კობი ლებრონის შესახებ და ლებრონი კობიზე - 'მათ იციან ვინ ვარ მე'...

"ლოს ანჯელეს ლეიკერსის" ლეგენდას კობი ბრაიანტს მიაჩნია, რომ კალიფორნიულმა კლუბმა არ უნდა ააგოს თამაში მხოლოდ ლებრონ ჯეიმსზე. მისი აზრით, "ლეიკერსი" ასე ჩემპიონი ვერ გახდება.

"ჯეიმსი "ლეიკერსში" აკეთებს ყველაფერს, - მოჰყავს ESPN-ს ბრაიანტის სიტყვები. - მაგრამ ასე ჩემპიონები არ ხდებიან. არ შეიძლება ლიდერის ისე გადატვირთვა, რომ მას ამოსუნთქვის საშუალება არ ჰქონდეს. აუცილებელია, გუნდის თამაში სწორი სტრატეგიის მიხედვით აეწყოს".

მოგვიანებით, ლებრონი გამოეხმაურა NBA-ის ყოფილი ვარსკვლავის შენიშვნას.

"მინდა ვთქვა, რომ მეჯიქ ჯონსონმა და კობი ბრაიანტმა იციან, ვინ ვარ მე. მეც ვიცი ვინ ვარ. მათ იციან, რას მიიღებენ ჩემგან. თქვენ იცით, რას ვაკეთებ ყოველ მატჩში. შემიძლია თუ არა კარგად ვითამაშო ყოველ შეხვედრაში? არა, მაგრამ თქვენ მე მიცნობთ. როცა დადგება მართლაც ყველაზე მნიშვნელოვანი მომენტი, თქვენ იცით, ვინ აიღებს საკუთარ თავზე პასუხისმგებლობას.

ამ დღეებში მკითხეს: "გრძნობ თუ არა თავს უკეთ მას შემდეგ, რაც 40-ის ნაცვლად, 30 წუთი ითამაშე?" არა. მე მთელი წელი ვმუშაობ, რათა სრული სეზონის განმავლობაში ფორმის პიკზე ვიყო. მე არ ვჩერდები. მე შემიძლია ყველაფერი გავაკეთო", - აღნიშნა ჯეიმსმა.

მიმდინარე სეზონში ლებრონ ჯეიმსმა 23-დან ყველა შეხვედრაში მიიღო მონაწილეობა. საშუალოდ მატჩში, ის 27.8 ქულას, 7.7 მოხსნასა და 6.7 შედეგიან გადაცემას აგროვებს.

ყოველდღიური სპორტული გაზეთი "ლელო"
516
მკითხველის კომენტარები / 0 /
მსგავსი ამბები
რუბრიკის სხვა სიახლეები