ლაშა ტალახაძემ ახალი მსოფლიო რეკორდები დაამყარა [VIDEO]

ძალოსნობაში საქართველოს ჩემპიონატი მძიმეწონოსანთა ასპარეზობებით დასრულდა. ჩემპიონატის მესამე დღე განსაკუთრებული გამოდგა. განსაკუთრებული სტუმრებით და შედეგებით. თამამად შეიძლება ითქვას, მსგავსი შედეგების თვიმხილველი არათუ მასპინძელი - დუშეთის კულტურის სახლი, არამედ მსოფლიოშიც არავინ ყოფილა. საქართველოს ჩემპიონატზე მსოფლიო რეკორდები დამყარდა!

რიოს ოლიმპიური თამაშების ჩემპიონმა ლაშა ტალახაძემ მის მიერვე გაზაფხულზე სპლიტის ევროპის ჩემპიონატზე ატაცში დამყარებული რეკორდი (217 კგ.) სამი კილოგრამით გააუმჯობესა (220 კგ.) და შემდეგ, ორჭიდის ჯამში რიოს თამაშებზე ასევე მის მიერვე დამყარებულ მსოფლიო რეკორდსაც (473 კგ.) ჩემპიონატის საპატიო სტუმრის საქართველოს პეზიდენტის გიორგი მარგველაშვილის თანდასწრებით შეუტია. მსოფლიოს რეკორდი აქაც დაემხო - 474 კგ.

ეგაა, ძალოსნობის საერთაშორისო წესების თანახმად, ეროვნულ ჩემპიონატზე დამყარებული მსოფლიო რეკორდი ოფიციალურის სტატუსით ვერ ისარგებლებს, რადგან იმავე წესების თანახმად, მსგავსი შედეგები კონტინენტალურ ჩემპიონატებზე უნდა დაფიქსირდეს.

როგორც არ უნდა იყოს, რეკორდი რეკორდია და ლაშა ტალახაძის ხელში ახლო მომავალში ოფიციალურ რეკორდებსაც ველით.

105 კგ.
1.დავით ხეცურიანი - ატაცი 171 კგ. აკვრა 207 კგ. ორჭიდი 378 კგ.
2.ირაკლი ჩხეიძე - ატაცი 165 კგ. აკვრა 200 კგ. ორჭიდი 365 კგ.
3.თორნიკე კოკაია - ატაცი 160 კგ. აკვრა 200 კგ. ორჭიდი 360 კგ.

+105 კგ.
1.ლაშა ტალახაძე - ატაცი 220 კგ. აკვრა 254 კგ. ორჭიდი 474 კგ.
2.გიორგი ჩხეიძე - ატაცი 186 კგ. აკვრა 225 კგ. ორჭიდი 411 კგ.
3.ბაქარ თურმანიძე - ატაცი 155 კგ. აკვრა 185 კგ. ორჭიდი 340 კგ

3531
მკითხველის კომენტარები / 1 /
ცაკია
0
მეც ავწევ რააა,
მსგავსი ამბები
რუბრიკის სხვა სიახლეები
;