[ლა ლიგა. XVI ტური. VIDEO+ანალიზი]. ლუიგოლი

   ვილიარეალი-ატლეტიკო      0:0   

ატლეტიკო (4-4-2): ობლაკი - არიასი (80. ტრიპიერი), ფელიპე, ერმოსო, ლოდი - საული, ერერა (84. მ. ლორენტე), თომასი (59. ვიტოლო), კოკე - ჟოაო ფელიქსი, მორატა

   რეალი-ესპანიოლი     2:0   

გოლები: 1:0 ვარანი (37), 2:0 ბენზემა (79)

რეალი (4-3-3): კურტუა - კარვახალი, ვარანი, სერხიო რამოსი, მენდი - ვალვერდე, კაზემირო, კროოსი (71. მოდრიჩი) - როდრიგო (85. ბ. დიასი), ბენზემა, ვინისიუსი (85. მილიტაო)

გაძევება: მენდი (83)

   გრანადა-ალავესი       3:0   

გოლები: 1:0 ფერნანდესი (48), 2:0 სოლდადო (58-პენ), ი. ერერა (77)

გაძევება: ვაკასო (67. ალავესი), ლაგვარდია (90+1. ალავესი)

   ლევანტე-ვალენსია    2:4   

გოლები: 1:0 როჯერ მარტი (11), 2:0 როჯერ მარტი (20-პენ), 2:1 როჯერ მარტი (45+3. ს. კ.), 2:2 გამეირო (57), 2:3 გამეირო (59), 2:4 ფ. ტორესი (88)

ვალენსია (4-4-2): სილესენი (27. დომენეკი) - ვასი, გარაი, გაბრიელ პაულისტა, ხ. კოსტა - კოკლენი (84. დიაქაბი) - როდრიგო, სოლერი, პარეხო, ფ. ტორესი - გამეირო (79. მაქსი გომესი)

გაძევება: ფალკონი (74. ლევანტე)

   ბარსელონა-მალიორკა          5:2   

გოლები: 1:0 გრიზმანი (7), 2:0 მესი (17), 2:1 ბუდიმირი (35), 3:1 მესი (41), 4:1 ლუის სუარესი (43), 4:2 ბუდიმირი (64), 5:2 მესი (83)

ბარსელონა (4-3-3): ტერ შტეგენი - სერხი რობერტო, პიკე, ლონგლე, ფირპო - რაკიტიჩი (72. ალენია), ბუსკეტსი, ფ. დე იონგი (64. არ. ვიდალი) - მესი, ლუის სუარესი, გრიზმანი (85. კ. პერესი)

   ეიბარი-ხეტაფე           0:1   

გოლი: 0:1 ანხელი (67)

გაძევება: ორელიანა (90+7. ეიბარი)

   ბეტისი-ბილბაო         3:2   

გოლები: 1:0 ხოაკინი (2), 2:0 ხოაკინი (11), 3:0 ხოაკინი (20), 3:1 ვილიამსი (44-პენ), 3:2 ი. ბერჩიჩე (75)

   ვალიადოლიდი-სოსიედადი            0:0   

   ლეგანესი-სელტა       3:2   

გოლები: 1:0 ოსკარი (15), 2:0 ოსკარი (39), 2:1 არაუჟო (64), 3:1 როდრიგეში (55), 3:2 ასპასი (81)

გაძევება: გ. ფერნანდესი (81. სელტა)

   ოსასუნა-სევილია       1:1   

გოლები: 0:1 ელ ჰადადი (11), 1:1 ჩიმი ავილა  (45+2)

სევილია (4-3-3): ვაცლიკი - ხესუს ნავასი, კუნდე (59. კარიკო), დიეგო კარლოსი, რეგილონი - ბანეგა, ფერნანდო, ჟორდანი (59. ვასკესი) - ელ ჰადადი, ხ. ერნანდესი, ო. ტორესი (78. დაბური).

