ლაშა ტალახაძე: ვეცდები, ეს მაჩვენებლები მსოფლიოს ჩემპიონატზე გავაუმჯობესო

დუშეთში ძალოსანთა საქართველოს ჩემპიონატში გუშინ მძიმეწონოსნებმა (+105) იასპარეზეს. პირველობას ხუთი სპორტსმენი ეცილებოდა ერთმანეთს, მათ შორის იყო ოლიმპიური, მსოფლიოს და ევროპის ჩემპიონი ლაშა ტალახაძე, რომელიც ახლა შესანიშნავ სპორტულ ფორმაშია.

გუშინ მან 220 კილო აიტაცა და წლეულს ევროპის ჩემპიონატზე დამყარებულ საკუთარ მსოფლიოს რეკორდს 3 კილოგრამით გადაამეტა, მერე აკვრაში 254-კილოგრამიანი შტანგა დაიმორჩილა.ორჭიდის ჯამში 474 კილოგრამს მოუყარა თავი, რაც რიოში ტალახაძის მიერ დამყარებულ მსოფლიოს რეკორდს კილოგრამით აღემატება.

რადგანაც ეს შეჯიბრება საქართველოს ჩემპიონატი იყო და უცხოეთიდან მოწვეული არბიტრები არ ესწრებოდნენ, ჩემი შედეგები მსოფლიოს რეკორდებად არ ჩაითვლება, - გვითხრა ლაშა ტალახაძემ.– ეს მხოლოდ საქართველოს რეკორდებია.

მთავარია, ახლა ისეთ კარგ ფორმაში ვარ, რომ 5 დეკემბერს ამერიკაში ძალოსანთა მსოფლიოს ჩემპიონატში ვეცდები, ეს მაჩვენებლები კიდევ უფრო გავაუმჯობესო.

ყოველდღიური სპორტული გაზეთი "ლელო"
1891
მკითხველის კომენტარები / 0 /
მსგავსი ამბები
რუბრიკის სხვა სიახლეები
;