ლა ლიგა. XVIII ტურის მიმოხილვა: როცა 'კამპ ნოუს' წინაშე უძლური ხარ... და მაინც, რა საოცარია მესი!.. [VIDEO]

...მართლაც რა საოცარი ფეხბურთელია ლიონელ მესი: 2018 წელი მან 51 გოლით (კლუბში და ნაკრებში) ჩაამთავრა და ხუთი გოლით გაუსწრო ერთადერთ კონკურენტ კრიშტიანო რონალდოს. 2018-ში გოლების წვიმა „ბარსელონამაც“ შემოგვთავაზა, რომლის 102 გოლიც ასევე საუკეთესო მაჩვენებელია ევროპის ტოპ 5 ლიგებში...

ტურამდე „სელტას“ შემტევ პოტენციალზე ბევრი ვილაპარაკეთ, თუმცა „კამპ ნოუზე“ იაგო ასპასისა და მაქსი გომესის ტანდემი უძლური აღმოჩნდა. სამაგიეროდ, მესის გაჩერება ჭირდა, ერთხელ დემბელემ მის დარტყმულს დაამატა, ერთხელაც ლეომ თავად გაიტანა. ორივე შემთხვევაში და ზოგადად თამაშში ჟორდი ალბას ბრწყინვალე ასპარეზობაცაა გამოსარჩევი.

ერნესტო ვალვერდე („ბარსელონას“ მწვრთნელი): „პირველ ტაიმში კარგად შევძელით მათი დაცვის სისტემის მოშლა. ვუტევდით მათი მცველების ზურგს უკან, ასე გავიდა პირველი გოლიც. მეორე ტაიმში ბურთი შედარებით იშვიათად გვქონდა. სწრაფად თამაში გვინდოდა და ყოველთვის არ გამოგვდიოდა“. 

„ატლეტიკო“ „ესპანიოლთან“ უჩვეულოდ შემტევი იყო, მაგრამ შედეგი ისევ ისეთი გამოდგა, როგორც უმრავლეს შემთხვევებში ხდება ხოლმე - დიეგო სიმეონეს გუნდმა საყვარელი ანგარიშით, 1:0 გაიმარჯვა. ამ მატჩში „ატლეტიკოდან“ საზეიმოდ გააცილეს გაბი, შეხვედრას კი ფერნანდო ტორესიც ესწრებოდა.

წლის ბოლო ტურში ჩამორჩა „სევილია“ „ატლეტიკოს“ და მეორე ადგილი დაუთმო. ეს კი სწორედ მადრიდში მოხდა „ლეგანესის“ წინააღმდეგ. მატჩის დასრულების შემდეგ პაბლო მაჩინი გახარებული იყო, რადგან მისმა გუნდმა მეტოქეს ქულა ბოლო წამებზე გამოჰგლიჯა ხელიდან - ვისამ ბენ იედერმა მაშინ გაიტანა, როცა 90 წუთი უკვე გასული იყო და „სევილია“ 10 კაცით თამაშობდა.

„ვალენსიას“ ერთმა მოგებამ აუტსაიდერთა გარემო დაატოვებინა და ცხრილის ზედა ნაწილში აინაცვლა, სადაც უფრო არის „ღამურების“ ადგილი. მარსელინო კი, ალბათ, მოხსნას გადაურჩა. აქაც გოლი კომპენსირებულ დროში გავიდა - თავი კი იტალიელმა მცველმა პიჩინიმ გამოიჩინა.

ფაქტები

* 2018 წელს „ალავესმა“ 60 ქულა დააგროვა, ეს კი ყველა ბასკურ კლუბზე მეტია.

* „რეალ სოსიედადის“ ანდერ ბარენეჩეა პირველი ფეხბურთელია ვინც 21-ე საუკუნეში დაიბადა (16 წლისა და 359 დღის) და ლა ლიგაში ითამაშა.

* ის „რეალ სოსიედადის“ ისტორიაში მეორე ყველაზე ახალგაზრდა ფეხბურთელია - 1934 წელს პედრო ირასტორცას 15 წლისა და 288 წლის ასაკში ჰქონდა დებიუტი.

* „ალავესის“ არგენტინელმა ჯონათან კალერიმ თავით ლა ლიგაში 4 გოლი გაიტანა. ამ სეზონში ეს საუკეთესო შედეგია ჩემპიონატში.

* „ხეტაფემ“ 2018 წელს ლა ლიგაში 57 ქულა დააგროვა. კალენდარულ წელში უკეთესი მაჩვენებელი ამ მადრიდულ კლუბს მხოლოდ ერთხელ ჰქონდა (2010 - 60 ქულა).

* 2018 წელს „ბეტისმა“ ყველაზე ცოტა დარტყმა „ეიბარის“ კარისკენ განახორციელა - 4.

* პირველ ტაიმში „ატლეტიკომ“ 10-ჯერ დაარტყა „ესპანიოლის“ კარისკენ, „ვანდაზე“ პირველად მოხდა, რომ ტაიმში ამდენი დარტყმა განახორციელა „ატლეტიკომ“ (ლა ლიგის თამაშში).

