'კუკესის' მიმართვა უეფას: დასაჯეთ ქართველები!

ალბანური გამოცემა ქუთაისის "ტორპედოს" ჩასვლასაც გამოეხმაურა: "ქართველები ალბანეთში სამი დღით ადრე ჩამოფრინდნენ, რადგან იყო "შიში", რომ "კუკესი" საპასუხოდ რაიმეს მოიმოქმედებდა. "ტორპედო" ტირანაში ხუთშაბათის მატჩისთვის ჩამოფრინდა, რომელიც ელბასანში 19 საათზე დაიწყება. ქართულმა გუნდმა ჩემპიონატში ორი მატჩი გამოტოვა, რადგან ის ახლა მხოლოდ ევროპის ლიგაზეა ორიენტირებული. "კუკესისგან" განსხვავებით, ქართველებს არ ჰქონდათ სავიზო პრობლემები და საკმაოდ კომფორტულადაც დაბინავდნენ".

გაირკვა, რომ "კუკესის" პრეზიდენტი უეფასგან საქართველოს ჩემპიონის დასჯას ითხოვს. ის საქართველოში მომხდარს პრესკონფერენციაზე კიდევ ერთხელ შეეხო.

  \'ტორპედოს\' მეტოქე: \'კუკესის\' ფეხბურთელები გაიფიცნენ

"ყველა ის საშუალება ვცადეთ, რომელიც ასეთ შემთხვევებში უნდა გამოგვეყენებინა. მაგრამ ჩვენ არ მიგვიღია პასუხი - არც უარყოფითი და არც - დადებითი. დავუკავშირდით საქართველოს საგარეო საქმეთა სამინისტროს და მათ საელჩოს, უეფას და მაინც მოგვატყუეს - როგორც ჩანს, ეს განზრახ გააკეთეს. ბოლოს მალოკუსა და რეჟინალდოს ვიზები რომ მიეღოთ, ალბანეთის ფეხბურთის ფედერაცია დაგვეხმარა.

ჩვენ უეფას მოვთხოვეთ "ტორპედოს" დასჯა, რადგან ყველა დაბრკოლება ნამდვილად მათგან მოდიოდა. ჩვენ არ გვინდა, რომ დაცვაში შეცდომები ამით ავხსნათ, მაგრამ ეს ფსიქოლოგიური დარტყმა იყო. თბილისში მეორე ტაიმში თამაში გამოვასწორეთ, მაგრამ შანსები ვერ გამოვიყენეთ. ჩვენ სტუმარ გუნდს ასეთი მეთოდებით ხელს არასოდეს შევუშლით. ისინი არ არიან მიჩვეულები "ფეარ პლეის". ჩვენ შურისძიება არ გვსურს, მაგრამ მათთან ოფიციალურ ლანჩზე მე არ დავჯდები. ჩვენ შევხვდით "ვალეტას", რომლის ფეხბურთელსებაც მსგავსი პრობლემის მოგვარება დასჭირდათ და მალტელებს ამაში დავეხმარეთ".

2245
მკითხველის კომენტარები / 0 /
მსგავსი ამბები
რუბრიკის სხვა სიახლეები