ლა ლიგა.  IX ტურის მიმოხილვა: ბარსა პირველია,  გრანადას უნიკალური  შანსი აქვს... [VIDEO]

თუ როდის გაიმართება “ელ კლასიკო”, დღეს გაირკვევა ოფიციალურად, მანამდე კი ლა ლიგაში მე-9 ტურის თამაშები შედგა...

ბოლოს “მალიორკას” “რეალისთვის” 2009 წელს ჰქონდა მოგებული და 10 წლის თავზე კვლავ მოუგო - ეს ზინედინ ზიდანის გუნდის პირველი მარცხი იყო სეზონში - ბრწყინვალედ ითამაშა ჟუნიორ ლაგომ, აფრიკელმა პირწმინდად დაჩაგრა ვიზავი ოდრიოზოლა, რომელიც საბოლოოდ მსაჯმა მოედნიდან გააძევა - ვისენტე მორენოს გუნდმა ისტორიულ შედეგს მიაღწია.

ზინედინ ზიდანი (რეალი): “თამაში ძალიან ცუდად დავიწყეთ. მეორე ტაიმში მომენტებს ვქმნიდით, მაგრამ შედეგი ამას არ მოუტანია, საგოლე მომენტებიც ბევრი ვერ შევქმენით”. 

“ბარსელონას” ახალმა შემტევმა ტრიდენტის - MSG (ლიონელ მესი, ლუის სუარესი, ანტუან გრიზმანი) - ყველა წევრმა პირველად მოახერხა ერთ თამაშში გოლების გატანა, იპურუაში გამარჯვებით “ბარსელონამ” ლა ლიგის ლიდერობა მოიპოვა. 

ერნესტო ვალვერდე (ბარსელონა): “MSG? ბოლოს დიდი ფეხბურთელები ყოველთვის გამონახავენ საერთო ენას მოედანზე. ეს მხოლოდ დროისა და თამაშების საკითხია. ისინი ერთმანეთს უკვე ძალიან კარგად უგებენ, რადგან ბევრს მუშაობენ”.

ტურის ცენტრალური დაპირისპირება “ვანდა მეტროპოლიტანოზე” ფრით დასრულდა - დანი პარეხომ “ვალენსიას” ქულა შესანიშნავი საჯარიმო დარტყმით მოუპოვა. 

მომდევნო ტურში კლასიკო გადატანილია. ასე რომ, თუ “გრანადა” “ბეტისს” დაამარცხებს - 10 ტურის შემდეგ ლა ლიგის ერთპიროვნული ლიდერი გახდება!

ფაქტები

* “გრანადამ” 9 ტურში ისტორიაში პირველად მოაგროვა 17 ქულა ლა ლიგაში. სტარტზე ამდენი ქულით, ლა ლიგის ისტორიაში მხოლოდ ერთი გუნდი გავარდა - სევილია (1971/72). 

* “ოსასუნამ” “გრანადასთან” მატჩში 8 გაფრთხილება მიიღო, რაც ამ სეზონში ევროპის ტოპ 5 ლიგების ანტირეკორდია.

* ამ სეზონში “გრანადამ” 5 გოლი გაიტანა თავით, ყველაზე მეტი ევროპის ტოპ 5 ლიგებში.

* ლა ლიგაში “ეიბარს” ყველაზე მეტჯერ “ბარსელონამ” მოუგო - 10, და ყველაზე მეტი გოლიც გაუტანა - 36.

* ლეო მესიმ (ბარსელონა) “ეიბარის” წინააღმდეგ 10 დაპირისპირებიდან 9-ში გოლი გაიტანა, სულ 16 გოლი!

* “ბარსამ” ლა ლიგაში 6-მატჩიანი უცნაური მოუგებელი სერია დაასრულა - ჟერარდ პიკეს გარეშე ვერ იგებდა (5 ფრე, 1 წაგება).

* კლემან ლონგლემ “ბარსელონას” მაისურით თავისი პირველი საგოლე პასი მიითვალა. 

* დიეგო კოშტა “ატლეტიკოს” მე-6 ფეხბურთელია 21-ე საუკუნეში, ვინც ლა ლიგაში 50 გოლის გატანა შეძლო. 

* “ატლეტიკომ” “ვალენსიას” პირველ ტაიმში 11-ჯერ დაურტყა, 2019 წელს მადრიდულ კლუბს ასეთი ტაიმი არ ჰქონია.

* კანგინ ლი (ვალენსია) 21-ე საუკუნეში დაბადებული პირველი ფეხბურთელია, ვისაც ლა ლიგაში წითელი ბარათი უჩვენეს. 

