ვლადიმირ ვაისი: თუ იქნება ათი ჩაკვეტაძე, ათი კანკავა და ათი კაშია ძალიან მაგარ შედეგს დავდებთ!

ერთა ლიგის მეოთხე ტურში ლატვიის განადგურების (3:0) შემდეგ ჩატარებულ პრესკონფერენციაზე საქართველოს ნაკრების მწვრთნელმა ვლადიმირ ვაისმა ჟურნალისტების კითხვებს უპასუხა.

"რა თქმა უნდა ვიცი რომ გახარებულია ქართველი ხალხი და ყველა გულშემატკივარი. მინდა მე ყველას მივულოცო ეს წარმატება, ეს არის საერთო გამარჯვება და საერთო წარმატება. მნიშვნელოვანია ის ფაქტი, რომ საქართველო პირველი გავიდა პლეი ოფში.

ბედნიერი ადამიანი ვარ, რომ დღეს საქართველოს ნაკრებმა მოიგო. ჩვენი სამწვრთნელო შტაბისთვის დღევანდელი მატჩი იყო ყველაზე მნიშვნელოვანი და იმ სამუშაოს შედეგი რაც ჩვენ გავწიეთ. დიდი მადლობა უნდა ვუთხრა საქართველოს ფეხბურთის ფედერაციას მხარდაჭერისთვის და ნდობისთვის, რომ მოგვცეს ამის საშუალება.

ჩვენ წინ გველოდება აგრეთვე მნიშვნელოვანი მატჩები, სადაც ჩვენ უნდა დავაგროვოთ ქულები, რათა შევძლოთ რეიტინგში წინსვლა, რადგან ეს მნიშვნელოვანია ნაკრებისთვის და სამომავლოდ საკვალიფიკაციო ეტაპებზე განთესვისთვის. "

P.S. ქართველი ჟურნალისტების გადაწყვეტილებით, ჩვენ ვლადიმირ ვაისს აღარ დავუსვით კითხვები, რადგან შედეგით ყველაფერი ნათქვამია, სლოვაკ სპეციალისტს მივულოცეთ წარმატება და ვუსურვეთ წარმატება.

ვლადიმირ ვაისმა კი საპასუხოდ განაცხადა:

"მე ამ პერიოდის განმავლობაში ქართველი ჟურნალისტებისგან ვგრძნობდი თბილ დამოკიდებულებას, ამავდროულად ქართველი ხალხისგან და ეს არის საერთო წარმატება.

მე მინდა ავღნიშნო გიორგი ჩაკვეტაძის ტალანტი და პროგრესი, მე ასეთი წინსვლა არასდროს მინახავს და არც მახსოვს. ის უნდა იყოს მაგალითი სხვა ახალგაზრდა ფეხბურთელებისთვის. თუ იქნება ათი ჩაკვეტაძე, ათი კანკავა და ათი კაშია ძალიან მაგარ შედეგს დავდებთ.

დღევანდელი გამარჯვებით ძალიან დიდი ნაბიჯი გადაიდგა და ვიმედოვნებ, რომ შემდეგ შეხვედრაში ყაზახეთთან თბილისში ერთად გავაცილებთ ერთა ლიგის ჯგუფურ ეტაპს და გავავსებთ სტადიონს."

გალაქტიონ ესაკია რიგიდან

2294
მკითხველის კომენტარები / 1 /
ლევან ლორია
0
გილოცავთ, ძალიან მაგარი შედეგია, ვინმემ არ თქვას ჭე კლასიაო და რამე, დღეს ყველამ ისწავლა ფეხბურთი, და ამ ფონზე ოთხ ოფიციალურ თამაშში 12 ქულა და პირველი გასვლა პლეიოფში ისე რომ ჩვენ გოლი არ გაგვიშვია თან ცხრა ბურთი გავიტანეთ, გადასარევი შედეგია. ერთა ილიგის დასაწყისისთვის ამაზე ალბათ მხოლოდ ვიოცნებებდით. უკვე გადავედით ც-ე ჯგუფში., უფრო ძლერ გუნდებთან და რაც მთავარია, სულ ახლოს ვართ ევროპირველობის ფინალურ ეტაპთან, ისტორიულ შედეგთან. თან ისიც უნდა ვთქვათ, გუნდი ლამაზ თამაშს აჩვენებს, გუშინ სხვა არხზე საფრანგეთი გერმანია (ჩემპიონი - ყოფილი ჩემპიონი) გადიოდა და სურვილიც არ გამჩენია გადამერთო. ყოჩაღ ჭაკვეტძე, გოლის მომენტი გავიხსენოთ, დარტყმის წინ პაუზას, საჯარიმო მოედანში, დაღვინებული ფეხბურთელებიც კი ვერ აკეთებენ... ყოჩაღ ჭაკვეტაძე, ყოჩაღ ვაისს, ყოჩაღ ბიჭებო, გილოცავ საქართველო...
მსგავსი ამბები
რუბრიკის სხვა სიახლეები
;