კიუშუს ბაშო: ბაშოზე ორივე კარგად მიდის...

კუნძულ კიუშუზე წლის უკანასკნელი ბაშო იმართება. ფუკუოკაში ბრძოლების მესამედი გაილია და დასავლეთის მე-6 მაეგაშირა ტოჩინოშინს (ლევან გორგაძე) 3-2 ბალანსი აქვს.

ასპარეზობის მეხუთე დღეს ჩვენებურმა მე-8 მაეგაშირა ჩიომარუს აჯობა იორიკირის ილეთით. ტოჩინოშინმა მის გარდა ტურნირზე დაიშომარუ და ტაკარაფუჯი დაამარცხა. დღეს ლევანის მეტოქე მე-4 მაეგაშირა იჩინოჯოა, რომელსაც პირად შეხვედრებში 10:4-ს უგებს.

ბაშოს სამი რიკიში ლიდერობს 5-0 ბალანსით - დიდი ჩემპიონი ჰაკუჰო, ოძეკი გოეიდო და მე-13 მაეგაშირა, 39 წლის ექსსეკივაკე ამინიშიკი.

თეიმურაზ ჯუღელი (გაგამარუ) ძურიოს დივიზიონის მე-11 ნომერია. ხუთი დღის მერე მასაც 3-2 ბალანსი აქვს. დღეს იგი ძურიოს მე-13 ნომერ ტაკანოშოს კარიერაში პირველად დაუპირისპირდება.

ყოველდღიური სპორტული გაზეთი "ლელო"
790
მკითხველის კომენტარები / 0 /
მსგავსი ამბები
რუბრიკის სხვა სიახლეები