ლა ლიგა. XXIV ტურის მიმოხილვა: აქეთ მესი, იქით გრიზმანი, - 'რეალის' სერიები 'ჟირონამ' შეწყვიტა {VIDEO]

არავინ ელოდა იმას, რაც “სანტიაგო ბერნაბეუზე” მოხდა, კრიზისში მყოფმა “ჟირონამ” 0:1 შემოატრიალა და მოიგო! “რეალის” შესანიშნავი სერია შეწყდა, მეორე ისევ “ატლეტიკოა”, “ბარსელონაში” შვებით ამოისუნთქეს...

სხვათა შორის, “ჟირონამ” თავის ხანმოკლე ისტორიაში (ლა ლიგაში) მეორედ მოუგო “რეალს” და ორჯერვე გოლები კრისტიან სტუანიმ და პორტუმ გაუტანეს “სამეფო კლუბს”, უნიკალური მიღწევაა. სანტი სოლარის ძვირი დაუჯდა ექსპერიმენტები - მან სკამზე დასვა გარეთ ბეილი და ვინისიუს ჟუნიორი.

სანტი სოლარი (“რეალის” მწვრთნელი): “ლა ლიგა წაგებულია? არა, არავითარ შემთხვევაში! მომდევნო კვირას ახალი მეტოქეები გვეყოლება და ახლა შესაძლოა, ჩვენმა კონკურენტებმა წააგონ. ყოველი მატჩი აქ რთულია, ეს კარგად აჩვენა “ჟირონამ” დღეს, ჩვენ აუცილებლად უნდა დავუბრუნდეთ გამარჯვებების სერიას, რადგან ჩამორჩენა აღმოსაფხვრელია. მეტოქე არ დანებდა, მიუხედავად იმისა, რომ პირველ ტაიმში ვჯობდით და მომენტებიც გვქონდა. მარსელოს ბევრი აკრიტიკებს, მე კი ვფიქრობ, რომ მან დღეს კარგად ითამაშა”.

სამაგიეროდ, ზედიზედ ორი მარცხის მერე, როგორც იქნა, მოიგო “ატლეტიკომ”. ეს დიეგო სიმეონეს გუნდმა მძიმედ გააკეთა - ანტუან გრიზმანის გოლი “რაიოს” დამარცხებასა და დერბის მოგებას კი ეყო, მაგრამ სიმეონეს გუნდი “იუვენტუსთან” თამაშის წინ დამაჯერებელი ვერ იყო. შეგახსენებთ, რომ ტურის წინ სიმეონემ “ატლეტიკოსთან” 2022 წლამდე გააგრძელა კონტრაქტი და ჭორებს წერტილი დაუსვა.

დიეგო სიმეონე (“ატლეტიკოს” მწვრთნელი): “აქ ყოველთვის ძნელია თამაში, აქედან ამდენი მატჩი მინიმალური სხვაობით. ჩვენ კარგად დავიწყეთ, საულის თავურიც სახიფათო იყო, შემდეგ მეტოქემ მოუმატა. არ აქვს მნიშვნელობა, როგორ ვთამაშობთ მოედანზე, ჩვენი უმთავრესი მიზანი მოგება და 3 ქულაა”.
ტურის წინ ერნესტო ვალვერდემაც გაახანგრძლივა კონტრაქტი და ლიგის ბატალიების წინ “ბარსელონამაც” მოიგო. კატალონიური გრანდიც ვერ იყო შთამბეჭდავი - ლეო მესიმ ორიდან ერთი პენალტი გაიტანა.

ერნესტო ვალვერდე (“ბარსელონას” მწვრთნელი): “პირველ ტაიმში მოძრაობა გვიჭირდა, მეტოქემ სულ სხვა ტაქტიკა დაგვახვედრა და ამან შეგვიშალა ხელი. არა უშავს, ზოგიერთ მატჩს ასეც მოიგებ, ახლა კი მხოლოდ “ლიონთან” მატჩზე და მოგებაზე ვფიქრობთ. პიკეს დღეს საოცრად კარგი მატჩი ჰქონდა”.

ფაქტები

* ხაიმე მატამ (ხეტაფე) ლა ლიგის ბოლო 4 მატჩში 7 გოლში მიიღო უშუალო მონაწილეობა (4 გოლი, 3 საგოლე პასი).

* ხოსე ლუის მორალესმა (ლევანტე) “სელტას” ბოლო 5 დაპირისპირებიდან 4-ში გაუტანა, მათ შორის ბოლო სამ შეხვედრაში “ბალაიდოსზე”.

* “სელტამ” ლა ლიგაში ბოლო 8 მატჩიდან 7 წააგო, მაშინ, როცა წინა 16-დან მხოლოდ - 5.

* ანტუან გრიზმანმა (ატლეტიკო) “რაიო ვალეკანოს” ბოლო 6 დაპირისპირებაში გაუტანა - 8 გოლი.

* გრიზმანის გოლებმა “ატლეტიკოს” უშუალოდ მოუტანა 13 ქულა.

* ანტუან გრიზმანმა 130 გოლი გაიტანა “ატლეტიკოს” მაისურით და კლუბის ისტორიაში მე-5 ადგილზე გადავიდა.

* ვილიან ჟოზემ (რეალ სოსიედადი) 16 მატჩში 13 გოლში მიიღო უშუალო მონაწილეობა.

