ლა ლიგა. XI ტური: მესის 600, ალკასერის დუბლი და ვალენსიას რეკორდი [VIDEO]

4 ნოემბერს, ესპანეთის ლა ლიგის XI ტურის შეხვედრები გაიმართა. გამარჯვება იზეიმა სატურნირო ცხრილის სამივე ლიდერმა.

სატურნირო ცხრილის სათავეში მყოფმა "ბარსელონამ" საკუთარ მოედანზე "სევილიას" უმასპინძლა და მეტოქე ანგარიშით 2:1 დაამარცხა. დუბლი პაკო ალკასერმა მიითვალა, რომელმაც გოლები 23-ე და 65-ე წუთებზე გაიტანა. სტუმართაგან კი 59-ე წუთზე გიდო პისარო გამოირჩა.

ამ მოგებით "ბარსელონამ" 31 ქულა დააგროვა და ლა ლიგის სატურნირო ცხრილის სათავეში პოზიცია გაიმყარა. აღსანიშნავია, რომ კატალონიურ გუნდში საიუბილეო - თავის მე-600 მატჩი ჩაატარა ლიონელ მესიმ.



მორიგი სამი ქულა მიითვალა კატალონიური გრანდის მდევარმა "ვალენსიამ", რომელმაც ჩემპიონატში ზედიზედ მეშვიდე გამარჯვება "ლეგანესთან" იზეიმა - 3:0. ამით გუნდმა 70 წლის წინანდელი საკლუბო რეკორდი გაიმეორა - ბოლოს "ღამურებმა" ქვეყნის პირველობაზე ზედიზედ შვიდჯერ 1947 წლის სექტემბერში მოიგეს.

რაც შეეხება 4 ნოემბერს ჩატარებულ შეხვედრას, "ვალენსია"-"ლეგანესის" დაპირისპირებაში გოლები დანეილ პერეხომ (14), როდრიგომ (71) და სანტიაგო ლორენსომ (პენ. 82) გაიტანეს.

სამი ქულა მოიპოვა ლიდერთა სამეულში მყოფმა მადრიდის "ატლეტიკომაც", რომელმაც სტუმრად ლაკორუნიაში "დეპორტოვის" მინიმალური ანგარიშით სძლია - 1:0. გოლი მსაჯის მიერ კომპენსირებულ დროში ტომას ტეიემ (90+1) შეაგდო.



ტური დღეს გასამართი ხუთი შეხვედრით დასრულდება.

ესპანეთი. ლა ლიგა. XI ტური
პარასკევი, 3 ნოემბერი
ბეტისი-ხეტაფე 2:2

შაბათი, 4 ნოემბერი
ვალენსია-ლეგანესი 3:0
დეპორტივო-ატლეტიკო 0:1
ალავესი-ესპანიოლი 1:0
ბარსელონა-სევილია 2:1

კვირა, 5 ნოემბერი
ლევანტე-ჟირონა 15:00
სელტა-ბილბაო 19:15
სოსიედადი-ეიბარი 21:30
ვილიარეალი-მალაგა 21:30
რეალი-ლას პალმასი 23:45

1023
მკითხველის კომენტარები / 0 /
მსგავსი ამბები
რუბრიკის სხვა სიახლეები
;