1. ბარსელონა 15 11 1 3 41:18 34
2. რეალი 15 10 4 1 32:11 34
3. სევილია 16 9 4 3 20:15 31
4. სოსიედადი 16 8 3 5 26:18 27
5. ხეტაფე 16 7 6 3 24:16 27
6. ბილბაო 16 7 5 4 19:12 26
7. ატლეტიკო 16 6 8 2 16:10 26
8. ვალენსია 16 7 5 4 26:23 26
9. გრანადა 16 7 3 6 23:20 24
10. ოსასუნა 16 5 8 3 22:18 23
11. ბეტისი 16 6 4 6 22:27 22
12. ლევანტე 16 6 2 8 20:25 20
13. ვილიარეალი 16 5 4 7 28:24 19
14. ვალიადოლ. 16 4 7 5 14:18 19
15. ალავესი 16 5 3 8 17:23 18
16. ეიბარი 16 4 3 9 15:28 15
17. მალიორკა 16 4 2 10 16:28 14
18. სელტა 16 3 4 9 12:23 13
19. ლეგანესი 16 2 3 11 11:27 9
20. ესპანიოლი 16 2 3 11 10:30 9
მომდევნო ტური      
13 დეკემბერი: ალავესი-ლეგანესი     
14 დეკემბერი: გრანადა-ლევანტე, სოსიედადი-ბარსელონა, ბილბაო-ეიბარი, ატლეტიკო-ოსასუნა
15 დეკემბერი: ხეტაფე-ვალიადოლიდი, სელტა-მალიორკა, ესპანიოლი-ბეტისი, სევილია-ვილიარეალი, ვალენსია-რეალი

მატჩის 43-ე წუთზე ლუის სუარესმა ბურთი ფრენკი დე იონგისგან მიიღო და შემდეგ რაც ურუგვაელმა გააკეთა ბევრის მნახველი „კამპ ნოუც“ კი გააკვირვა - „ბარსას“ ფორვარდმა „მალიორკას“ მეკარეს ბურთი თავზე გადაუგდო, ოღონდ, ეს ქუსლით გააკეთა. შესაძლოა, ეს სეზონის საუკეთესო გოლი იყო თამაშში, რომელშიც ლეო მესიმ თავისი მე-6 „ოქროს ბურთი“ გამოფინა, შემდეგ კი ჰეთ თრიკი შეასრულა...

ბალეარელთა კარში ხუთივე გოლი ბრწყინვალე იყო, თუმცა ლუის სუარესის მაინც გამორჩეულია - ერნესტო ვალვერდეს გუნდი შესანიშნავ ფორმაშია. მატჩის შემდეგ ურუგვაელმა ფორვარდმა აღიარა, რომ ეს მისი კარიერის საუკეთესო გოლია.

ერნესტო ვალვერდე (ბარსელონა): „მეგონა, ლუისი პასს აკეთებდა, ვერც კი მივხვდი რა მოხდა - ეს იყო საოცარი გოლი. რაც შეეხება მესის, მან „ოქროს ბურთი“ ბრწყინვალედ იზეიმა. რაკიტიჩთან განშორების გეგმები სულაც არ მაქვს, ის მაღალი დონის პროფესიონალია და შესაბამისად თამაშობს“.

„რეალმა“ სუსტ „ესპანიოლს“ იოლად მოუგო - ამისთვის ფრანგების, რაფაელ ვარანისა და ქარიმ ბენზემას გოლებიც საკმარისი გამოდგა.

ფაქტები

* 2003 წლის მერე „ატლეტიკოს“ ფეხბურთელს სტუმრად გამართულ მატჩში ამდენჯერ არ დაურტყია მეტოქის კარისკენ გოლის გაუტანლად - ჟოაო ფელიქსმა „ვილიარეალის“ კარისკენ 9-ჯერ დაარტყა.

* „ატლეტიკომ“ ლა ლიგაში სტუმრად ზედიზედ მეხუთე ფრე ითამაშა. კლუბის რეკორდი ზედიზედ 6 საგარეო ფრეა (1957 წ.).

* ფერლან მენდი (რეალი) პროფესიულ კარიერაში პირველად გააძევეს.

* „რეალი“ პირველი გუნდია, რომელმაც ლა ლიგაში 1 700-ე გამარჯვება მოიპოვა.

* „ესპანიოლი“ 2012 წლის დეკემბრის მერე „სანტიაგო ბერნაბეუზე“ უქულოდ თამაშობს.

* მარკ-ანდრე ტერ შტეგენმა (ბარსელონა) სეზონში მეორე საგოლე პასი მიითვალა. გოლკიპერებში ის ერთადერთია ევროპის ტოპლიგებში, ვინც ერთზე მეტი საგოლე პასი დააგროვა.

