ლაშა გამყრელიძემ კარიერა დაასრულა

საქართველოს ნაკრების აწ უკვე ყოფილმა გამთამაშებელმა ლაშა გამყრელიძემ (1986) საკალათბურთო კარიერა დაასრულა. იგი შარშან საკალათბურთო კლუბ "ტიტებში" თამაშობდა, ილიას ზუროსის ყურადღებაც მიიქცია და საქართველოს ნაკრებთან ერთად ევროპის ჩემპიონატზეც იასპარეზა.

ნოემბრის მატჩებისთვის ლაშა 24-კაციან განაცხადში ვერ მოხვდა. ამის მიზეზი ტრავმაა. სწორდ ტრავმის გამო გადაწყვიტა კარიერის დასრულება.

როგორც თავად აღნიშნა, ნებისმიერი ადამიანისთვის რთულია საყვარელი საქმისთვის თავის დანებება, თუმცა მთავარია, რომ იგი კალათბურთში რჩება: "ტიტების" დამფუძნებელი და კალათბურთელთა კავშირის თავმჯდომარეა.

- ლაშა 16-17 წლის იყო, "აკადემიაში" რომ ვწვრთნიდი. მასთან ერთად ასაკობრივ ნაკრებებშიც ვმუშაობდი და ეროვნულ გუნდშიც. მაღალი დონის პროფესიონალია და მასთან მუშაობა ყოველთვის სასიამოვნო იყო, - აღნიშნა გამოცდილმა მწვრთნელმა დავით უსტიაშვილმა.

ნაკრების მე-4 ნომრის შესახებ ეროვნული გუნდის ამჟამინდელმა მწვრთნელმა ილიას ზუროსმაც ილაპარაკა:

- მოგეხსენებათ, ეროვნულ გუნდში ტრავმების გამო მძიმე სიტუაციაა, ლაშა გამყრელიძე ნამდვილად სასარგებლო იქნებოდა. თუმცა მასაც მოუწია კარიერის დასრულებამ. გამყრელიძე ნაკრებში ჩემი მოსვლის პირველივე წელს გამოვიძახე, მაგრამ ხელის ტრავმა მიიღო და ვერ დაგვეხმარა.

ევრობასკეტზე მასთან ერთად ვმუშაობდი და მხოლოდ დადებითი კუთხით გამაცნო თავი.

2807
მკითხველის კომენტარები / 0 /
მსგავსი ამბები
რუბრიკის სხვა სიახლეები
;