კონტრაქტი დასრულდა - გააგრძელებს ვლადიმირ ვაისი?

საქართველოს ფეხბურთის ფედერაციასა და ვლადიმირ ვაისს შორის გაფორმებული ხელშეკრულება უკვე დასრულებულია. ოფიციალურად თუ მივუდგებით, სლოვაკი მწვრთნელი თავისუფალი აგენტია და შეუძლია, ნებისმიერ კლუბთან აწარმოოს მოლაპარაკება.

სხვა საქმეა, რომ ახლა მსოფლიო ფეხბურთში ისეთი დრო დგას, რომ კლუბებს მაინცდამაინც არ სცხელათ ახალი მწვრთნელებისათვის. მითუმეტეს ისეთი სპეციალისტებისათვის, რომლებსაც დაბალ ხელფასზე ვერ დაითანხმებს კაცი. ვაისი კი მაინცდამაინც "იაფი" მწვრთნელი არ არის.

თუ საქართველოს ნაკრები ივნისში ითამაშებს ბელარუსთან, ამ შემთხვევაში ვაისი ალბათ მაინც იქნება ჩვენი ნაკრების საჭესთან. და რა იქნება იმ შემთხვევაში, თუ თამაში კიდევ გადაიდება?

არადა, ამის ალბათობა ნამდვილად დიდია. იმედი გვაქვს, ივნისის დასაწყისში საქართველოში გაცილებით უკეთესი მდგომარეობა გვექნება, მაგრამ რა იქნება სხვა ქვეყნებში? პლეი - ოფს ხომ ჩვენს გარდა სხვა ნაკრებებიც თამაშობენ...

ივნისამდე დრო არის, მაგრამ რამდენად მოიხსნება რისკები, რამდენად შეძლებენ ფეხბურთელები უსაფრთხოთ გადაადგილებას და სხვა, ეს კიდევ საკითხავია...

1812
მკითხველის კომენტარები / 1 /
დ.დ.
5
ღმერთო,ეს რა მესმის!ამან თუ კონტრაქტი არ გააგრძელა,ნამდვილად დავიღუპებით.კორონავირუსიც კი მოგვენატრება.
მსგავსი ამბები
რუბრიკის სხვა სიახლეები
;