კრიშტიანო რონალდოს 2-წლიანი დისკვალიფიკაცია ემუქრება? ნახეთ, რა არგუმენტი აქვს იტალიის ნაკრების ყოფილ ფეხბურთელს...

იტალიის ნაკრებისა და "რომას" ყოფილი ფორვარდი ანტონიო კასანო ვარაუდობს, რომ კრიშტიანო რონალდო, შესაძლოა... 2-წლიანი დისკვალიფიკაციით დაისაჯოს. ყოველ შემთხვევაში, ეს გათვალისწინებულია იტალიური ფეხბურთის ფედერაციის წეს-კანონით, თუმცა სხვა საქმეა, რამდენად იმუშავებს ეს რონალდოს მაგალითზე.

შეგახსენებთ, "მილანთან" მატჩის 55-ე წუთზე მწვრთნელის მიერ შეცვლილმა რონალდომ უკიდურესად გაბრაზებულმა ეგრევე გასახდელს მიაშურა და სტადიონიც თამაშის დამთავრებამდე დატოვა.

"რონალდომ სტადიონი თამაშის დასრულებამდე დატოვა? ეს აკრძალულია, რადგან მატჩის შემდეგ დოპინგ-კონტროლი ტარდება და მისი არასაპატიო მიზეზით ჩაგდება დიახაც 2-წლიან დისკვალიფიკაციას ითვალისწინებს. მახსოვს, "ლაციოსთან" დერბის დროს მეც თამაშის დასრულებამდე წავედი სტადიონიდან, მაგრამ მერე სასწრაფოდ უკან დაბრუნებამ მომიწია, რათა არ გამეცდინა დოპინგ-კონტროლი და დისკვალიფიკაცია ამეცილებინა თავიდან", - ამბობს კასანო.

"იუვენტუსმა" განაცხადა, რომ რონალდოს არ დასჯის. რა თქმა უნდა, ამას არც იტალიის ფეხბურთის ფედერაცია იზამს გასაგები მიზეზების გამო. თუმცა, რასაც კასანო ამბობს, საყურადღებო ფაქტია... 

2537
მკითხველის კომენტარები / 0 /
მსგავსი ამბები
რუბრიკის სხვა სიახლეები
;