* ჟერარდ პიკემ “ბარსელონას” რიგებში 300 მატჩი ითამაშა. ის მესამე მცველია, ვინც კლუბში ეს შეძლო - კარლეს პუიოლისა (392) და მიგელის (391) შემდეგ.

* ლიონელ მესიმ (ბარსელონა) ზედიზედ მე-11 სეზონში შეძლო ყველა შეჯიბრებაში 30 და მეტი გოლის გატანა.

* ლიონელ მესიმ “ვალიადოლიდის” კარისკენ 12-ჯერ დაარტყა, რაც ამ სეზონის რეკორდია ევროპის ტოპ-5 ლიგებში.

* ქარიმ ბენზემა (რეალი) გახდა მეორე ფრანგი, ვინც ლა ლიგაში 300 მატჩი ითამაშა, ანტუან გრიზმანი (308) პირველია.

* არც ერთ ესპანურ გუნდს არ გაუტანია ყველა შეჯიბრებაში ამ სეზონში იმდენი თავური, რამდენიც “რეალს” - 15.

* იმ ფეხბურთელთა შორის, რომელთაც 21-ე საუკუნეში ლა ლიგაში ყველა პენალტი გატანილი აქვთ, პირველი კრისტიან სტუანია (ჟირონა) - 13/13.

* “ჟირონა” ამ სეზონში ერთადერთია, რომელმაც ქულები აიღო, როგორც “კამპ ნოუზე” (1), ისე “სანტიაგო ბერნაბეუზე” (3).

* ევროპის ტოპ-5 ლიგებში ყველაზე მეტი 0:0 “ვალენსიამ” ითამაშა - 5.

* სანტი კასორლამ “ვილიარეალის” ფეხბურთელებში ყველაზე მეტ გოლში მიიღო უშუალო მონაწილეობა - 8 (3 გოლი, 5 პასი).

ეიბარი-ხეტაფე 2:2
გოლები: 0:1 მატა (37), 0:2 ფულკიე (52), 1:2 შარლესი (67-პენ), 2:2 შარლესი (80)

სელტა-ლევანტე 1:4
გოლები: 0:1 მორალესი (20), 0:2 კოკე (40), 0:3 მორალესი (62), 1:3 ბ. მენდესი (88-პენ), 1:4 მაიორალი (89)
გაძევება: ბუდებუზი (49. სელტა)

ვალეკანო-ატლეტიკო 0:1
გოლი: გრიზმანი (74)



სოსიედადი-ლეგანესი 3:0
გოლები: 1:0 ოიარზაბალი (50), 2:0 ოიარზაბალი (59), 3:0 ვილიან ჟოზე 75)

ბარსელონა-ვალიადოლ. 1:0
გოლი: 1:0 მესი (43-პენ)



რეალი-ჟირონა 1:2
გოლები: 1:0 კაზემირო (25), 1:1 სტუანი (65-პენ), 1:2 პორტუ (75)
გაძევება: სერხიო რამოსი (90)

ვალენსია-ესპანიოლი 0:0

ვილიარეალი-სევილია 3:0
გოლები: 1:0 ალვარო (20), 2:0 ეკამბი (45), 3:0 ალფონსო (86)

ბეტისი-ალავესი 1:1
გოლები: 1:0 ლო სელსო (15), 1:1 მარიპანი (28)

ორშაბათი. 18 თებერვალი
უესკა-ბილბაო 23:59

1. ბარსელონა 24 16 6 2 61:23 54
2. ატლეტიკო 24 13 8 3 34:17 47
3. რეალი 24 14 3 7 41:29 45
4. სევილია 24 10 7 7 38:28 37
5. ხეტაფე 24 9 9 6 30:21 36
6. ალავესი 24 10 6 8 25:28 36
7. სოსიედადი 24 9 7 8 30:25 34
8. ბეტისი 24 9 6 9 27:30 33
9. ვალენსია 24 6 14 4 24:20 32
10. ეიბარი 24 7 10 7 33:34 31
11. ლევანტე 24 8 6 10 36:43 30
12. ლეგანესი 24 7 8 9 25:30 29
13. ესპანიოლი 24 8 5 11 27:37 29
14. ბილბაო 23 5 12 6 23:28 27
15. ჟირონა 24 6 9 9 25:34 27
16. ვალიადოლ. 24 6 8 10 19:29 26
17. სელტა 24 6 6 12 36:43 24
18. ვილიარეალი 24 4 11 9 26:31 23

ბომბარდირები: 22 - ლიონელ მესი (ბარსელონა); 15 - ლუის სუარესი (ბარსელონა); 13 - კრისტიან სტუანი (ჟირონა); 12 - ანტუან გრიზმანი (ატლეტიკო), შარლესი (ეიბარი); 11 - ვისამ ბენ იედერი (სევილია).

მომდევნო ტური
22 თებერვალი: ესპანიოლი-უესკა
23 თებერვალი: ხეტაფე-რაიო ვალეკანო, სევილია-ბარსელონა, ალავესი-სელტა, ბილბაო-ეიბარი
24 თებერვალი: ლეგანესი-ვალენსია, ატლეტიკო-ვილიარეალი, ვალიადოლიდი-ბეტისი, ლევანტე-რეალი
25 თებერვალი: ჟირონა- სოსიედადი

ყოველდღიური სპორტული გაზეთი "ლელო"
614
მკითხველის კომენტარები / 0 /
მსგავსი ამბები
რუბრიკის სხვა სიახლეები
;