კრიზისი. გასახდელში ჩაკეტილი ჩელსი და სარის მთავარი პრობლემა

"ჩელსიში" მონასტერი აირია. "არისტოკრატებმა" 0:4 წააგეს (ყველაზე მძიმე მარცხი ბოლო 23 წლის განმავლობაში) "ბორნმუნთთან", რამაც ნათელი გახადა, რომ მაურიციო სარის დიდი ბრძოლა მოუწევს ამ მდგომარეობიდან თავის დასაღწევად. ადრე მან რაღაცნაირად დაიზღვია თავი, როცა თქვა, რომ "ჩელსი" ჯერ ვერ იბრძოლებდა ჩემპიონობისთვის.

"არსენალთან" წინა ტურში წაგების (0:2) შემდეგ ბრძანა, რომ მის ფეხბურთელებს მოტივაცია აკლიათ. თუმცა ექსპერტებმა მიუთითეს მას, რომ მოთამაშეებისგან ხელის გაშვერა კარგი ტონი არ იყო, რომ ფეხბურთელებს თუ მოტივაცია აკლიათ, ეს მწვრთნელის ბრალია და შეახსენეს ჟოზე მოურინიოს მაგალითი, ვინც სწორედაც ფეხბურთელებთან მუდმივი ქიშპის გამო ვერ ააწყო საქმეები "მანჩესტერ იუნაიტედში"...

"ბორნმუთთან" კატასტროფის შემდეგ კი სარიმ უკვე თავის თავზე აიღო პასუხისმგებლობა. ეს კი ნამდვილად პროგრესია. თამაშის შემდეგ მან მთელი 50 წუთის განმავლობაში გამოკეტა გუნდი გასახდელში. ცხადია, სერიოზული ლაპარაკი იქნებოდა, რაზეც საჯაროდ არავინ არაფერს იტყვის, ამიტომ, ჩვენ სარის პრესკონფერენციის ფრაგმენტს გავეცნოთ, რასაც ვერავინ დამალავს:

"პირველი ტაიმის ბოლოს ვერავინ წარმოიდგენდა, რომ მეორე ნახევარი "ჩელსისთვის" სრული კატასტროფა იქნებოდა და მსურს გავიგო, თუ რატომ მოხდა ეს. ჩვენ დავკარგეთ სახე და 11 ფეხბურთელი, როგორც ინდივიდუალი. შეიძლება, დამარცხდე, ეს არ არის სირცხვილი, მაგრამ თამაშის სადავეები ასე არ უნდა დათმო. არადა, პირველ ტაიმში ჩვენ ვაკონტროლებდით სიტუაციას... რა თქმა უნდა, იმედგაცრუებული ვარ, თუმცა ეს ყველაფერი ჩემი შეცდომა და პასუხისმგებლობაა. შესაძლოა, ვერ ვახერხებ, რომ ჩემს ფეხბურთელებს სტიმული და მოტივაცია მივცე", - ამბობს სარი.

433
მკითხველის კომენტარები / 0 /
მსგავსი ამბები
რუბრიკის სხვა სიახლეები
;