ლა ლიგა. II ტურის მიმოხილვა: გრიზმანი კამპ ნოუზე დუბლით იწყებს, რეალს ფეხი უცურს [VIDEO]

ანტუან გრიზმანმა, როგორც იქნა, ლა ლიგის მატჩში „კამპ ნოუზეც“ გაიტანა - მთელი კარიერის განმავლობაში ის ამას ვერ ახერხებდა, ვერც ბასკური „რეალ სოსიედადის“ მაისურით და ვერც მადრიდული „ატლეტიკოსი“.

ფრანგმა მსოფლიოს ჩემპიონმა „ბარსას“ მაისურა მოირგო და დუბლიც შეასრულა. ერნესტო ვალვერდეს გუნდს, წესით, უნდა გასჭირვებოდა შეტევაში, მაგრამ „ბეტისს“ 5 გაუტანა.

ამ ტურში „რეალს“ დაუცდა ფეხი, რომელსაც „სანტიაგო ბერნაბეუზე“ მატჩის მიწურულს გაუტანა ფეხბურთელმა გვარად გვარდიოლამ. ორი ტურის შემდეგ მხოლოდ ორი გუნდია უდანაკარგო - ხულიენ ლოპეტეგის „სევილია“ და დიეგო სიმეონეს „ატლეტიკო“. 

ფაქტები

* ხესუს ნავასმა „სევილიას“ მაისურით ლა ლიგაში 167-ე გამარჯვება, კლუბის ისტორიაში წინ მხოლოდ ხუან არსაა (171). 

* ამ სეზონში ყველაზე მეტჯერ „სელტას“ დენის სუარესის წინააღმდეგ ჯარიმდებიან - 8.

* იასპერ სილესენმა (ვალენსია) პირველი პენალტი მოიგერია ერედივიზიესა დალა ლიგაში - მე-13 ცდიდან. 

* ქარიმ ბენზემა პირველი ფრანგია, ვინც ლა ლიგაში 150 გოლი გაიტანა და მე-7 რეალელი, ვინც ეს შეძლო. 

* ტონი კროოსმა (რეალი) „ვალიადოლიდთან“ მატჩის პირველ ტაიმში 53-ვე ზუსტი პასი გააკეთა და 4 სახიფათო მომენტი შექმნა. 

* რუბენ მარტინესი (ოსასუნა) პირველი მეკარეა 21-ე საუკუნეში, ვინც ლა ლიგის 7 გუნდში ითამაშა. 

* ხამეს როდრიგესი „რეალის“ სასტარტოში 833-დღიანი პაუზის შემდეგ პირველად თამაშობდა. 

* მარკ როკამ „ალავესთან“ მატჩში 100 პასი გააკეთა, რაც „ესპანიოლის“ ფეხბურთელისთვის პირველი შემთხვევაა 2005/06 წლების სეზონის შემდეგ. 

* მარტინ ედეგორმა (რეალ სოსიედადი) ლა ლიგაში თავისი პირველი გოლი კარში პირველივე ზუსტი დარტყმით გაიტანა.

* ჟოაო ფელიქსი (ატლეტიკო) ამ სეზონში ყველაზე ახალგაზრდაა, ვინც საგოლე პასი მიითვალა - 19 წლისა და 289 დღის. 

* ხოაკინ სანჩესმა (ბეტისი) ლა ლიგაში 174-ე მატჩი წააგო, მეტი წაგება მხოლოდ რამონ ესნაოლას აქვს ჩემპიონატში - 178.

* ანსუმანე ფატი „ბარსელონას“ მეორე ყველაზე ახალგაზრდა ფეხბურთელია, ვინც ლა ლიგაში ითამაშა - 16 წლისა და 298 დღის. ვისენშ მარტინესი 1941 წელს 16 წლისა და 280 დღის იყო, როცა დებიუტი „რეალის“ წინააღმდეგ ჰქონდა. 

* ანტუან გრიზმანი 21-ე საუკუნეში „ბარსას“ პირველი ფეხბურთელია, ვინც სადებიუტო მატჩში „კამპ ნოუზე“ დუბლი შეასრულა. 

