კლოპი და ლივერპული 2024 წლამდე გაგრძელდა

ლივერპულის ოფიციალური ვებ გვერდის ცნობით, მთავარ მწვრთნელ იურგენ კლოპთან კონტრაქტი 2024 წლამდე გაგრძელდა.

გერმანელი სპეციალისტი კლუბში 2015 წლიდან მუშაობს და ამ პერიოდში მისი ხელმძღვანელობით "ლივერპულმა" დიდი პროგრესი განიცადა - გასულ სეზონში მერსისაიდელებმა პრემიერლიგაში მათთვის სარეკორდო 97 ქულა დააგროვეს, მაგრამ ეს პრემიერლიგის მოსაგებად საკმარისი მაინც არ აღმოჩნდა (1 ქულით ჩამორჩნენ „მანჩესტერ სიტის“), თუმცა კლოპის გუნდმა სეზონი ჩემპიონთა ლიგის მოგებით (ფინალში 2:0 დაამარცხეს „ტოტენჰემი“) დააგვირგვინა.

მიმდინარ სეზონში „ლივერპული“ პრემიერლიგაში ბრწყინვალედ ასპარეზობს - 16 ტურის შემდეგ გუნდი სატურნირო ცხრილს 46 ქულით ლიდერობს,  8 ქულით უსწრებს უახლოეს მდევარ „ლესტერს“. ჩემპიონთა ლიგაში კლოპის გუნდმა ჯგუფში პირველი ადგილი დაიკავა და მერვედფინალში ასპარეზობის უფლება მოიპოვა.

325
მკითხველის კომენტარები / 0 /
მსგავსი ამბები
რუბრიკის სხვა სიახლეები
;