* ლიონელ მესი (ბარსელონა) გახდა ლა ლიგის ისტორიაში ყველაზე მეტი ჰეთ თრიკის ავტორი - 35. მან კრიშტიანო რონალდო ჩამოიტოვა.

* „ბარსელონამ“ ევროპის ტოპ 5 ლიგებში ყველაზე მეტი გოლი გაიტანა საჯარიმოს გარედან - 10.

* ლუის სუარესმა (ბარსელონა) ყველა გუნდს გაუტანა, ვისაც კი ლა ლიგაში შეხვედრია - სულ 139 გოლი 28 გუნდის კარში.

* ლიონელ მესი ერთადერთია ევროპის ტოპ 5 ლიგებში, ვინც ზედიზედ 14 სეზონის განმავლობაში 10+ გოლი გაიტანა.

* ანხელ როდრიგესი ლა ლიგაში „ხეტაფეს“ ისტორიაში მესამე გოლეადორი გახდა - 28 გოლი. მას მხოლოდ მანუ დელ მორალი (37) და რობერტო სოლდადო (29) უსწრებენ.

* „ვალენსიამ“ 2001 წლის დეკემბრის შემდეგ პირველად შეძლო სტუმრად 2-ბურთიანი ჩამორჩენის ამოქაჩვა და მოგება. მაშინ „ვალენსია“ ჩემპიონი გახდა.

* ამ სეზონში პირველად ერთმა ფეხბურთელმა პირველ ტაიმში შეძლო დუბლის შესრულებაც და ავტოგოლის გატანაც - როჯერ მარტი (ლევანტე).

* 2017 წლის მერე პირველად, ერთ მატჩში „ალავესის“ ორი ფეხბურთელი გააძევეს - ვაკასო და ლაგვარდია.

* 7 გოლი თავით - „გრანადას“ ეს მაჩვენებელი მესამეა ევროპის ტოპლიგებში - „ლივერპულისა“ (10) და „ევერტონის“ (8) შემდეგ.

* ხოაკინი (ბეტისი) ლა ლიგის ისტორიაში მხოლოდ მეშვიდე ფეხბურთელია, ვინც პირველ 20 წუთში ჰეთ თრიკი შეასრულა. 

* 2016 წლის მერე პირველად მოხდა ლა ლიგაში, რომ გუნდმა მატჩში 3 გოლი გაიტანა საჯარიმოს გარედან - ეს „ლეგანესმა“ მოახერხა.

ზინედინ ზიდანი (რეალი): „მეტოქეს ამ მატჩშიც ჰქონდა მომენტები. მიმაჩნია, რომ „ესპანიოლი“ არ იმსახურებს იმ პოზიციას, რომელზეც ახლაა ლა ლიგაში. მეორე ტაიმში მეტი უნდა გვემოძრავა. ესპანიოლთან გამარჯვება ჩვენთვის ძალზე მნიშვნელოვანი შედეგია. ყოველ თამაშს თავისი ისტორია აქვს. ამიტომ დავკმაყოფილდეთ იმით, რომ კარგი სერია გრძელდება. „რეალს“ კიდევ უკეთ შეუძლია თამაში. წინ კიდევ ბევრი თამაშია. რომ მოგებები გავაგრძელოთ, ყველა მიმართულებით მოსამატებელი გვაქვს. მოდრიჩი იმიტომ შევცვალე, რომ ბევრნი ვართ გუნდში და როტაცია საჭიროა. ვიცი, რომ ლუკა შესანიშნავ ფიზიკურ ფორმაშია და ბევრი მატჩის ჩატარება შეუძლია. ბენზემა საუკეთესო ფორმაშია, მე მას მხოლოდ ერთს ვთხოვ, ასე თამაში გააგრძელოს“.

ტურში კიდევ ერთი გამორჩეული თამაში იყო - ვალენსიური დერბი „სიუტატ დე ვალენსიაზე“ - „ვალენსიამ“ 0:2-დან ამოქაჩა და დერბიში 4:2 იმარჯვა, თუმცა მეკარე სილესენი დაკარგა.

544
მკითხველის კომენტარები / 0 /
მსგავსი ამბები
რუბრიკის სხვა სიახლეები
;