპირებთ. საბედნიეროდ, ტრავმა არავის აწუხებს და მომავალი შეხვედრისთვის ყველა მაქსიმალურად მობილიზებული ემზადება“. 

მერაბ შარიქაძე, საქართველოს ნაკრების კაპიტანი: 

„საუთერნ კინგზი“ ძალიან კარგი გუნდია, რომელიც კარგ ტურნირში ასპარეზობს. ამ გუნდის ძლიერი მხარე კონტრშეტევებისას ხელით თამაშია. როგორც კი რუსეთთან თამაში გაუქმდა, ვთქვი, რომ ბევრად უკეთესი იქნებოდა, თუ ძლიერ კლუბს შევხვდებოდით.

რუსეთის ნამდვილი სახე იტალიასთან ვნახეთ და „საუთერნ კინგზთან“ შეხვედრა, რეალურად უფრო მეტის მომცემი იქნება. ამ გუნდს ზუსტად ის სათამაშო სტილი აქვს, რაშიც საკუთარი თავის გამოცდა გვინდა, რასაც უნდა ველოდოთ ფიჯისგან, უელსისგან, ავსტრალიისა და ურუგვაისგან. ამ თამაშით საუკეთესო გამოცდილებას მივიღებთ“. 

ვინაიდან მატჩი საწვრთნელია, გუნდები შეთანხმდნენ, რომ განაცხადში 26-26 მორაგბეს შეიყვანენ. 

„თიბისი რაგბის სერიების“ ეგიდით, საქართველოს ნაკრებისა და „საუთერნ კინგზის“ შეხვედრა დღეს, ვაკის სტადიონზე 19 საათსა და 15 წუთზე დაიწყება.
საქართველო-საუთერნ კინგზი 

საქართველო: 15. სოსო მათიაშვილი, 14. მირიან მოდებაძე, 13. ზურაბ ძნელაძე, 12. მერაბ შარიქაძე, 11. გიორგი აფციაური, 10. ლაშა ხმალაძე, 9. გიორგი ბეგაძე. 1. გურამ გოგიჩაშვილი, 2. ვანო კარკაძე, 3. გიორგი მელიქიძე, 4. ლაშა ლომიძე, 5. გიორგი ნემსაძე, 6. ბექა საღინაძე, 7. გიორგი ცუცუქირიძე, 8. ოთარ გიორგაძე

16. გიორგი ჭყოიძე, 17. კარლენ ასიეშვილი, 18. ლევან ჩილაჩავა, 19. კონსტანტინე მიქაუტაძე, 20. გიორგი თხილაიშვილი, 21. შალვა სუთიაშვილი, 22. გელა აფრასიძე, 23. ლაშა მალაღურაძე, 24. ალექსანდრე თოდუა, 25. თამაზ მჭედლიძე, 26. დავით კაჭარავა

საუთერნ კინგზი
შერკინება: ჯეი სი ესტლი, ლუსანდა ბადიანა, თემებალანი ბოლი, ბრენდონ ბრაუნი, ტაიენიე ბყრხერი, კემერონ დოუსონი, როსუ დე კლერკი, ბობი დე ვი, ეშტონ ფორჩუნი, გარეთ ჰეიდტმენი, რუან ლერმი, ლუპუმლო მგუსა, იგნატიუს პრონსლო, პიტერ შოლცი, ჯერი სექსტონი, ალანდე ფან რუიენი. 
უკანა ხაზი: მასიხსოლე ბანდა, დემეტრი კატრაკილისი, ერიხ კრონიე, კრისტოფერ ჰოლისი, ჯეი თი ჯეკსონი, ტერტიუს კრუხერი, ჰოვარდ მნისი, ბადერ პრეტორიუსი, სარელ პრეტორიუსი, სიბუსისო სიტოლე, ჯოსია ტვუმ-ბუაფო, სტეფან ანგერერი, კორტნი ვინაარი 

ყოველდღიური სპორტული გაზეთი "ლელო"
818
მკითხველის კომენტარები / 0 /
მსგავსი ამბები
რუბრიკის სხვა სიახლეები
;