ლა ლიგა. III ტურის წინათქმა: ბარსა ისევ მესის, ატლეტიკო კი მორატას გარეშე

ყოველი მომდევნო ტური სეზონის კონტურების გარკვევაში გვეხმარება. დიახ, სწორედ კონტურების, რადგან მკაფიო შტრიხებს ჯერ ვერ გავავლებთ.

მაგალითად, ლიონელ მესის გარეშე „ბარსელონამ“ გადაუარა (5:2) „ბეტისს“, თუმცა იმავე მესის გარეშე ძალზე უღიმღამო იყო „ბილბაოსთან“ სასტარტო მატჩში, რომელიც სულაც წააგო (0:1).

დიდი ალბათობით, მესი არ იქნება არც პამპლონაში, სადაც კატალონიური გრანდი ლა ლიგაში დაბრუნებულ „ოსასუნას“ უნდა ესტუმროს. გადაწყვეტილი ამბავია, რომ ტრავმის გამო ვერ ითამაშებს ლუის სუარესიც.

ტრავმირებულთა შორის წერია უსმან დემბელეც, თუმცა გუშინ გავრცელებული ინფორმაციით, მან „ინსტაგრამიდან“ წაშალა ინფორმაცია, რომელშიც ის „ბარსელონას“ ფეხბურთელად მოიხსენიება.

ცნობილია, რომ დემბელე ნეიმარის დაბრუნების სატრანსფერო ოპერაციის ნაწილია და ძალიან მაღალი ალბათობით პსჟ-ს მაისურას მოირგებს. ეს ყველაფერი 2 სექტემბრამდე (ამ დღეს იხურება სატრანსფერო ფანჯარა) უნდა მოხდეს.

„რეალი“ ტურს დააგვირგვინებს, თუმცა საკითხავია, როგორ დააგვირგვინებს - ზინედინ ზიდანის გუნდი გასვლაზე „ვილიარეალს“ ეთამაშება. კვლავ არ იქნება ედენ აზარი. გასათვალისწინებელია, რომ „რეალი“ ხვდება გუნდს, რომელმაც პირველ ორ ტურში, „ბარსასთან“ ერთად, ყველაზე მეტი (5) გოლი გაიტანა.

მხოლოდ ორი გუნდია ლა ლიგაში, პირველი ორი ტურის შემდეგ მაქსიმუმი რომ მოაგროვა - „სევილია“ და „ატლეტიკო“. საქმეს ისეთი პირი უჩანს, ორივემ ამ ტურშიც უნდა გააგრძელოს უდანაკარგო სვლა.

მადრიდში ძალიან შეწუხებულები არიან ალვარო მორატას ტრავმით. მას მარჯვენა მუხლის პრობლემა აქვს. ჯერჯერობით უცნობია, როდის დაუბრუნდება მორატა მოედანს.

ფაქტები

* „სელტამ“ „სევილია“ საჩემპიონატო მატჩში სტუმრად ბოლოს 2015 წელს დაამარცხა (2:1).

* „სევილიამ“ ბოლო 10 ოფიციალური საშინაო მატჩშიდან 8 მოიგო და ორში დამარცხდა.

* „ბარსელონამ“ „ოსასუნას“ ბოლო სამი საჩემპიონატო მატჩი საერთო ანგარიშით 17:1 მოუგო.

* „ოსასუნამ“ „ბარსელონა“ უკანასკნელად შინ 2012 წელს დაამარცხა (3:2).

* „ვილიარეალსა“ და „რეალსა“ შორის ბოლო 3 დაპირისპირებიდან 2 ფრედ დასრულდა, ერთი მატჩი მადრიდელებმა მოიგეს. ამ სამ მატჩში 13 გოლი გავიდა.

* „ვილიარეალმა“ მადრიდული გრანდი შინ ბოლოს 2015 წელს დაამარცხა (1:0).

* ბოლო 15 ოფიციალური მატჩიდან (ლა ლიგა, ლა ლიგა 2, თასი) „ეიბარმა“ მხოლოდ ერთხელ (2001) შეძლო „ატლეტიკოს“ დამარცხება (2:1).

* „მალიორკამ“ „ვალენსია“ ლა ლიგის მატჩში სტუმრად ბოლოს 2010 წელს დაამარცხა (2:1).

ესპანეთი. ლა ლიგა. III ტური

პარასკევი, 30 აგვისტო
სევილია-სელტა 22:00
ბილბაო-სოსიედადი 23:59

შაბათი, 31 აგვისტო
ოსასუნა-ბარსელონა 19:00
ხეტაფე-ალავესი 21:00
ლევანტე-ვალიადოლიდი 21:00
ბეტისი-ლეგანესი 23:00

კვირა, 1 სექტემბერი
ვალენსია-მალიორკა 19:00
ატლეტიკო-ეიბარი 21:00
ესპანიოლი-გრანადა 21:00
ვილიარეალი-რეალი 23:00

1. სევილია 2 2 0 0 3:0 6
2. ატლეტიკო 2 2 0 0 2:0 6
3. რეალი 2 1 1 0 4:2 4
4. ვალიადოლ. 2 1 1 0 3:2 4
5. სოსიედადი 2 1 1 0 2:1 4
6. ბილბაო 2 1 1 0 2:1 4
7. ალავესი 2 1 1 0 1:0 4
8. ოსასუნა 2 1 1 0 1:0 4
9. ბარსელონა 2 1 0 1 5:3 3
10. მალიორკა 2 1 0 1 2:2 3
11. ლევანტე 2 1 0 1 2:2 3
12. სელტა 2 1 0 1 2:3 3
13. ვილიარეალი 2 0 1 1 5:6 1
14. გრანადა 2 0 1 1 4:5 1
15. ეიბარი 2 0 1 1 1:2 1
16. ვალენსია 2 0 1 1 1:2 1
17. ხეტაფე 2 0 1 1 1:2 1
18. ესპანიოლი 2 0 1 1 0:2 1
19. ლეგანესი 2 0 0 2 0:2 0
20. ბეტისი 2 0 0 2 3:7 0

ბომბარდირები: 2 - ქ. ბენზემა (რეალი), ა. გრიზმანი (ბარსელონა), ლორენი (ბეტისი), ს. გვარდიოლა (ვალიადოლიდი), ჯ. მორენო (ვილიარეალი), მარტი როჯერი (ლევანტე).

ყოველდღიური სპორტული გაზეთი "ლელო"
223
მკითხველის კომენტარები / 0 /
მსგავსი ამბები
რუბრიკის სხვა სიახლეები
;