ლაშა თოთაძე: დინამოში დარჩენით გახარებული ვარ

2017 წლის სეზონში თბილისელთა საუკეთესო მცველმა, ლაშა თოთაძემ თბილისის "დინამოსთან" ახალი კონტრაქტი გააფორმა.

თოთაძე თბილისის "დინამოში" 2017 წლის დასაწყისში დაბრუნდა, თბილისელებისთვის მნიშვნელოვანი რამდენიმე გოლის ავტორი გახლდათ და "ლელომ" წლის სიმბოლურ ნაკრებში დაასახელა.

ლაშა თოთაძეს “დინამოსთან” კონტრაქტი 31 დეკემბერს ეწურებოდა და ეროვნულ ლიგაში გადასულ "რუსთავსა" და ირანულ კლუბში იწვევდნენ, მაგრამ კლუბის ხელმძღვანელობასსთან შეხვედრის შემდეგ კონტრაქტის ორი წლით გახანგრძლივებაზე შეთანხმდნენ.

"დინამო ჩემი მეორე სახლია. მოხარული ვარ, ჩვენი ურთიერთობა კვლავ რომ გრძელდება. დარწმუნებული ვარ, რომ ჩემს ახალგაზრდა თანაგუნდელებთან ერთად წინ არაერთი გამარჯვება გველის. ჩემის მხრივ, მათ ყველანაირად მხარში დავუდგები. ჩემი ოცნებაა, კარიერის ბოლომდე "დინამოს " ვემსახურო" - ამბობს თოთაძე.

1959
მკითხველის კომენტარები / 0 /
მსგავსი ამბები
რუბრიკის სხვა სიახლეები
;