ლაშა შინდაგორიძე - ათთვიანი პაუზის შემდეგ...

ლაშა შინდაგორიძემ ეროვნული ლიგის მეორე ტურში საუკეთესო თამაში ჩაატარა. შეგახსენებთ, მოქმედმა ჩემპიონმა “საბურთალომ” სტუმრის სტატუსით 3:1 დაამარცხა “ლოკომოტივი”.

ამაში დიდი როლი 25 წლის თავდამსხმელმა ითამაშა, რომელმაც მე-16 წუთზე ანგარიში პენალტით გაათანაბრა, 63-ეზე კი მეორედ აიღო მასპინძელთა კარი და დუბლი მიითვალა. მატჩის გმირმა “ლოკომოტივთან” გამარჯვებაზე კომენტარი გააკეთა:

“კარგა ხნის განმავლობაში ვმკურნალობდი, ახლა მოვმჯობინდი და ნელ-ნელა ვიბრუნებ სპორტულ ფორმას. დაახლოებით 10-თვიანი პაუზის შემდეგ ოფიციალურ შეხვედრაში გოლი პირველად “ლოკომოტივთან” გავიტანე, რითიც ძალიან გახარებული ვარ. სასიამოვნოა, რომ ჩემს გოლებთან ერთად, გუნდმაც გაიმარჯვა და მორიგი 3 ქულა აიღო”, - ამბობს შინდაგორიძე.

ყოველდღიური სპორტული გაზეთი "ლელო"
732
მკითხველის კომენტარები / 0 /
მსგავსი ამბები
რუბრიკის სხვა სიახლეები
;