* ანხელ როდრიგესმა (ხეტაფე) ბოლო 7 მატჩში 6 გოლი გაიტანა. ევროპის ტოპ 5 ლიგებში ესპანელ ფეხბურთელებს შორის მასზე მეტი მხოლოდ პაკო ალკასერს (დორტმუნდი, 7) აქვს გატანილი. 

* ტიბო კურტუამ ლა ლიგაში ბოლო 14 ზუსტი დარტყმიდან 9 გაუშვა. 

* ლუკა იოვიჩს (რეალი) ერთხელაც არ დაურტყამს “მალიორკას” კარში და ბურთს მეტოქის საჯარიმოში ერთხელაც არ შეხებია. 

* “ესპანიოლმა” 2003/04 წლების სეზონის საკუთარი ანტირეკორდი გაიმეორა - 9 ტურში მხოლოდ 5 ქულა.

* ლუკას პერესმა (ალავესი) 2015 წლის შემდეგ (მაშინ “დეპორტივოში” თამაშობდა) პირველად გაიტანა ზედიზედ სამ მატჩში.

* ლა ლიგაში ყველაზე ხშირად ნაბილ ფეკირის (ბეტისი) წინააღმდეგ ჯარიმდებიან - 4.86 ფოლი თამაშში.

გრანადა-ოსასუნა 1:0
გოლი: 1:0 დუარტე (38)
გაძევება: მერიდა (90+2. ოსასუნა)

ეიბარი-ბარსელონა 0:3
გოლები: 0:1 გრიზმანი (13), 0:2 მესი (58), 0:3 ლუის სუარესი (66)

ატლეტიკო-ვალენსია 1:1
გოლები: 1:0 დიეგო კოშტა (36-პენ), 1:1 პარეხო (82)
გაძევება: ლი (91)

ხეტაფე-ლეგანესი 2:0
გოლები: 1:0 ანხელი (64), 2:0 ანხელი (84)

მალიორკა-რეალი 1:0
გოლი: 1:0 ჟუნიორ ლაგო (7)
გაძევება: ოდრიოზოლა (74)

ალავესი-სელტა 2:0
გოლები: 1:0 მაგალიანი (50), 2:0 ლ. პერესი (82)

სოსიედადი-ბეტისი 3:1
გოლები: 0:1 ლორენი (12), 1:1 ხ. გარსია (22-საკ. კარში), 2:1 ვილიან ჟოზე (36), 3:1 პორტუ (58)

ესპანიოლი-ვილიარეალი 0:1
გოლი: 0:1 ეკამბი (17)

ბილბაო-ვალიადოლიდი 1:1
გოლები: 1:0 ვილიამსი (33), 1:1 ი. მარტინესი (71-საკ. კარში)

სევილია-ლევანტე 1:0
გოლი: 1:0 ლ. დე იონგი (86)

1. ბარსელონა 9 6 1 2 23:10 19
2. რეალი 9 5 3 1 16:9 18
3. გრანადა 9 5 2 2 16:10 17
4. სოსიედადი 9 5 1 3 16:10 16
5. ატლეტიკო 9 4 4 1 8:5 16
6. სევილია 9 5 1 3 11:11 16
7. ვილიარეალი 9 4 2 3 20:13 14
8. ბილბაო 9 3 4 2 8:5 13
9. ხეტაფე 9 3 4 2 14:12 13
10. ვალენსია 9 3 4 2 13:13 13
11. ლევანტე 9 3 2 4 10:11 11
12. ვალიადოლ. 9 2 5 2 8:9 11
13. ოსასუნა 9 2 5 2 7:8 11
14. ალავესი 9 3 2 4 7:9 11
15. მალიორკა 9 3 1 5 7:12 10
16. ეიბარი 9 2 3 4 10:13 9
17. სელტა 9 2 3 4 5:11 9
18. ბეტისი 9 2 3 4 12:19 9
19. ესპანიოლი 9 1 2 6 4:15 5
20. ლეგანესი 9 0 2 7 4:14 2

ბომბარდირები: 7 - ლორენი (ბეტისი); 6 - ქ. ბენზემა (რეალი), ჟ. მორენო (ვილიარეალი); 5- დ. პარეხო (ვალენსია), ლ. სუარესი (ბარსელონა).

ყოველდღიური სპორტული გაზეთი "ლელო"
334
მკითხველის კომენტარები / 0 /
მსგავსი ამბები
რუბრიკის სხვა სიახლეები
;