კუნძულ კიუშუზე წლის უკანასკნელი ბაშო დაიწყო. ელიტაში ერთადერთი ქართველი სუმოისტი ასპარეზობს - ლევან გორგაძე (ტოჩინოშინი) დასავლეთის მე-6 მაეგაშირაა.

ქართველმა სუმოისტმა პირველ დღეს აღმოსავლეთის მე-6 მაეგაშირა ჩიოშომასთან იჭიდავა და კატასუკაშის ილეთით დათმო მატჩი. ჩვენებურის მომდევნო მეტოქე მე-7 მაეგაშირა დაიშომარუ იქნება, რომელსაც ტოჩინოშინი 4-ჯერ შეხვდა და 4-ჯერვე აჯობა.

ოთხი დიდი ჩემპიონიდან ერთი (კაკურიუ) ტრავმის გამო არ მონაწილეობს სუპერტურნირზე, ხოლო ჰარუმაფუჯიმ და კისენოსატომ თავიანთი ორთაბრძოლები დათმეს. მხოლოდ ერთმა დიდმა ჩემპიონმა, ჰაკუჰომ დაიწყო ბაშო მოგებით.

თეიმურაზ ჯუღელი (გაგამარუ) რანგით მეორე დივიზიონ ძურიოში ასპარეზობს, სადაც მე-12 ნომრად არის განთესილი. მან ბაშოს პირველ დღეს ოშიდაშით აჯობა ეგვიპტელ ოსუნაარაშის. 30 წლის ქართველმა აუცილებლად დადებითი ბალანსით უნდა დაასრულოს ტურნირი, წინააღმდეგ შემთხვევაში, იგი ალბათ მეორე დივიზიონიდანაც გავარდება.

დღეს გაგამარუს მეტოქე ძურიოს მე-10 ნომერი იამაგუჩი იქნება.