კონტინენტის ფარი. საქართველოს ჩემპიონმა იტალიის ვიცე-ჩემპიონთან წააგო

ლოკომოტივი-კალვიზანო 6:17

ლოკომოტივი: (15-9) წიკლაური, გოგოლაშვილი, ძნელაძე, კავთიძე, ხელაია, აფციაური, ბეგაძე (გედახური 70); (1-8) ვ. ქვათაძე (გორგასლიძე 68), ი. ქვათაძე (ჭავჭავაძე 59), ქართველიშვილი (არაბული 62), კოპაძე, ტურაშვილი (გეგია 66), გასვიანი, ყველაიძე, ამირანაშვილი (მაისურაძე 57)
2ს: წიკლაური
სინბინი: ხელაია, ბეგაძე, გასვიანი

კალვზანო: (15-9) ბრუნო, ბალოკი, გარიდო, მაძა (დალ ძილიო 69), სუზიო, ლეინი (პეშეტო 77), კაზილიო (სემენძატო 75); (1-8) ფისკეტი (მორელი 67), მანფრედი (ლუკარდი 67), ლეზო, კავალიერი, ანდრეოტი, მარტანი, ზდრილიჩი (კოფი 56), ვუნისა.
ლ - სუზიო. 4ს - ლეინი
სინბინი: ვუნისა, გარიდო

მსაჯი: ს. გროუვ-ვაითი

საქართველოს ჩემპიონის, თბილისის "ლოკომოტივის" დებიუტი კონტინენტის ფარის გათამაშებაში წარუმატებელი გამოდგა. რკინიგზელებმა ვერაფერი გააწყვეს იტალიის ვიცე-ჩემპიონ "კალვიზანოსთან" და 6:17 დამარცხდნენ.

მატჩის შემდეგ "ლოკომოტივის" მორაგბეები უკმაყოფილებას გამოთქვამდნენ: მსაჯი მეტოქეს რაკსა და მოლში წესების დარღვევისთვის არ აჯარიმებდაო.

თამაშის მიწურულს შოტლანდიელმა არბიტრმა სემ ფროუვ-ვაითმა გიორგი გეგიას მიერ გატანილი ლელო არ ჩათვალა - გეგიამ მეტოქის ჩათვლის მოედნიდან დაახლოებით რვა მეტრში საჯარიმო სწრაფად გაათამაშა, გზად მომხდური მეტოქეები მიყარ-მოყარა და ბურთი ლელოში დაამიწა.

არბიტრმა ლელოს გატანის მომენტი ვერ დაინახა, არ ჩათვალა და თამაშიც დაასრულა. მსაჯის შეცდომა ის იყო, რომ თუ ლელო არ იყო, "ლოკომოტივისთვის" საჯარიმო უნდა დაებრუნებინა, რადგან, როცა გეგიამ საჯარიმო გაათამაშა, იტალიელი მორაგბეები თამაშგარე მდგომარეობაში იყვნენ.

ცხადია, მარცხის მიზეზი ეს ეპიზოდი არ ყოფილა. თუმცა, მსაჯის ამ შეცდომამ "ლოკომოტივს" სატურნირო ცხრილში ერთი საპრემიო ქულა დააკარგვინა.
აღსანიშნავია, რომ შოტლანდიელი არბიტრი თბილისს კიდევ ერთხელ 24 ნოემბერს ეწვევა. ის საქართველოსა და ტონგას ნაკრების მატჩში, საბედნიეროდ, გვერდითი მსაჯი იქნება.

სხვა მხრივ, "ლოკომოტივმა", ცხადია, ცუდად ითამაშა. რკინიგზელებმა თავიანთი შესაძლებლობების წარმოჩენა ვერაფრით შეძლეს. ერთადერთი, რაშიც აშკარად დავჯაბნეთ მეტოქე, შერკინება იყო. დერეფანი პირწმინდად წავაგეთ. რამდენჯერმე ეს მეტოქის ჩათვლის მოედნიდან ხუთ მეტრში მოხდა და შეტევის ნაცვლად დაცვაში თამაში და მეტოქის მოგერიება გვიწევდა.

სხვა, მაგრამ ძალზედ მნიშვნელოვანი თემაა დისციპლინა. სამი სინბინი და 30 წუთის განმავლობაში რიცხობრივ უმცირესობაში თამაში ძალიან ძნელია. ერთ-ერთ ეპიზოდში, მეორე ტაიმის დასაწყისში მოედანზე გუნდური მუშტი-კრივიც გაიმართა.

ერთი სიტყვით "კალვიზანოსთან" მატჩმა "ლოკომოტივის" თამაშში საკმაოდ ბევრი ხარვეზი წარმოაჩინა. რკინიგზელთაგან ორი საჯარიმო ფულბეკმა ბექა წიკლაურმა გაიტანა. იტალიური გუნდიდან საპასუხოდ ოთხი საჯარიმო საქართველოს ნაკრების ყოფილი მწვრთნელის, ტიმ ლეინის ვაჟმა, სემ ლეინმა მიითვალა. იტალიელთა ერთადერთი ლელო კი გარემარბის მარკო სუზიოს ანგარიშზეა.

თემურ ბენდიაშვილი (ლოკომოტივი): "კალვიზანო" ძალიან კარგი, ორგანიზებული გუნდი გამოდგა. ვიბრძოლეთ, მაგრამ დავუშვით შეცდომები. ნახევარი საათი კაცნაკლულებმა ვითამაშეთ, ასეთ დროს კი გამარჯვების მიღწევა ძალიან რთულია. გვქონდა ლელოს გატანის რამდენიმე შესაძლებლობა, თუმცა მათი გამოყენება ვერ მოვახერხეთ. ამ შეხვედრის დეტალურ ანალიზს გავაკეთებთ. მომავალი მატჩებისთვის უკეთ მოვემზადებით და, ვფიქრობ, თამაშის ხარისხიც უფრო მაღალი იქნება".

ჯგუფი

პადოვა-როვიგო 34:34

8 დეკემბერი
ფიამე ორო-ლოკომოტივი

15 დეკემბერი
კალვიზანო-ლოკომოტივი

12 იანვარი
ლოკომოტივი-ფიამე ორო

ყოველდღიური სპორტული გაზეთი "ლელო"
711
მკითხველის კომენტარები / 1 /
სოსო
0
შკინინი და მამუკაშვილი ძალიან დააკლდა გუნდს,მსაჯის საქციელი კი,გასაგებია.ექვს ერში რომ გულზე არ ვეხატებით,ყველასათვის ცხადია.
მსგავსი ამბები
რუბრიკის სხვა სიახლეები
;