ლა ლიგა. XXIX ტურის მიმოხილვა: 'ყველას ვურჩევ, სანამ ეს შესაძლებელია, ისიამოვნეთ მესის თამაშით' - ესპანიოლის მწვრთნელი [VIDEO]

ზინედინ ზიდანს ძალიან გაუჭირდა აუტსაიდერ “უესკასთან”, რომ არა ქარიმ ბენზემა, ფრანგი სპეციალისტი დაბრუნების შემდეგ პირველ ქულებს დაკარგავდა - ხუთგოლიანი თრილერი “სამეფო კლუბმა” 3:2 მოიგო და მეორე ადგილისთვის ბრძოლას აგრძელებს...

ლიონელ მესის ვერავინ აჩერებს - მან მეორე ტაიმში ძალზე მოსაწყენი ბარსელონური დერბი გამოაცოცხლა და პირადად მოიგო “ბარსელონასთვის”. არგენტინელმა ჯერ პანენკას სტილში შეასრულა საჯარიმო, რომელიც რიკოშეტის დახმარებით “ესპანიოლის” კარში აღმოჩნდა. მალე ლეომ სეზონში გოლების რაოდენობა 31-მდე გაზარდა. ჩემპიონატის დასრულებამდე 9 ტურით ადრე ერნესტო ვალვერდეს გუნდი 10 ქულით უსწრებს “ატლეტიკოს”.

31 წლის ფეხბურთელმა, რომელსაც დებიუტი ლა ლიგაში 2004 წელს ჰქონდა, 334 გამარჯვება მიითვალა და ყველა დროის ლიდერ იკერ კასილიასს დაეწია.

ერნესტო ვალვერდე (ბარსელონა): “სამი წლის წინათ ამავე დროს “ბარსელონას” 8 ქულით მეტი ჰქონდა და 12-ით მეტი “რეალს”.

ოთხი ტურის შემდეგ, “ატლეტიკო” “ბარსას” დაეწია, “რეალი” კი მხოლოდ ქულით ჩამორჩებოდა. ასეთი რამ ფეხბურთში ყოველთვის შეიძლება მოხდეს. მეტოქე ძალიან კარგად იცავდა თავს, არ იყო საჭირო სივრცეები შესატევად. ახლა დაძაბული გრაფიკი გველის, შესაძლოა, ზოგიერთების დასვენებამაც მოგვიწიოს. მათ შორის ლეოსიც”.

რუბი (ესპანიოლი): “ყველას ვურჩევ, სანამ ეს შესაძლებელია, ისიამოვნეთ მესის თამაშით. ბედნიერი ვიყავი, რომ მქონდა სიამოვნება, გარკვეული ხნის განმავლობაში მისი მწვრთნელი ვყოფილიყავი. მესი უნიკალურია, როცა არ თამაშობს, ეს ყველაზე კარგად მაშინ ჩანს”.

ბრძოლა გამძაფრდა ჩემპიონთა ლიგის მე-4 საგზურისთვის. ამ ბრძოლაში უზარმაზარი ნაბიჯი გადადგა “ვალენსიამ” - “ღამურებმა” “სანჩეს პისხუანზე” უშუალო კონკურენტ “სევილიას” დანი პარეხოს პენალტის წყალობით მოუგეს. ამ ტურში მარცხი განიცადეს “ვალენსიას” კონკურენტებმა “ხეტაფემ” და “ალავესმა”. ასე რომ, “ვალენსია” უკვე მე-6 ადგილზეა და ლიგის საგზურს მხოლოდ 3 ქულა აშორებს. მომდევნო ტურში “ვალენსია” “მესტალიაზე” “სამეფო კლუბს” ელის.

ტურის ფაქტები

* გაისკა გარიტანოს “ბილბაოს” მწვრთნელებში საუკეთესო სტარტი აქვს 1970 წლის მერე - 14 მატჩში 26 ქულა.

* კრისტიან სტუანი (ჟირონა) 6 თავური გოლით მე-2 ადგილზეა ევროპის ტოპ-5 კლუბებში ლეონარდო პავოლეტის (7) შემდეგ.

* გვიდო კარილიომ (ლეგანესი) ლა ლიგაში ზედიზედ მეორე პენალტი ვერ გამოიყენა.

