რა იყო ახლა ეს?! რუსული ფეხბურთის ყოფილი ბოსი გულზე გასკდა: რასაც ბელარუსები აკეთებენ, პორნოგრაფიაა!..

რუსეთის საფეხბურთო კავშირის საპატიო პრეზიდენტი ვიაჩესლავ კოლოსკოვი, ვინც თავის დროზე საბჭოური ფეხბურთის ბოსი და ფიფას ვიცე-პრეზიდენტი გახლდათ, ბელარუსებს გადასწვდა. გავლენიანმა ჩინოვნიკმა ტიპური საბჭოთა ბიუროკრატის შესაფერისი კომენტარი გააკეთა...

მოგეხსენებათ, ბელარუსის ლიდერმა ალექსანდერ ლუკაშენკომ თავის ხალხს მოუწოდა, არ შეუშინდნენ კორონავირუსს, რათა არ გაჩერდეს ქვეყანა. შესაბამისად, ლუკაშენკომ მწვანე შუქი აუნთო ქვეყნის საფეხბურთო ჩემპიონატის დაწყებასაც, რაც, ასე თუ ისე, ხალხის მასობრივი თავშეყრის ადგილია და დიდ რისკებს შეიცავს.

ახლა ბელარუსი ერთადერთი ევროპული ქვეყანაა, სადაც საფეხბურთო პირველობა ტარდება. ეტყობა, ამის შემხედვარე კოლოსკოვს, რომლის ქვეყანაშიც არამარტო საფეხბურთო, არამედ ყველანაირი სპორტული აქტივობა გაჩერებულია, შეშურდა და ბელარუსები გაკენწლა:

"პარასკევს ვცადე ბელარუსის ჩემპიონატის ორი მატჩის ნახვა. ეს იყო რაღაც პორნოგრაფია, სრული აბსურდი: არც მაყურებელი, არც საფეხბურთო ოსტატობა... საერთოდ არაფერი! ჩვენ კი ცენტრალური ტელევიზიით ვაჩვენებთ ამ სისულელეს!..

ადრე ტელევიზიაში იყო ასეთი რუბრიკა - "სპორტი გმირი". აჩვენეთ ხალხს ეს გმირები! აჩვენეთ სეულის 1988 წლის ოლიმპიადის ფინალი, სადაც ბრაზილია დავამარცხეთ!.. რატომ უნდა ვუყურო ბატე-ს და ვიღაც "მოზ-ვოზის" თამაშს?!", - ამბობს კოლოსკოვი ერთ-ერთ რუსულ ტელეარხთან კომენტარში.   

5271
მკითხველის კომენტარები / 0 /
მსგავსი ამბები
რუბრიკის სხვა სიახლეები
;