კონტინენტის ფარი. 'ლოკომოტივმა' თავისი მოიგო და პირველზეა, ველით იტალიელებს?

ლოკომოტივი-ფიამე ორო            47:10

ლოკომოტივი (15-9): კავთიძე (ხელაია 67), გოგოლაშვილი, ძნელაძე, ტალახაძე, შკინინი, წიკლაური, გედახური (გულიტაშვილი 67); (1-8): ვ. ქვათაძე (გორგასლიძე 67), ი. ქვათაძე (ღვინჯილია 67), ქართველიშვილი (გიორგი არაბული 67), კოპაძე, არაბული (გეგია 54), გასვიანი (დარასელია 64), ყველაიძე, მაისურაძე (ამირანაშვილი 64).

6ლ: არაბული, შკინინი, წიკლაური (2), ძნელაძე, მაისურაძე. 4გ, 2ს, ა: წიკლაური

ფიამე ორო (15-9): ბუშემა, ჯ. დონოფრიო, გაბიანელი, მასარო (სენო 51), გასპარინი (მაზატო 73), ამბროზინი (კაფინი 46), მარინარო (პარიზოტო 55); (1-8): იოვენიტი (მარიოტინი 69), კუდინი (მორიკონი 55), იაკობი (ვანოძი 64), ფრანიტო, უ. დონოფრიო (მაკკართი 55), ბიანკი, ფავარო, კორნელი

2ლ: ჯ. დონოფრიო, კორნელი

მსაჯი: სარა კოქსი (ინგლისი)

„მოგებას ვგეგმვდით, თუმცა ასეთ შედეგზე, რა თქმა უნდა, არ გვიფიქრია. ყველაფერი კარგად გამოვიდა და ანგარიშში სხვაობა იმ თამაშის ხარისხის შედეგია, რომელიც დღეს მორაგბეებმა აჩვენეს. დაცვაშიც და შეტევაშიც, მათ ყველა დავალება კარგად შეასრულეს. პირველი ტაიმის შუაში იყო მომენტი, როდესაც, თითქოს, ოდნავ მოვეშვით. თუმცა, შესვენებაზე ვთქვით, რომ საქმე დამთავრებული არ გვქონდა და ყველაფერი თავის ადგილზე დაბრუნდა. ჩვენ გავაკეთეთ რაც შეგვეძლო და ახლა დაველოდებით 19 იანვრის მატჩს“. - თქვა ნამატჩევს „ლოკომოტივის“ მთავარი მწვრთნელის ასისტენტმა დავით ჩავლეიშვილმა.

„ლოკომოტივის“ ბედი კონტინენტის ფარის გათამაშებაში ორი იტალიური კლუბის „ფიამე ოროსა“ და „კალვიზანოს“ კეთილსინდისიერებაზეა დამოკიდებული. რომაული გუნდი, რომელიც ჯგუფში სრულიად უშანსოდაა, ბოლო ტურში შინ მასპინძლობს რკინიგზელთა კონკურენტ „კალვიზანოს“. ჩვენი გუნდისთვის ნებისმიერი შედეგი მისაღებია „კალვიზანოს“ გამარჯვების გარდა. თუ ამ იტალიურმა გუნდმა თუნდაც ერთი ქულის სხვაობით მოიგო, შემდეგ ეტაპზე სწორედ ის გადის.

თამამად შეიძლება ითქვას, რომ „ფიამე ოროს“ „ლოკომოტივმა“ იოლად მოუგო. რკინიგზელებმა მეტოქეს ერთმანეთზე უკეთესი ექვსი ლელო გაუტანეს და დაამტკიცეს, რომ ჯგუფიდან გასვლაზე პრეტენზია სავსებით სამართლიანად აქვთ. მატჩში გამორჩეული მგეზავად მოთამაშე ბექა წიკლაური იყო, რომელმაც ორი ლელო გაიატანა. მის ანგარიშზეა ასევე ოთხი გარდასახვა, ორი საჯარიმო და 55 მეტრიდან დიდოსტატურად გატანილი არეკნი - სულ 27 ქულა.

სატურნირო მდგომარეობა

  1. ლოკომოტივი - 14 ქულა, 2. კალვიზანო - 10, 3. ფიამე ორო - 1

19 იანვარი

ფიამე ორო-კალვიზანო

ყოველდღიური სპორტული გაზეთი "ლელო"
660
მკითხველის კომენტარები / 0 /
მსგავსი ამბები
რუბრიკის სხვა სიახლეები
;