ლა ლიგა. VIII ტურის მიმოხილვა: ედენმა და ლეომ გაიტანეს [VIDEO]

როგორც იქნა, ლეომაც გაიტანა! მესი გახდა პირველი ფეხბურთელი, ვინც ლა ლიგის ზედიზედ 16 სეზონში გაიტანა გოლები, „ბარსელონამ“ კი „სევილია“ დიდი ანგარიშით დაამარცხა, თანაც, მატჩი 9 კაცით დაასრულა.

ტურის წინ „რეალი“ და „გრანადა“ პირველ-მეორე ადგილებზე იყვნენ, თუმცა მატჩმაც აჩვენა ანდალუსიელთა ყოფნა ლიდერთა შორის დროებითია. „სანტიაგო ბერნაბეუზე“ 6 გოლი გავიდა და მასპინძელთა ოთხივე გოლს სიმბოლური მნიშვნელობა ჰქონდა - ჯერ ქარიმ ბენზემამ გაიტანა და ლა ლიგის ბომბარდირთა დავის ლიდერებს წამოეწია, შემდეგ ედენ აზარმა გაიტანა, „სამეფო კლუბის“ მაისურით პირველი ოფიციალური გოლი, მეორე ტაიმში ლუკა მოდრიჩმა შორიდან გაისროლა, ხორვატმა პირველად გაიტანა, რაც „რეალში“ ზიდანი დაბრუნდა. დაბოლოს, ხამესმა „რეალში“ პირველი გოლი გაიტანა 2017 წლის შემდეგ. ამდენი ვარსკვლავი ჩამოვთვალეთ და „რეალში“ მაინც საუკეთესო ახალგაზრდა ფედე ვალვერდე იყო.

ზინედინ ზიდანი („რეალის“ მწვრთნელი): „ვალვერდე თანამედროვე ტიპის ფეხბურთელია. მე მისი თამაშით კმაყოფილი ვარ, ის ყოველ მატჩში უმატებს, იზრდება. ვალვერდე მუდამ წინ მიიწევს და ბურთი სურს, დღეს მან ორ გოლში მიიღო მნიშვნელოვანი მონაწილეობა. თუმცა ფეხბურთი გუნდური თამაშია და, რაც უნდა იყოს, პირველი ტაიმი დღეს, უბრალოდ, ფანტასტიკური იყო ჩვენთვის“.

სანაკრებო პაუზის წინ ლა ლიგაში უდიდესი სიმჭიდროვეა - „რეალსა“ და მე-16-ადგილოსან „ბეტისს“ შორის სულ 9 ქულაა (სამი გამარჯვება).

ფაქტები

* სერხიო კანალესმა (ბეტისი) ლა ლიგაში 259-ე მატჩში „აიკიდა“ პირველი პენალტი.

* როჯერ მარტიმ (ლევანტე) „ლეგანესის“ წინააღმდეგ ლა ლიგის 4 მატჩში 3 გოლში მიიღო უშუალო მონაწილეობა.

* ფედე ვალვერდემ (რეალი) პროფესიულ საკლუბო კარიერაში პირველი საგოლე პასი გააკეთა - 55-ე თამაშში.

* „ოსასუნას“ თამაშის შემოტრიალება დასჭირდა, სეზონში პირველი საშინაო მოგების დასაფიქსირებლად.

* პაუ ტორესს (ვილიარეალი) საოცნებო კვირა ჰქონდა - ოთხშაბათს ახალი კონტრაქტი გააფორმა, პარასკევს ესპანეთის ნაკრებში დაუძახეს, შაბათს ლა ლიგაში პირველი გოლი გაიტანა.

* მაქსი გომესმა (ვალენსია) 5 მატჩში 4 გოლი გაიტანა.

* ქარიმ ბენზემამ (რეალი) 2019 წელს ლა ლიგაში 22 გოლი გაიტანა - ყველაზე მეტი.

* სალვა სევილიამ (მალიორკა) 2015 წლის შემდეგ პირველი გოლი გაიტანა ლა ლიგაში, მაშინ სწორედ „ესპანიოლის“ ფეხბურთელი იყო, ვისაც ახლა გაუტანა.

* „ვილიარეალმა“ ლა ლიგაში ყველაზე მეტი ქულა დაკარგა მას შემდეგ, რაც მატჩში დაწინაურდა - 10.

* იაგო ასპასმა „სელტას“ პირადად ამ სეზონში უკვე 6 ქულა მოუტანა.

* „ატლეტიკომ“ ლა ლიგის ამ ეტაპზე საკუთარი ანტირეკორდი (2005/06) გაიმეორა - 7 გოლი 8 ტურში.

* მარკ-ანდრე ტერ შტეგენი პირველი პირველი უცხოელი გოლკიპერია, ვინც „ბარსელონას“ მაისურით 200 მატჩი ითამაშა.

