ფრენკ ლამპარდი: სუპერთასის მოგება ჩვენთვის მნიშვნელოვანია

„ჩელსის“ მთავარმა მწვრთნელმა ფრენკ ლამპარდმა „ლივერპულთან“ სუპერთასის მატჩზე უეფას ოფიციალურ ვებ გვერდთან კომენტარი გააკეთა:

„ოპტიმისტურად ვარ განწყობილი. ჩემი ფეხბურთელების შესაძლებლობების მჯერა. ძალიან კარგად ვიცით, „ლივერპული“ რასაც წარმოადგენს. მათ სრულიად დამსახურებულად მოიგეს ჩემპიონთა ლიგა. იქ ფანტასტიური მწვრთნელი მუშაობს და ძალიან კარგი ფეხბურთელები ჰყავთ. თუ წარმატების მიღწევა გვსურს, მაქსიმალურად უნდა დავიხარჯოთ.

პრემიერლიგის პირველ ტურში, „მანჩესტერ იუნაიტედთან“ ცუდად არ გვითამაშია, უბურთოდ აგრესიულად ვმოქმედებდით. „ლივერპული“ სხვა ტიპის გუნდია, ჩვენ პატივი უნდა ვცეთ მერსისაიდელთა ძლიერ მხარეებს. მათთან შეგვიძლია სხვანაირად ვითამაშოთ.

ამ ტიტულის მოგება ჩვენი კლუბისთვის  ძალიან ბევრს ნიშნავს. ფეხბურთელობის დროს, ორჯერ დავმარცხდი სუპერთასის მატჩში, არ მინდა, მწვრთნელის რანგშიც იგივე განმეორდეს“.

სუპერთასზე ქალი-არბიტრის თემას „ჩელსის“ თავკაციც შეეხო: „მოხარული ვართ, რომ სუპერთასის მატჩს ქალი არბიტრი განსჯის. ვფიქრობ ეს წინგადადგმული ნაბიჯია, უფრო ზუსტად რომ ვთქვა, ეს არის სწორი მიმართულებით გადადგმული ნაბიჯი.

116
მკითხველის კომენტარები / 0 /
მსგავსი ამბები
რუბრიკის სხვა სიახლეები
;