ლა ლიგა. ბოლო ტურის წინათქმა: ყველაფერი 'ღამურების' ხელშია, 'ხეტაფე' მოლოდინში

შაბათს ესპანეთის ჩემპიონატის 88-ე გათამაშება დასრულდება - ყველა თამაში ერთდროულადაა და თითქმის ყველაფერი გარკვეულია, თუმცა ინტრიგა რამდენიმე დაპირისპირებას მაინც შემორჩა...

რაც გაირკვა...

* “ბარსელონა” ჩემპიონია და კლუბმა ეს ტიტული 26-ედ მოიპოვა.
* ჩემპიონთა ლიგის საგზურები განაღდებული აქვთ: “ბარსელონას”, “ატლეტიკოსა” და “რეალს”.
* “რაიო ვალეკანო” და “უესკა” გავარდნენ, ეს გუნდები “ვალიადოლიდთან” ერთად, გადმოვიდნენ ლა ლიგაში.
* ევროთასებზე აუცილებლად ითამაშებენ - “ბარსელონა”, “ატლეტიკო”, “რეალი”, “ვალენსია”, “ხეტაფე” და “სევილია”.

...და რაც გასარკვევია

* ვინ გავარდება “რაიო ვალეკანოსა” და “უესკასთან” ერთად - კანდიდატი ორია, თუმცა რეალურად ესეც ცნობილია “სელტამ” აუცილებლად უნდა წააგოს, ხოლო “ჟირონამ” მოიგოს და ბურთების სხვაობაში “სელტასთან” -6 “ამოქაჩოს”, რომ გადარჩეს, რაც თითქმის არარეალურია.
* გასარკვევია, ვინ იქნება ჩემპიონთა ლიგის მე-4 მონაწილე - აქ ყველაფერი “ვალენსიას” ხელშია - მოიგებს სტუმრად “ვალიადოლიდთან” და ლიგაზე ითამაშებს, მისი დაწევა მხოლოდ “ხეტაფეს” შეეძლება, მაგრამ ურთიერთშეხვედრებში უპირატესობა “ღამურებს” ექნებათ. თუ “ვალენსია” ფრეს ითამაშებს, მაშინ ლიგაზე “ხეტაფე” “ვილიარეალის” დამარცხების შემთხვევაში გავა. თუ “ვალენსია” წააგებს და წააგებს “ხეტაფეც”, მაშინ შანსი “სევილიას” უჩნდება. ამ სამ გუნდს ევროპალიგაზე თამაში განაღდებული აქვს.
* იმის გამო, რომ თასის ფინალში “ვალენსია” და “ბარსელონა” არიან გასული - ევროპალიგის (ოღონდ, საკვალიფიკაციო პლეი ოფის) საგზურს მიიღებს.
ნიკოლოზ ნეფარიძე

ესპანეთი. ლა ლიგა. ბოლო ტური

შაბათი, 18 მაისი
ლევანტე-ატლეტიკო 15:00
ესპანიოლი-სოსიედადი 18:15
ხეტაფე-ვილიარეალი 18:15
სევილია-ბილბაო 18:15
ვალიადოლიდი-ვალენსია 18:15
უესკა-ლეგანესი 22:45
ალავესი-ჟირონა 22:45
სელტა-რაიო ვალეკანო 22:45

კვირა, 19 მაისი
რეალი-ბეტისი 14:00
ეიბარი-ბარსელონა 18:15

1. ბარსელონა 37 26 8 3 88:34 86
2. ატლეტიკო 37 22 9 6 53:27 75
3. რეალი 37 21 5 11 63:44 68
4. ვალენსია 37 14 16 7 49:35 58
5. ხეტაფე 37 15 13 9 46:33 58
6. სევილია 37 16 8 13 60:47 56
7. ბილბაო 37 13 14 10 41:43 53
8. სოსიედადი 37 13 11 13 45:44 50
9. ესპანიოლი 37 13 11 13 46:50 50
10. ბეტისი 37 13 8 16 42:52 47
11. ალავესი 37 12 11 14 37:49 47
12. ეიბარი 37 11 13 13 44:48 46
13. ლეგანესი 37 11 12 14 36:41 45
14. ვილიარეალი 37 10 13 14 47:50 43
15. ლევანტე 37 11 10 16 57:64 43
16. ვალიადოლ. 37 10 11 16 32:49 41
17. სელტა 37 10 10 17 51:60 40
18. ჟირონა 37 9 10 18 36:51 37
19. ვალეკანო 37 8 7 22 39:68 31
20. უესკა 37 6 12 19 41:64 30

ბომბარდირები: 34 - მესი (ბარსელონა); 21 - ბენზემა (რეალი), ლ. სუარესი (ბარსელონა); 19 - სტუანი (ჟირონა); 18 - ასპასი (სელტა); 17 - ბენ იედერი (სევილია), იგლესიასი (ესპანიოლი); 15 - გრიზმანი (ატლეტიკო).

ყოველდღიური სპორტული გაზეთი "ლელო"
427
მკითხველის კომენტარები / 0 /
მსგავსი ამბები
რუბრიკის სხვა სიახლეები
;