კლუჟის მწვრთნელი: თბილისში მხოლოდ გამარჯვებისთვის ჩამოვედით

25 ოქტომბერს თბილისის "დინამო" ფიბა-ეროპის თასის ჯგუფურ ეტაპზე მეორე მატჩს გამართავს. მისი მეტოქე რუმინული "კლუჟი" იქნება. შეხვედრა თბილისის ახალ ოლიმპიურ სასახლეში (უნივერსიტეტის ქუჩა #15) შედგება.

"კლუჟის" კალთბურთელები თბილისში ორშაბათს ჩამოფრინდნენ და მთავარმა მწვრთნელმა მიჰაი სილვასანმა იმავე საღამოს ოლიმპიურ სასახლეში ავარჯიშა. იგი თბილისში შვიდი წლის წინათაა ნამყოფი, რუმინეთის ნაკრებს კალათბურთელის სტატუსით ჩამოჰყვა. მას მერე კი სამწვრთნელო საქმიანობას შეუდგა და ახლახან რუმინეთის ეროვნული გუნდის მთავარი მწვრთნელის ასისტენტადაც დაინიშნა.

"თბილისში მხოლოდ ერთი მიზნით ჩამოვედით - მოგების გარდა არაფერზე ვფიქრობ. საამისოდ გუნდი მზადაა როგორც ფიზიკურად, ასევე მორალურად. ფსიქოლოგიური თვალსაზრისით ჩვენზე დადებითად იმოქმდა "ისტანბულის" დამარცხებამ.

თუმცა თბილისში სულ სხვა თამაში გველის და საამისოდ მზად უნდა ვიყოთ. ჩვენი ამოცანა არა რომელიმე კონკრეტული მატჩის მოგება, არამედ ჯგუფიდან გასვლაა, რისთვისაც აუცილებელია ფავორიტი "ისტანბულის" გარდა სხვა მეტოქეების დამარცხებაც, ყოველ მატჩზე მობილიზებით გამოსვლა. პლეი ოფისკენ მეორე ნაბიჯი "დინამოსთან" თამაშია.

რაც მთავარია, ყველა კალათბურთელი ჯანმრთელადაა და ვიმედოვნებ, რომ ამ მხრივ თბილისშიც არ შეგვექმნება პრობლემა", - აღნიშნა სილვასანმა.

კლუჟი (რუმინეთი)

ვარსკვლავი: ალექსანდრ რასიჩი

პერსპექტივა: ნანდორ კუტი

მიმდინარე სეზონში ევროპაზე: ჩემპიონთა ლიგაზე გერმანულ "ლუდვიგსბურგთან" ორი მატჩის ჯამში 17 ქულის სხვაობით წააგო.

ევროსარბიელზე 2016-17 სეზონში: ფიბა-ევროპის თასზე მეორე ეტაპზე ითამაშა. 7 მოგება, 5 მარცხი.

რუმინეთის ჩემპიონატში 2016-17 სეზონში: ნაციონალური ლიგის ჩემპიონი. "სტიაუა" ფინალში 3:0 დაამარცხა. მოიპოვა რუმინეთის თასი.


მოთამაშე სმ პოზიცია ასაკი ქვეყანა
14. როლანდ ტოროკი 203 ცენტრი 27 უნგრეთი/რუმინეთი
22. ალექსანდრუ ოლაჰი 213 ცენტრი 24 რუმინეთი
32. ნანდორ კუტი 197 უკანახაზელი 20 რუმინეთი
6. ანდრეი მურეშანი 180 უკანახაზელი 19 რუმინეთი
23. კამილ ბარკულესკი 192 უკანახაზელი 19 რუმინეთი
21. ლასანა კრომაჰი 198 უკანახაზელი 26 აშშ/ლიბერია
1. ჯასტინ გრეი 188 უკანახაზელი 33 აშშ
4. გორდონ უოტსონი 178 უკანახაზელი 32 აშშ
18. ალექსანდრ რასიჩი 195 უკანახაზელი 33 სერბეთი
7. უსმანე ბარო 207 ფორვარდი 32 სენეგალი
11. ანდრეი კალნიჩენკო 201 ფორვარდი 31 მოლდოვა/უკრაინა
8. ვაიდას კარინიაუსკასი 197 უკანახაზელი 23 ლიტვა
3. ჟელკო საკიჩი 204 ფორვარდი 29 ხორვატია
41. ანდერს ტეირი 198 ფორვარდი 20 რუმინეთი
35. დავიდ ვიდა 194 უკანახაზელი 18 რუმინეთი

მწვრნელი: მიჰაი სილვასანი

615
მკითხველის კომენტარები / 0 /
მსგავსი ამბები
რუბრიკის სხვა სიახლეები