ლა ლიგა. VII ტურის მიმოხილვა: უსახური მადრიდული დერბი, ბარსა კი გამოცოცხლდა [VIDEO]

მატჩის წინ დიეგო სიმეონეცა და ზინედინ ზიდანიც ერთხმად აცხადებდა, ჩემპიონთა ლიგის მატჩებზე არ ვფიქრობთ, მთავარი ჯერ დერბიაო... სამწუხაროდ, ეს მხოლოდ სიტყვები იყო - ჩვენ 223-ე მადრიდული დერბი ვიხილეთ, მოსაწყენი და მძიმე, სადაც არაფერი არ ხდებოდა.

ერთი გამოსარჩევი მაინც მოხდა - „რეალს“ ტრავმამოშუშებული ლუკა მოდრიჩი დაუბრუნდა, რომელიც მეორე ტაიმში შევიდა, მსოფლიოს შარშანდელმა საუკეთესო ფეხბურთელმა ზედიზედ 4 ტური გამოტოვა ტრავმის გამო. 

ზინედინ ზიდანი („რეალის“ მწვრთნელი): „რეალმა“ ძლიერ ითამაშა, რადგან მეტოქისთვის ერთი შანსიც არ მიუცია. შესაძლოა, შეტევაში კრეატიულობა გვაკლდა, თუმცა თამაშით კმაყოფილი ვარ. არ ვეთანხმები იმ აზრს, თითქოს, აზარს ბევრი აკლია საუკეთესო ფორმამდე. ის დღეს კარგად გაისარჯა და კიდევ მოუმატებს“.

დიეგო სიმეონე („ატლეტიკოს“ მწვრთნელი): „პირველ ტაიმში ჩვენ ვდომინირებდით, თუმცა საგოლე მომენტებს ვერ ვქმნიდით. მეორეში კი გაგვიჭირდა და ობლაკმაც გვიშველა. ეს იყო დაძაბული მატჩი, რომელშიც ორივე გუნდს აკლდა ის, რისი წყალობითაც გამარჯვებას მოიპოვებენ“.

აი, მსოფლიოს წლევანდელი საუკეთესო - ლეო მესი -კი ტრავმის გამო ვერ თამაშობს, თუმცა ერნესტო ვალვერდეს გუნდმა მის გარეშეც შეძლო მადრიდული „ხეტაფეს“ ძლევა და აღარ გააღრმავა ის კრიზისი, რაც კატალონიური გრანდის ირგვლივ ისახება. ამ თამაშში აღსანიშნავია მარკ-ანდრე ტერ შტეგენის 50-მეტრიანი საგოლე პასი ლუის სუარესზე. მოკლედ, მესის როლი გერმანელმა გოლკიპერმა იტვირთა. 

მარკ-ანდრე ტერ შტეგენი (ბარსელონა): „საოცარი მომენტი იყო, ლუისმა მოძრაობით მანიშნა, რომ გაქცევა შეეძლო, მე კი აქამდე არასდროს გამიკეთებია საგოლე პასი. ეს მაკლდა“.

მოულოდნელი გამარჯვება იზეიმა „ვალენსიამ“, რომელიც ძალზე სუსტად თამაშობს ამ სეზონში, მაგრამ ორი გამონათება ჰქონდა - ლონდონში „ჩელსის“ წინააღმდეგ და ახლა ბილბაოში „ატლეტიკთან“. კიდევ უფრო მოულოდნელი კი ის იყო, რომ გამარჯვების გოლი „მივიწყებულმა“ ჩერიშევმა გაიტანა.

ფაქტები

* „რეალმა“ ზედიზედ სამ ტურში კარი მშრალად პირველად შეინახა ზინედინ ზიდანის მწვრთნელობის განმავლობაში.

* თომას პარტეიმ „ატლეტიკოს“ მაისურით ლა ლიგაში მე-100 მატჩი ითამაშა.

* 7 ტურში 14 ქულა „გრანადასთვის“ საკლუბო რეკორდია ლა ლიგის სტარტზე.

* ლა ლიგაში „ბარსელონას“ 10-მა ფეხბურთელმა გაიტანა გოლი (ეს საუკეთესო შედეგია ევროპის ტოპ 5 ლიგებში).

* აღსანიშნავია, რომ ამ 10 ფეხბურთელში ლიონელ მესი არ არის.

* 2018 წლიდან მოყოლებული ჟუნიორ ფირპომ (ბარსელონა) 6 გოლი გაიტანა. მცველებში მეტი მხოლოდ სერხიო რამოსსა და კოკე ანდუხარს (7-7) აქვთ გატანილი.

* მარკ-ანდრე ტერ შტეგენი „ბარსელონას“ პირველი მეკარეა, რომელმაც ლა ლიგაში საგოლე პასი გააკეთა (ამ საუკუნეში).

* „ბარსელონამ“ ლეო მესის გარეშე ბოლო 15 მატჩიდან სტუმრად 7 მოიგო. 

* გაისკა გარიტანომ („ბილბაოს“ მწვრთნელი) ვერაფრით მოუგო „ვალენსიას“ - 1 ფრე, 4 წაგება. 

