რონალდოს 5 სექსსკანდალი: ნატაშა, ერიკა, ანდრესა, ჯულიანა... [VIDEO+PHOTO]

2005 წლის ოქტომბერში, გაზეთი DailyMail დიდი სათაურით გამოვიდა - "საფეხბურთო სამყაროს სიმპათიური ბიჭი კრიშტიანო რონალდო დაპატიმრებულია გაუპატიურების ბრალდებით".

მაშინ "მანჩესტერ იუნაიტედის" ფეხბურთელები "ფულჰემზე" გამარჯვებას აღნიშნავდნენ. კლუბ Movida-ში რონალდომ და მისმა ბიძაშვილმა ნუნუმ ორი გოგონა გაიცნეს, შემდეგ ვესტ-ენდში სასტუმრო Sanderson-ის Loung Bar-ში მივიდნენ. იქ ორი საათი სვამდნენ, შემდეგ ნომერში ავიდნენ. მოგვიანებით, ერთ-ერთი გოგონას თქმით, ნუნუს ის ორივე ხელით ეჭირა, ხოლო კრიშტიანო აუპატიურებდა. მაშინ საქმეს პოლიციამ მოჰკიდა ხელი. რონალდო თავად მივიდა განყოფილებაში ადვოკატის თანხლებით. ჩააბარა ბიოლოგიური მასალა და დამაჯერებლად უარყო ბრალდება.

   რონალდოს გოგომ ოჯახი მიაგდო: მამამ ინსულტი გადაიტანა, ბებიამ სახლი დაკარგა

პოლიციელებმა არ დაადასტურეს ძალადობის ფაქტი. ტაბლოიდები წერდნენ, რომ "მსხვერპლი" იყო მეძავი, რომელიც ცნობილ ადამიანებთან ყალბი საქმეებით სპეციალიზდებოდა. რონალდოს ყველა ბრალდება მოუხსნეს. იმ პერიოდში, ის მამას გლოვობდა და არ იყო კარგ ფორმაში. რონალდო ყველას შეეცოდა, ისტორია კი დაივიწყეს.

გართობა ესკორტგოგონებთან

როცა "მანჩესტერ იუნაიტედში" ნანი და ანდერსონი გადავიდნენ, მათთვის რონალდო მაშინვე უფროსი ძმა გახდა. 2007 წლის აგვისტოში, "იუნაიტედმა" "ტოტენჰემს" მოუგო და ბიჭებმა გადაწყვიტეს, ეს მოგება ადამიანურად ეზეიმათ. რონალდომ ესკორტ-სააგენტო McKenzie-ში დარეკა და სამისთვის ხუთი მეძავი გამოიძახა.

ბიჭები კრიშტიანოს ქალაქგარე სახლის აუზში ნებივრობდნენ, გოგონები კი ტერიტორიაზე სეირნობდნენ და თან ფოტოებსა და ვიდეოს იღებდნენ. მხიარულება დილის ხუთ საათამდე გაგრძელდა. ერთ-ერთმა გოგონამ რონალდოს სამახსოვროდ თავისი საცვლები დაუტოვა.

ამის შესახებ ვერავინ ვერაფერს გაიგებდა, გოგონებს იმ საღამოს პერიპეტიებზე მედიაში რომ არ დაეძრათ სიტყვა. ერთ-ერთმა, ჯულიანა ბალტროსმა თქვა, რომ რონალდოს უფასოდაც შეეძლო გართობა, თუმცა, აღნიშნა, რომ აქამდე მის ხელში გამოვლილი 200 კლიენტრიდან ასე უპატივცემულოდ მის მიმართ არავინ მოქცეულა. მთელი ღამე ჯულიანა (მისი ღირებულება ერთ საათში 250 ფუნტია) და მისი მეგობრები ერთი საწოლიდან მეორეში გადადიოდნენ. რონალდოსთან მათ უფრო მოეწონათ, ვიდრე ნანისთან და ანდერსონთან.

ფეხბურთელებმა იძუნწეს და გოგონებს მონდომებისთვის საცოდავი 3000 ფუნტი გადაუხადეს. თან საკრედიტო ბარათით, რითაც ძალიან გაანაწყენეს ისინი. მალე გოგონებს კიდევ ერთი იმედგაცრუება ელოდათ - ისინი სამსახურიდან გრძელი ენის გამო დაითხოვეს.