* ანტუან გრიზმანმა (ატლეტიკო) პროფესიულ კარიერაში (კლუბი+ნაკრები) მე-200 გოლი გაიტანა.              

* „ბარსელონამ“ ლა ლიგაში 2018 წელს 102 გოლი გაიტანა. ეს მაჩვენებელი ევროპის ტოპ 5 ლიგებში საუკეთესოა.

* ლიონელ მესი (ბარსელონა) ევროპის ტოპ 5 ლიგებში ერთადერთი ფეხბურთელია, ვინც ბოლო 11 სეზონში ზედიზედ შეძლო 15 და მეტი გოლის გატანა.

* მას მერე, რაც „ატლეტიკშია“, არიც ადურისმა 21-ე გოლი გაიტანა ლა ლიგაში პენალტით.

* „ბილბაო“ „ვალიადოლიდთან“ ზედიზედ 7 მატჩია, რაც არ დამარცხებულა.

* დანი პარეხომ „მესტალიაზე“ ბოლო 4 ტურში 3 გოლში (1 გოლი, 2 საგოლე პასი) მიიღო მონაწილეობა.

* „პალერმოსა“ და „სევილიაში“ თამაშისას 7 წლის განმავლობაში ფრანკო ვასკესი ჩემპიონატის მატჩებში პირველად გააძევეს.

* ვისამ ბენ იედერმა 2018 წელს „სევილიას“ ლა ლიგაში 13 გოლით 13 ქულა პირადად მოუტანა.

ჟირონა-ხეტაფე       1:1

გოლები: 0:1 ანხელი (61), 1:1 ესპინოსა (85)

სოსიედადი-ალავესი        0:1

გოლი: 0:1 კალერი (11)

ბეტისი-ეიბარი       1:1

გოლები: 1:0 სანაბრია (21), 1:1 ორელიანა (72-პენ)

ატლეტიკო-ესპანიოლი     1:0

გოლი: 1:0 გრიზმანი (56-პენ)

ბარსელონა-სელტა 2:0

გოლები: 1:0 დემბელე (10), 2:0 მესი (45)

ბილბაო-ვალიადოლიდი  1:1

გოლები: 1:0 ადურისი (45-პენ), 1:1 პლანიო (92)

ვალენსია-უესკა      2:1

გოლები: 1:0 პარეხო (25), 1:1 კუჩო (72-პენ), 2:1 პიჩინი (94)

ვალენსია (4-4-2): ნეტო - პიჩინი, გარაი, დიაქაბი, გაია - ვასი (75. ბატჩუაი), პარეხო, სოლერი, ჩერიშევი - მინა (71. ფ. ტორესი), როდრიგო

ლეგანესი-სევილია            1:1

გოლები: 1:0 ვესგა (5), 1:1 ბენ იედერი (90+1)

გაძევება: ფ. ვასკესი (45+1)

ვალეკანო-ლევანტე           2:1

გოლები: 1:0 ტონო (23-საკ. კარში), 1:1 როჩინა (60), 2:1 დე ტომასი (67)

ხუთშაბათი. 3 იანვარი

ვილიარეალი-რეალი         00:30

1. ბარსელონა 17 11 4 2 48:19 37
2. ატლეტიკო 17 9 7 1 25:12 34
3. სევილია 17 9 5 3 30:17 32
4. რეალი 16 9 2 5 24:19: 29
5. ალავესი 17 8 4 5 19:17 28
6. ბეტისი 17 7 5 5 20:19 26
7. ხეტაფე 17 6 7 4 18:13 25
8. ვალენსია 17 4 10 3 15:14 22
9. ჟირონა 17 5 7 5 18:20 22
10. ლევანტე 17 6 4 7 28:32 22
11. სელტა 17 5 6 6 28:26 21
12. ვალიადოლ. 17 5 6 6 16:19 21
13. ეიბარი 17 5 6 6 21:25 21
14. ესპანიოლი 17 6 3 8 18:24 21
15. სოსიედადი 17 5 4 8 18:20 19
16. ლეგანესი 17 4 7 6 16:20 19
17. ბილბაო 17 2 10 5 16:24 16
18. ვილიარეალი 16 3 6 7 17:21 15
19. რ. ვალეკანო 17 3 4 10 17:32 13
20. უესკა 17 1 5 11 15:34 8

ბომბარდირები: 15 - ლიონელ მესი (ბარსელონა); 11 - ლუის სუარესი (ბარსელონა), კრისტიან სტუანი (ჟირონა); 10 - იაგო ასპასი (სელტა).

მომდევნო ტური

4 იანვარი: ლევანტე-ჟირონა

5 იანვარი: ესპანიოლი-ლეგანესი, ვალიადოლიდი-რაიო ვალეკანო, ალავესი-ვალენსია, უესკა-ბეტისი

6 იანვარი: ეიბარი-ვილიარეალი, სევილია-ატლეტიკო, რეალი-რეალ სოსიედადი, ხეტაფე-ბარსელონა

7 იანვარი: სელტა-ბილბაო

ყოველდღიური სპორტული გაზეთი "ლელო"
478
მკითხველის კომენტარები / 0 /
მსგავსი ამბები
რუბრიკის სხვა სიახლეები
;