ლაშა დვალი: მეტოქეს ვაჯობეთ, თუმცა დავუშვით ტაქტიკური და ინდივიდუალური შეცდომები

ოთხშაბათს ჩემპიონთა ლიგაში ერთმა ქართველმა ლეგიონერმა ითამაშა - ლაშა დვალის "ფერენცვაროშმა" შინ 2:1 მოუგო ბულგარულ "ლუდოგორეცს". უნგრული კლუბის ჩვენებური მცველი მატჩის თაობაზე კლუბის ოფიციალურ ვებგვერდს ელაპარაკა:

"ვფიქრობ, ჩვენი გამარჯვება დამსახურებულია. მეტოქეს ვაჯობეთ, თუმცა დავუშვით ტაქტიკური და ინდივიდუალური შეცდომები. პირველი ეტაპის გადასალახავად გუნდი ბოლომდე დაიხარჯება. წინ მეორე მატჩია, სადაც ყველაფერი გადაწყდება...

ახლა ძალიან რთულია იმის თქმა, როგორი სტილით ვითამაშებთ მეორე მატჩში. მთავარია, შევძლოთ და შემდეგ ეტაპზე გავიდეთ. გავიტანეთ და მოწინააღმდეგემაც მალე გაგვიტანა. ცხადია, ეს საწყენი იყო, მაგრამ დიდი იმედი გვაქვს, რომ ამ ბარიერს გადავლახავთ", - განაცხადა დვალმა.

ყოველდღიური სპორტული გაზეთი "ლელო"
1602
მკითხველის კომენტარები / 0 /
მსგავსი ამბები
რუბრიკის სხვა სიახლეები
;