ჩემი პატარა ცხენი

რონალდოსა და ირინა შეიკის ურთიერთობას 2013 წელს ბზარი გაუჩნდა, როცა პორტუგალიელთან კავშირის შესახებ გამოაცხადა ბრაზილიელმა მოდელმა ანდრესა ურაკმა. მისი თქმით, კრიშტიანოს პირველი კითხვა ასე ჟღერდა: მართალია, რომ მას მოგებული ჰქონდა ტიტული "მის ბუმ-ბუმ" (ბრაზილიაში საუკეთესო უკანალის პრიზი)?

როგორც ანდრესა ამტკიცებს, შეხვედრა დორტმუნდში "რეალის" მატჩამდე ორი დღით ადრე შედგა. ეს ის თამაშია, რომელშიც ლევანდოვსკიმ პოკერი შეასრულა. ირინა შეიკთან მორიგი წაჩხუბების შემდეგ, რონალდომ ინსტაგრამში რესერჩი მოაწყო, ურაკს გადააწყდა და ის სასტუმროში მიიწვია.

რამდენიმესაათიანი სექსის შემდეგ, კრიშტიანომ ახალ მეგობარს "პატარა ცხენი" შეარქვა. "რონალდო შესანიშნავია საწოლში, მაგრამ ცუდად მომექცა. ნებისმიერი გოგონა ჩემს ადგილას გამოყენებულად ჩათვლიდა საკუთარ თავს. თუმცა, მე უკვე დავივიწყე ამ უსიამოვნო ინციდენტის შესახებ", - იხსენებდა ანდრესი. ასეთი მოკლე მეხსიერებით, ურაკი იდეალურ პარტნიორად შეიძლება მოინათლოს, რადგან არანაირი სასამართლო გარჩევა არ მოუწყვია.

თუმცა, ირინა შეიკი მალე წავიდა. "არ ვენდობი ადამიანს, რომელთანაც ბედნიერად ვერ ვგრძნობ თავს. ასეთებს არ შეიძლება მამაკაცი უწოდო, ისინი ბავშვები არიან", - თქვა მან და ეს სიტყვები, სავარაუდოდ, ამ ისტორიას უკავშირდება.

ღალატი ნატაშასთან

2017 წლის მარტში პორტუგალიური მედია გამოცოცხლდა: ნაკლებად ცნობილმა 21 წლის მოდელმა ჟურნალისტებს მოუყვა რონალდოსთან გატარებული ერთი ღამის შესახებ. ეს ერთი ჩვეულებრივი ამბავი იქნებოდა, რომ არა კრიშტიანოს მეგობარი გოგონას ჯორჯინა როდრიგესის ფეხმძიმობა.

ნატაშას სიტყვებით, ისტორია დაიწყო მაშინ, როცა რონალდო ირინა შეიკთან განშორების შემდეგ, მარტო ცხოვრებას ეჩვეოდა. გოგონამ გართობის მიზნით ფეხბურთელს თავისი უკანალის ფოტო გაუგზავნა, თან მიაწერა - "დიდი ამბორი". სატყუარამ იმუშავა. რონალდომ უპასუხა და მათ მიმოწერა გააბეს.

ურთიერთობა ღრმავდებოდა, ნატაშას მიერ გაგზავნილი მასალაც სულ უფრო და უფრო ხარისხიანი იყო. ბოლოს, მან საცვლებში ცეკვა შეასრულა და 2016 წლის ოქტომბერში, დაიმსახურა ლისაბონში კრიშტიანოს მდიდრულ სახლში მიპატიჟება. თუმცა, მოუცლელობის მიზეზით, რონალდომ შეხვედრა გააუქმა, მაგრამ სთხოვა გოგონას - ცეკვის ვიდეო კიდევ გამოეგზავნა.