* „ვილიარეალმა“ 2016 წლის მერე პირველად გაიტანა ლა ლიგის მატჩში 5 გოლი.

* სანტი კასორლამ (ვილიარეალი) 2019 წელს ლა ლიგაში 9 საგოლე პასი გააკეთა და თავისი საუკეთესო წლის (2014. არსენალი) შედეგი გაიმეორა.

* 2019 წელს „ლევანტეს“ სამმა ფეხბურთელმა მოახერხა ლა ლიგაში 1 მატჩში გოლის გატანაც და წითელი ბარათის მიღებაც. 

* ხოსე ლუის მორალესმა „ლევანტეს“ რიგებში 150-ე მატჩი ითამაშა ლა ლიგაში.

* ვაკასო მუბარაკი (ალავესი) ლა ლიგის პირველი ფეხბურთელია, ვინც სეზონში მე-5 გაფრთხილება მიიღო. 

ვილიარეალი-ბეტისი 5:1
გოლები: 1:0 ეკამბი (39), 1:1 ემერსონი (48), 2:1 კასორლა (68-პენ), 3:1 ეკამბი (76), 4:1 მორენო (90+2), 5:1 ჩუკვუეზე (90+4)

ბილბაო-ვალენსია 0:1
გოლი: 0:1 ჩერიშევი (27)

ხეტაფე-ბარსელონა 0:2
გოლები: 0:1 ლუის სუარესი (41), 0:2 ჟუნიორ ფირპო (49)



გრანადა-ლეგანესი 1:0
გოლი: 1:0 პუერტასი (28)

ატლეტიკო-რეალი 0:0
ატლეტიკო (4-4-2): ობლაკი - ტრიპიერი, სავიჩი, ხიმენესი, ლოდი (61. ლემარი) - ვიტოლო (46. ა. კორეა), თომასი, საულ ნიგესი, კოკე - ჟოაო ფელიქსი (70. 

ესპანიოლი-ვალიადოლიდი 0:2
გოლები: 0:1 მიჩელი (25-პენ), 0:2 პლანიო (90+4)
გაძევება: კალერო (65. ესპანიოლი)

ეიბარი-სელტა 2:0
გოლები: 1:0 ექსპოსიტო (47), 2:0 ორელიანა (60)
გამოუყენებელი პენალტი: ასპასი (90+4. სელტა)

ალავესი-მალიორკა 2:0
გოლები: 1:0 ლუკას პერესი (76-პენ), 2:0 ხოსელუ (86)

ლევანტე-ოსასუნა 1:1
გოლები: 1:0 ერნანი (4), 1:1 რუბენ გარსია (57)
გაძევება: ერნანი (72. ლევანტე)

სევილია-სოსიედადი 3:2
გოლები: 0:1 ოიარზაბალი (4), 1:1 ნოლიტო (18), 2:1 ოკამპოსი (47), 3:1 ფ. ვასკესი (81), 3:2 პორტუ (87)

1. რეალი 7 4 3 0 12:6 15
2. გრანადა 7 4 2 1 13:6 14
3. ატლეტიკო 7 4 2 1 7:4 14
4. ბარსელონა 7 4 1 2 16:10 13
5. სოსიედადი 7 4 1 2 12:7 13
6. სევილია 7 4 1 2 10:7 13
7. ბილბაო 7 3 3 1 7:3 12
8. ვილიარეალი 7 3 2 2 18:11 11
9. ვალენსია 7 2 3 2 10:11 9
10. ვალიადოლ. 7 2 3 2 7:8 9
11. ეიბარი 7 2 2 3 9:9 8
12. ლევანტე 7 2 2 3 8:9 8
13. ოსასუნა 7 1 5 1 5:6 8
14. ალავესი 7 2 2 3 4:7 8
15. ბეტისი 7 2 2 3 10:15 8
16. ხეტაფე 7 1 4 2 10:11 7
17. სელტა 7 1 3 3 4:09 6
18. ესპანიოლი 7 1 2 4 4:12 5
19. მალიორკა 7 1 1 5 4:12 4
20. ლეგანესი 7 0 2 5 3:10 2

ბომბარდირები: 6 - ჟ. მორენო (ვილიარეალი); 5 - ქ. ბენზემა (რეალი), ლორენი (ბეტისი); 4- მ. ოიარზაბალი (რეალ სოსიედადი), სანტი კასორლა (ვილიარეალი), რაულ გარსია (ბილბაო). 

მომდევნო ტური
4 ოქტომბერი: ბეტისი-ეიბარი
5 ოქტომბერი: ლეგანესი-ლევანტე, რეალი-გრანადა, ვალენსია-ალავესი, ოსასუნა-ვილიარეალი
6 ოქტომბერი: მალიორკა-ესპანიოლი, სელტა-ბილბაო, ვალიადოლიდი-ატლეტიკო, რეალ სოსიედადი-ხეტაფე, ბარსელონა-სევილია]

ყოველდღიური სპორტული გაზეთი "ლელო"
435
მკითხველის კომენტარები / 0 /
მსგავსი ამბები
რუბრიკის სხვა სიახლეები
;