ლა ლიგამ "კლასიკოსთვის" 4 დეკემბერი ითხოვა

მოგეხსენებათ, ესპანეთის ჩემპიონატში 26 ოქტომბრისთვის დაგეგმილი „ელ კლასიკო“ „ბარსელონასა“ და „რეალს“ შორის კატალონიაში მომხდარი არეულობების გამო გადაიდო. შეხვედრის გამართვის ახალ თარიღად თავიდან 18 დეკემბერი გამოცხადდა, შემდეგ გაიჟღერა 7-მა დეკემბერმაც. კლუბებს სამი დღის ვადა მიეცათ, თარიღზე შეთანხმების მისაღწევად.

ცოტა ხნის წინ კი ესპანურმა Marca-მ გაავრცელა ინფორმაცია, რომ ლა ლიგის ხელმძღვანელობამ აღნიშნული შეხვედრის გამართვა 4 დეკემბერს ითხოვა. ისინი მიიჩნევენ, რომ 4 დეკემბერი ოპტიმალური თარიღი იქნება „კლასიკოს“ გასამართად. საქმე ისაა, რომ 18 დეკემბერს ესპანეთის „სამეფო თასის“ მატჩებია და ლიგის ხელმძღვანელობის აზრით, ამ დღეს „კლასიკოს“ გამართვით, თასის მატჩები ტელეაუდიტორიისთვის უკანა პლანზე გადაიწევს, რაც კლუბებს ნაწილობრივ დააზარალებს. ლა ლიგას კი სურს, რომ დაცული იქნას არა მარტო „რეალისა“ და „ბარსელონას“, არამედ უკლებლივ ყველა კლუბის ეკონომიკური უფლებები, სწორედ ამიტომ მიიჩნევენ რომ 4 დეკემბერს კლასიკოს გამართვა ყველასათვის მისაღები უნდა იყოს.

300
მკითხველის კომენტარები / 0 /
მსგავსი ამბები
რუბრიკის სხვა სიახლეები
;