იურგენ კლოპი: ქალი მსაჯობს? მაშინ კარგად უნდა გამოვიყურებოდე...

„ლივერპულის“ მთავარმა მწვრთნელმა იურგენ კლოპმა „ჩელსისთან“ გასამართ ევროპის სუპერთასის მატჩზე ისაუბრა.

„ლონდონელებთან მატჩი, ფაქტობრივად, ფინალია და ჩვენ ამ ფინალის მოგება გვინდა. გასათვალისწინებელია, რომ ახლანდელი „ჩელსი“ განსხვავდება გასული სეზონის გუნდისგან, მათ ჰყავთ ახალი მწვრთნელი, გუნდში აღარ არის ედენ აზარი. საინტერესო მატჩის მოლოდინში ვარ.

ჩვენ არ ვართ ერთადერთი გუნდი, რომელმაც ხანგრძლივი და მომქანცველი სეზონი ჩაატარა. კმაყოფილი დავრჩი ინგლისის სუპერთასზე „მანჩესტერ სიტისთან“ გამართულ შეხვედრაში ჩემი გუნდის თამაშით. ამ დროისათვის ფიზიკურად მზად ვართ, თუმცა არა 100%-ით.

„ჩელსისთან“ ტიტულისთვის ვიბრძოლებთ. ვაშენებთ გუნდს, რომელიც დიდი მიზნებისთვის იბრძვის და ამ მატჩში ვეცდებით ეს დავამტკიცოთ".

„ლივერპულის“ გერმანელმა მწვრთნელმა სუპერთასის მატჩზე ქალი არბიტრის დანიშვნაზეც გააკეთა კომენტარი.

„ქალი არბიტრი? ვფიქრობ დადგა დრო, ასეთი რანგის მატჩები სუსტი სქესის წარმომადგენლებმა განსაჯონ. ჩვენ ისტორიული მომენტის მომსწრენი ვართ. პირველი შემთხვევაა, როცა ასეთი რანგის მატჩს ქალი განსჯის და ვფიქრობ არა უკანასკნელი. რადგან მანდილოსანი მსაჯობს, კარგად უნდა გამოვიყურებოდე, თორე დედა გამიბრაზდება“, - სიცილით დაასრულა საუბარი კლოპმა.

293
მკითხველის კომენტარები / 0 /
მსგავსი ამბები
რუბრიკის სხვა სიახლეები
;