კურეში. მსოფლიოს ჩემპიონატი: გუგა კიბორძალიძემ კურეში მოიგო

28-29 ოქტომბერს ყაზახეთის დედაქალაქ ასტანაში, "ბარიც-არენაში" ჩატარდა მსოფლიოს ჩემპიონატი იქაურთა ნაციონალურ ჭიდაობა კურეშში.

ყაზახებმა თავიანთი ჭიდაობის პოპულარიზაცია ყოფილი საბჭოთა კავშირის დაშლის შემდეგ დაიწყეს და მსოფლიოს პირველობა ტრადიციული გახადეს, შედეგად კი მას უკვე თავისი ისტორია გააჩნია. იქაურებმა მას იმ დონეზე გაუთქვეს სახელი, რომ ამ ჩემპიონატში 40 ქვეყნის 166 სპორტსმენი გამოდიოდა. მათ შორის იყვნენ ისეთი შორეული ქვეყნები, როგორიცაა ბოლივია, აშშ, ბრაზილია, ახალი ზელანდია, კამერუნი და სხვები, ჩემპიონატის საპრიზო ფონდი კი 40 ათასი დოლარი იყო.

ქართველები იმთავითვე იყვნენ ამ ჩემპიონატების მუდმივი მონაწილენი და ტრადიცია არც ამჯერად დაურღვევიათ, წლეულსაც გვყავდა გუნდი წარგზავნილი, რომლის მონაგარიც ორი მედალია: თითო ოქრო და ბრინჯაო. გუგა კიბორძალიძემ აბსოლუტურ კატეგორიაში პირველობა არავის დაუთმო. მან ფინალში ტაჯიკი დოდოხან ყურბანალიევი დაამარცხა და 40-ათასდოლარიანი საპრიზო ფონდიდან ჯილდოდ 5 000 დოლარი მიიღო.

ყოველდღიური სპორტული გაზეთი "ლელო"
1459
მკითხველის კომენტარები / 1 /
ნინო
0
კიდევ, კიდევ მრავალი ჯილდო, სამშობლოს სასახელოდ გუგა.
რუბრიკის სხვა სიახლეები
;