მიმოწერა გრძელდებოდა და უკვე მარტში რონალდო ისევ მარტო აღმოჩნდა ლისაბონში. ამჯერად, ჯიუტმა ნატაშამ მიიღო ის, რისკენაც ისწრაფოდა. სექსის გარდა, კრიშტიანომ მას საკუთარ სახლში ექსკურსია მოუწყო და თითქმის ყველა ოთახი დაათვალიერებინა. პორტუგალიელი ისეთი თავაზიანი იყო, რომ გოგონამ აღნიშნა: "არ მგონია, რომ ის გეი იყოს". ბოლოს, რონალდომ ნატაშას სპორტული კეპი აჩუქა, ტაქსისთვის 300 დოლარი მისცა და გაუშვა.

ისინი კავშირზე იყვნენ იქამდე, სანამ ნატაშა არ მიიწვიეს Lოვე ონ თოპ-ში გადასაღებად. ეს არის პორტუგალიური შოუ, სადაც ჭუჭყიან საცვლებში ქექვა უყვართ. კრიშტიანომ გადაწყვიტა, რომ მარტის ერთ საღამოს ლისაბონში მომხდარი ამბავი, შესაძლოა, მთელ მსოფლიოს გაეგო, ამიტომაც სრული იგნორირება გაუკეთა გოგონას.

როცა ნატაშამ გადაწყვიტა, რომ ცეკვის ვიდეოები აღარ მოქმედებდა, სიტუაციის გარკვევა სცადა, რის გამოც სამუდამო დისკვალიფიკაცია მიიღო.
"ადრე ვგრძნობდი, რომ განსაკუთრებული ვიყავი რონალდოსთვის. ის ამბობდა, რომ არასოდეს უღალატია ჯორჯინასთვის და ეს მხოლოდ ჩემთან გააკეთა", - ნაღვლობდა ნატაშა. როცა მიხვდა, რომ რონალდო მხოლოდ მასთან არ ერთობოდა, გოგონა თავის ამბავს პრესას მოუყვა. თუმცა, მიმოწერის სქრინების გარდა, დამამტკიცებელ საბუთად სხვა ვერაფრის წარმოდგენა ვერ შეძლო. კრიშტიანოს ოჯახიც გადარჩა.



მის ბუმ-ბუმის წყენა

ნატაშას ისტორიის პარალელურად, სხვა დრამაც ვითარდებოდა. რონალდო პორტუგალიის ნაკრებთან ერთად ლისაბონში ჩავიდა და ოდნავ მოიწყინა. ჯორჯინა ახლოს არ იყო, ამიტომაც კრიშმა ბრაზილია 2016-ის საუკეთესო უკანალს ერიკა კანელეს მისწერა. ისიც მოწყენილი იყო ლისაბონში, სადაც რეალითი-შოუს გადაღებებზე იმყოფებოდა და უარს არ იტყოდა ფეხბურთელთან შეხვედრაზე.

როცა ყველაფერი შეთანხმებული იყო, რონალდომ დაურეკა ერიკას და შეატყობინა, რომ დაახლოებით 15 წუთი ჰქონდა შეხვედრისთვის. აღშფოთებულმა ბრაზილიელმა ყურმილი დააგდო და იქვე მუქარც მიიღო. როცა რონალდომ ყველაფერი უთხრა, რასაც მასზე ფიქრობდა, ფეხბურთელმა ის დაბლოკა. გაზეთ თჰე შუნ-ის ვერსიით, ერიკა ასე იმიტომ გაბრაზდა, რომ წინა ორი თვე ხვდებოდა კრიშტიანოს. სანამ არ გაიგო, რომ მას გოგონა ჰყავდა.

"მან მე მეძავი მიწოდა და დამემუქრა, რომ ჩემს ცხოვრებას გაანადგურებდა. ამ სტრესის შემდეგ, ნორმალურად ჭამა და ძილი არ შემეძლო", - იხსენებდა "მის ბუმ-ბუმი". ერთი წლის შემდეგ, როცა ერიკა თითქმის აღარავის ახსოვდა, ის თავად დაემუქრა რონალდოს სასამართლოში ჩივილით. კრიშტიანუს ამ ისტორიაზე კომენტარი არასოდეს გაუკეთებია. ისიც უცნობია, მივიდა თუ არა გოგონა სასამართლომდე.

ყოველდღიური სპორტული გაზეთი "ლელო"
2877
მკითხველის კომენტარები / 0 /
მსგავსი ამბები
რუბრიკის სხვა სიახლეები