ლაფსუსი 'ტორპედოში': ლაჩნის მაისურა ახალწვეულს უნდა ჩააცვა თუ სანაგვეზე მოისროლო?! [TimeLine]

პატარაობაში, ალბათ, ბევრს უყვარდა ათასგვარი თავსატეხებისა და ამოცანების ამოხსნა.
გახსოვთ "იპოვეთ ათი განსხვავება"? ან რას "ხედავთ უცნაურს ამ ნახატში"?

მოდით, ერთ ფოტოს შემოგთავაზებთ და დაგისვამთ შეკითხვას - რას ხედავთ უცნაურს ამ სურათში?



თუ არაფერი გეუცნაურათ, ალბათ, წაკითხული გაქვთ სტატია ქუთაისის "ტორპედოსა" და მინსკის "დინამოს" შესახებ. ფოტოზე ანგარიშიც სწორად წერია - ბელარუსები მართლაც 2:0 დავამარცხეთ. კარგად დააკვირდით, იქნებ უცხოპლანეტელი აღმოაჩინოთ... არც ისაა?

მაშინ, ამ მატჩიდან დაგახმარებთ კიდევ ერთ ფოტოს, რომელიც პირველი სურათის უცნაურობის პოვნაში დაგეხმარებათ.


ყველაფერი ნათელია: ერთ ფოტოზე 31-ე ნომერს გვარი აწერია, მეორეზე - არა. თამაშისას საღებავი გადაეცალა? არა, "ფოტოშოპის" ამბავია - დღეს თავისუფლად შეიძლება არათუ ფეხბურთელს წააშალო გვარი, მესის ტანზე რონალდოს თავი მიამაგრო, ისე ბუნებრივად, თავად მესიც გაოგნდეს.

რატომ დასჭირდათ ქუთათურებს გვარის წაშლა კომპიუტერში? მიზეზი მარტივია - ლაჩნის მაისურა სხვა ფეხბურთელს ეცვა. თავად ლაჩნი კი, "ტორპედოს" ფეხბურთელი აღარ არის. იგი საქართველოდან სლოვაკეთში დაბრუნდა და არასწორადაც მოიქცა - ყოფილ თანაგუნდელ ჰლინკასთან ერთად მედიაში "ტორპედოს" შესახებ უარყოფითიად ილაპარაკა. რეალურად დაინახა თუ არა მან თაგვი გუნდის ბაზაზე, ცალკე თემაა. სლოვაკურ პრესაში მისი და ჰლინკას ინტერვიუ დაახლოებით ასეთი ტონისა იყო - აუ, ეს სად ვთამაშობდიო.

ასეთი ფეხბურთელის მაისურა ახალწვეულს კი არ უნდა ჩააცვა, ნაგვის ყუთში უნდა მოისროლო!

რეპორტაჟი ბაკურიანიდან. რატომ გვჯობნის სლოვენია? [TimeLine]

მივადექით მთავარს: "ტორპედო" შეკრებაზეა და ჯერაც ძველი მაისურებით ეჯიბრება მეტოქეებს. ზოგმა შეიძლება ისიც თქვას, საქართველოს ერთ-ერთ საუკეთესო გუნდს ეს არ ეკადრებაო, შეიძლება დავეთანხმო კიდეც, მაგრამ უნდა დავამატო - ამას ნიშნის მოგებით ნამდვილად არ ვწერ. კარგად მესმის, რომ საქართველოში მენეჯმენტის კუთხით სიტუაციის გამოსწორებას დრო უნდა. როცა ჰოლანდიასა თუ დანიაში გუნდების მენეჯმენტის სისტემა ყალიბდებოდა, ჩვენ კომუნიზმში ვცხოვრობდით, შემდეგ იყო 90-იანი წლები, ომი და უბედურება... საბედნიეროდ გამოვდივართ იმ ეპოქიდან, მთავარი მწვრთნელი მენეჯერიც რომ იყო, ბუღალტერიცა და სელექციონერიც.

ის დროც წარსულს ბარდება, ჟურნალისტებს საქმეს რომ ურჩევდნენ - ესა და ეს რატომ დაწერეო. 90-იანი წლების ბოლოსა და 2000-იანების დასაწყისში ბევრი შემთხვევა მახსოვს მედიის საქმეში უხეშად ჩარევისა. ახლა კი, ასე "ტკბილად" ხდება:

2014 წელს ჟურნალისტმა კობა ინასარიძემ თავის რუბრიკაში ფოთის "კოლხეთის" გუნდური ფოტო გამოაქვეყნა:


ტექსტში მკითხველს ყურადღება გაამახვილებინა, რომ 8 ფეხბურთელს "უმბროს" ფირმის მაისურა ეცვა, დანარჩენს - "სალერის". კობამ იხუმრა კიდეც: "კოლხეთი" უმაღლეს ლიგაში გადასასვლელად ემზადება, სადაც 16 გუნდი უნდა იყოს, თამაშების რაოდენობა გაიზრდება და თუ რომელიმეს "უმბროს" მაისურა დაეხევა, "სალერის" ფირმისას ჩაიცვამსო...

"ლელოს" ჟურნალისტს რედაქციაში კი არ მოუვარდნენ, არამედ მენეჯერმა დიდი აბრა შეუკვეთა წარწერით - "ინასარიძე, ერთი ფორმა გვაცვია", გაშალა ეს პლაკატი და ხელახლა გადაიღო გუნდური ფოტო. სწორედ აქ ჩანს თანამედროვე მენეჯერული ხედვა...


ჟურნალისტი სწორედ იმისთვისაა, თამაშის განხილვისას თუ მატჩის ფოტოზე დაინახოს როგორც დადებითი, ასევე უარყოფითი ნიუანსები. მიუთითოს, ხოლო კლუბის ხელმძღვანელობამ გამოასწოროს.

აბა, რიჩარდ ლუკას რატომ უნდა ეცვას მახარობლიძის ფორმა? მახარობლიძესაც ლუკა რომ ერქვას, კი ბატონო... ან გუნდის პრეს-ატაშემ რატომ უნდა იწვალოს "ფოტოშოპში" ლაჩნის გვარის წაშლაზე? თუკი წაშალა, ბარემ ნებიერიძე ხომ არ მიეწერა?

TimeLine. რა მსგავსებაა გიორგი ჩაკვეტაძესა და თორნიკე შენგელიას შორის? [VIDEO]

ყოველდღიური სპორტული გაზეთი "ლელო"
2572
მკითხველის კომენტარები / 1 /
Skaipaaa
0
Statiashi faktobrivi shecdomaa lacnim Kiara hlinkam moixsenia torpedo cudad ))))
მსგავსი ამბები
რუბრიკის სხვა სიახლეები
;