* ანტუან გრიზმანმა მეათე ცდაზე შეძლო „კამპ ნოუზე“ გოლის გატანა - აქამდე ეს „რეალ სოსიედადისა“ და „ატლეტიკოს“ მაისურით არ გამოსდიოდა. 

* ნაბილ ფეკირმა პირველივე ზუსტი დარტყმით გაიტანა, მაშინ როცა პირველ ტურში ყველაზე მეტი ზუსტი დარტყმა ჰქონდა იმ ფეხბურთელთა შორის, რომელთაც გოლი ვერ გაიტანეს - 6. 

გრანადა-სევილია 0:1
გოლი: 0:1 ჟორდანი (52)

ლევანტე-ვილიარეალი 2:1
გოლები: 0:1 მორენო (3), 1:1 როჯერ მარტი (68-პენ), 2:1 როჯერ მარტი (73-პენ)

ოსასუნა-ეიბარი 0:0

რეალი-ვალიადოლიდი 1:1
გოლები: 1:0 ბენზემა (82), 1:1 გვარდიოლა (88)



სელტა-ვალენსია 1:0
გოლი: 1:0 გ. ფერნანდესი (15)
გამოუყენებელი პენალტი: დ. სუარესი (90+3. სელტა)

ხეტაფე-ბილბაო 1:1
გოლები: 0:1 რაულ გარსია (6), 1:1 მატა (12)

ალავესი-ესპანიოლი 0:0

მალიორკა-სოსიედადი 0:1
გოლი: 0:1 ედეგორი (83)

ლეგანესი-ატლეტიკო 0:1
გოლი: 0:1 ვიტოლო (71)

ბარსელონა-ბეტისი 5:2
გოლები: 0:1 ფეკირი (15), 1:1 გრიზმანი (41), 2:1 გრიზმანი (50), 3:1 პერესი (56), 4:1 ალბა (60), 5:1 ვიდალი (77), 5:2 ლორენი (79)

1. სევილია 2 2 0 0 3:0 6
2. ატლეტიკო 2 2 0 0 2:0 6
3. რეალი 2 1 1 0 4:2 4
4. ვალიადოლიდი 2 1 1 0 3:2 4
5. სოსიედადი 2 1 1 0 2:1 4
6. ბილბაო 2 1 1 0 2:1 4
7. ალავესი 2 1 1 0 1:0 4
8. ოსასუნა 2 1 1 0 1:0 4
9. ბარსელონა 2 1 0 1 5:3 3
10. მალიორკა 2 1 0 1 2:2 3
11. ლევანტე 2 1 0 1 2:2 3
12. სელტა 2 1 0 1 2:3 3
13. ვილიარეალი 2 0 1 1 5:6 1
14. გრანადა 2 0 1 1 4:5 1
15. ეიბარი 2 0 1 1 1:2 1
16. ვალენსია 2 0 1 1 1:2 1
17. ხეტაფე 2 0 1 1 1:2 1
18. ესპანიოლი 2 0 1 1 0:2 1
19. ლეგანესი 2 0 0 2 0:02 0
20. ბეტისი 2 0 0 2 3:07 0

ბომბარდირები: 2 - ქ. ბენზემა (რეალი), ა. გრიზმანი (ბარსელონა), ლორენი (ბეტისი), ს. გვარდიოლა (ვალიადოლიდი), ჯ. მორენო (ვილიარეალი), მარტი როჯერი (ლევანტე). 

მომდევნო ტური
30 აგვისტო: სევილია-სელტა, ბილბაო-რეალ სოსიედადი;
31 აგვისტო: ოსასუნა-ბარსელონა, ხეტაფე-ალავესი, ლევანტე-ვალიადოლიდი, ბეტისი-ლეგანესი
1 სექტემბერი: ვალენსია-მალიორკა, ატლეტიკო-ეიბარი, ესპანიოლი-გრანადა, ვილიარეალი-რეალი.

ყოველდღიური სპორტული გაზეთი "ლელო"
353
მკითხველის კომენტარები / 0 /
მსგავსი ამბები
რუბრიკის სხვა სიახლეები
;