კომედია: ფოთის კოლხეთიდან რობერტო ლანდიც წავიდა

სულ რაღაც ერთი თვის წინ ფოთის "კოლხეთში" დანიშნულმა რობერტო ლანდიმ გუნდი დატოვა. ინფორმაცია კლუბის პრესატაშე გია ეჯიბიამ დაგვიდასტურა.

"იტალიელმა სპეციალისტმა "კოლხეთი 1913" ურთიერთშეთანხმების საფუძველზე დატოვა. რობერტო ლანდის ნაცვლად, დროებით მთავარი მწვრთნელის პოსტზე მისი ასისტენტი ნუგზარ თვარაძე იმუშავებს", - ამბობს ეჯიბია.

     ⇒კურიოზი: ძოძუაშვილი \'კოლხეთიდან\' ორ დღეში მოხსნეს

ლანდი ფოთის "კოლხეთი 1913-ის" სპონსორმა, სამშენებლო დეველოპერულმა კომპანია lion building development-მა მასმედიას და გულშემატკივრებს რაგბის სტადიონ "პარკი არენაზე" 30 ივლისს წარუდგინა.

რა გახდა იტალიელის ფოთიდან ასე უეცარი წასვლის მიზეზი? ოფიციალურად ამაზე განუმარტებას არ აკეთებენ.

ერთ-ერთი ვერსიით, კლუბის ორი პარტნიორიდან ერთმა ეროვნულ საფეხბურთო ლიგაში "კოლხეთის" წარუმატებელი გამოსვლის გამო კლუბის დატოვება გადაწყვიტა და ლანდიც მასთან ერთად წავიდა. მაგრამ შესაძლოა, მან საქართველო არ დატოვოს და სხვა ქართულ კლუბში იმუშაოვოს, რომლის შეძენაც "კოლხეთის" ერთ-ერთ, აწ უკვე ყოფილ პარტნიორს სურს.

ყოველდღიური სპორტული გაზეთი "ლელო"
1864
მკითხველის კომენტარები / 0 /
მსგავსი ამბები
რუბრიკის სხვა სიახლეები
;