ლაშა ჭაღიაშვილი: გუნდი ესპანეთში მოემზადება - 'ლოკომოტივი' ოთხ შეხვედრას გამართავს

თბილისის „ლოკომოტივმა“ სეზონისთვის მზადება დაიწყო და წლის პირველი საკონტროლო მატჩიც გამართა, რომელზეც „ლელომ“ უკვე გაცნობათ. შეგახსენებთ, ლაშა ჭაღიაშვილის გუნდმა საგურამოს საფეხბურთო კომპლექსში აზერბაიჯანული „ზაქათალა“ მიიღო და 1:0 დაამარცხა.

მოსამზადებელი ეტაპის მეორე ნახევარს „ლოკომოტივი“ ესპანეთში გაივლის, სადაც ოთხ ამხანაგურ მატჩს გამართავს. ამ ინფორმაციას კლუბის ოფიციალური ვებგვერდი ავრცელებს.

სეზონისთვის მზადების გეგმებზე კომენტარი გუნდის მთავარმა მწვრთნელმა ლაშა ჭაღიაშვილმა გააკეთა:

„აზერბაიჯანელებთან საკონტროლო შეხვედრაში ახალწვეულებმაც ითამაშეს და, ასევე, 19-წლამდელთა გუნდიდან დაწინაურებულებმაც. საქართველოში დაგეგმილი გვაქვს კიდევ ორი ამხანაგური შეხვედრა. ამის შემდეგ ესპანეთში გავემგზავრებით, სადაც ძირითად მოსამზადებელ ეტაპს გავივლით და ოთხ ტესტმატჩს გავმართავთ. ვფიქრობ, ამ პერიოდს ნაყოფიერად გამოვიყენებთ და ფეხბურთელები ჩემპიონატისთვის სრულფასოვნად მოემზადებიან“, - ამბობს ჭაღიაშვილი.

ყოველდღიური სპორტული გაზეთი "ლელო"
1010
მკითხველის კომენტარები / 0 /
მსგავსი ამბები
რუბრიკის სხვა სიახლეები
;