* ხულიენ ლოპეტეგის გუნდებმა სულ 2-ჯერ ითამაშეს „კამპ ნოუზე“ და 9 გოლი გაუშვეს.

* უსმან დემბელეს გოლი „ბარსას“ მე-300 გოლია, რაც მას ერნესტო ვალვერდე წვრთნის.

* არტურო ვიდალმა „ბარსას“ სასტარტოში 23-ჯერ ითამაშა და გუნდს ერთხელაც არ წაუგია.

ბეტისი-ეიბარი 1:1
გოლები: 0:1 ორელიანა (34-პენ), 1:1 ლორენი (66)
გაძევება: ესკალანტე (90+1. ეიბარი)

ლეგანესი-ლევანტე 1:2
გოლები: 0:1 როჯერ მარტი (45+2-პენ), 0:2 კამპანია (49), 1:2 ბრაიტვაიტი (76)
გამოუყენებელი პენალტი: ბრაიტვაიტი (80. ლეგანესი)

რეალი-გრანადა 4:2
გოლები: 1:0 ბენზემა (2), 2:0 აზარი (45+1), 3:0 მოდრიჩი (61), 3:1 მაჩისი (69-პენ), 3:2 დ. დუარტე (77), 4:2 ხამეს როდრიგესი (90+2)



ვალენსია-ალავესი 2:1
გოლები: 1:0 მაქსი გომესი (27), 2:0 პარეხო (83-პენ), 2:1 ლუკას პერესი (89)

ოსასუნა-ვილიარეალი 2:1
გოლები: 0:1 პაუ ტორესი (5), 1:1 რონკალია (46), 2:1 ავილია (79)

მალიორკა-ესპანიოლი 2:0
გოლები: 1:0 ბუდიმირი (37), 2:0 სევილია (73)

სელტა-ბილბაო 1:0
გოლი: 1:0 ასპასი (74)

ვალიადოლიდი-ატლეტიკო 0:0
გამოუყენებელი პენალტი: ს. რამირესი (36. ვალიადოლიდი)

სოსიედადო-ხეტაფე 1:2
გოლები: 1:0 მერინო (5), 1:1 მატა (69), 1:2 მაქსიმოვიჩი (89)
გაძევება: დ. ლორენტე (53. რეალ სოსიედადი)

ბარსელონა-სევილია 4:0
გოლები: 1:0 ლუის სუარესი (27), 2:0 არ. ვიდალი (32), 3:0 უ. დემბელე (35), 4:0 მესი (78)
გაძევება: არაუხო (87), დემბელე (88)

1. რეალი 8 5 3 0 16:8 18
2. ბარსელონა 8 5 1 2 20:10 16
3. ატლეტიკო 8 4 3 1 7:4 15
4. გრანადა 8 4 2 2 15:10 14
5. სოსიედადი 8 4 1 3 13:9 13
6. სევილია 8 4 1 3 10:11 13
7. ბილბაო 8 3 3 2 7:4 12
8. ვალენსია 8 3 3 2 12:12 12
9. ვილიარეალი 8 3 2 3 19:13 11
10. ლევანტე 8 3 2 3 10:10 11
11. ოსასუნა 8 2 5 1 7:7 11
12. ხეტაფე 8 2 4 2 12:12 10
13. ვალიადოლ. 8 2 4 2 7:08 10
14. ეიბარი 8 2 3 3 10:10 9
15. სელტა 8 2 3 3 5:9 9
16. ბეტისი 8 2 3 3 11:16 9
17. ალავესი 8 2 2 4 5:9 8
18. მალიორკა 8 2 1 5 6:12 7
19. ესპანიოლი 8 1 2 5 4:14 5
20. ლეგანესი 8 0 2 6 4:12 2

ბომბარდირები: 6 - ქ. ბენზემა (რეალი), ლორენი (ბეტისი), ჟ. მორენო (ვილიარეალი); 4 - ს. კასორლა (ვილიარეალი), მ. ოიარზაბალი (რეალ სოსიედადი), ხ. მატა (ხეტაფე), დ. პარეხო (ვალენსია), რაულ გარსია (ბილბაო), მ. გომესი (ვალენსია), ლ. სუარესი (ბარსელონა).

მომდევნო ტური
18 ოქტომბერი: გრანადა-ოსასუნა
19 ოქტომბერი: ეიბარი-ბარსელონა, ატლეტიკო-ვალენსია, ხეტაფე-ლეგანესი, მალიორკა-რეალი
20 ოქტომბერი: ალავესი-სელტა, რეალ სოსიედადი-ბეტისი, ესპანიოლი-ვილიარეალი, ბილბაო-ვალიადოლიდი, სევილია-ლევანტე

ყოველდღიური სპორტული გაზეთი "ლელო"
393
მკითხველის კომენტარები / 0 /
მსგავსი ამბები
რუბრიკის სხვა სიახლეები
;