* “ლეგანესმა” პრიმერაში პირველად მოიგო სამხრეთმადრიდული დერბი.

* ლიონელ მესიმ (ბარსელონა) “ესპანიოლის” კარში ყველაზე მეტი გოლი გაიტანა საჯარიმო დარტყმით - 6.
* ლიონელ მესის ლა ლიგაში 334 მოგება აქვს, რამდენიც რეკორდსმენ იკერ კასილიასს.

* ამ სეზონში მესიმ 49 ცდიდან 6 საჯარიმო გაიტანა, კრიშტიანო რონალდომ - 23-დან არც ერთი.

* 2016 წლის მერე პირველად “ვილიარეალმა” ლა ლიგაში პირველ 15 წუთში ორი გოლი გაიტანა.

* იაგო ასპასი (სელტა) პირველი ფეხბურთელია ამ სეზონში, რომელმაც შეძლო გოლების გატანა, როგორც მარჯვენა, ისე მარცხენა ფეხით, თავით, პენალტითა და საჯარიმო დარტყმით.

* საულ ნიგესმა (ატლეტიკო) ლა ლიგის ბოლო 5 ტურში სამი გოლი გაიტანა.

* ანტუან გრიზმანი (ატლეტიკო) ლა ლიგაში მეოთხეა, ვინც ამ სეზონში 10 და მეტი გოლი და საგოლე პასი მიითვალა. ლიონელ მესის, ლუის სუარესისა და პაბლო სარაბიას შემდეგ - 18 გოლი და 10 საგოლე პასი.

* “ატლეტიკოს” ამ სხვაობით სეზონში აქამდე არ მოუგია.

* ხოსე ლუის მორალესმა (ლევანტე) “ეიბართან” 8 მატჩში 8 გოლში მიიღო უშუალო მონაწილეობა (5 გოლი, 3 საგოლე პასი).

* გასულ და ახლანდელ სეზონებში ყველაზე მეტი პენალტი დანიელ პარეხომ (ვალენსია) გაიტანა - 10 (10-დან).

* ისკო ალარკონს (რეალი) ზიდანის დაბრუნების შემდეგ 2 მატჩში 2 გოლი აქვს გატანილი, მაშინ, როცა წინა 16 მატჩში მხოლოდ 1 გოლი გაიტანა.

* ჩაბიერ ეჩეიტამ (უესკა) ლა ლიგაში მე-8 გოლი გაიტანა სტანდარტული მდგომარეობის შემდეგ, აქედან 5 თავით.

ჟირონა-ბილბაო 1:2
გოლები: 1:0 სტუანი (37), 1:1 ვილიამსი (53), 1:2 რაულ გარსია (59)

ხეტაფე-ლეგანესი 0:2
გოლები: 0:1 სანტოსი (49), 0:2 ხუანფრანი (83)
გამოუყენებელი პენალტი: კარილიო (18. ლეგანესი)

ბარსელონა-ესპანიოლი 2:0
გოლები: 1:0 მესი (71), 2:0 მესი (89)

სელტა-ვილიარეალი 3:2
გოლები: 0:1 ეკამბი (11), 0:2 ალფონსო (15), 1:2 ასპასი (50), 2:2 მ. გომესი (71), 3:2 ასპასი (86-პენ)

ალავესი-ატლეტიკო 0:4
გოლები: 0:1 საულ ნიგესი (5), 0:2 დიეგო კოშტა (11), 0:3 მორატა (59), 0:4 თომასი (84)

ლევანტე-ეიბარი 2:2
გოლები: 1:0 მორალესი (5), 1:1 ესკალანტე (19), 2:1 როჩინა (26), 2:2 ენრიჩი (78)

ვალეკანო-ბეტისი 1:1
გოლები: 1:0 დე ტომასი (34), 1:1 ტელიო (81)
გაძევება: დი სანტო (95. რაიო ვალეკანო)

სევილია-ვალენსია 0:1
გოლი: 0:1 პარეხო (45+1-პენ)

ვალიადოლიდი-სოსიედადი 1:1
გოლები: 1:0 კეკო (9), 1:1 ოიარზაბალი (79)

რეალი-უესკა 3:2
გოლები: 0:1 კუჩო ერნანდესი (3), 1:1 ისკო (25), 2:1 სებალიოსი (62), 2:2 ეჩეიტა (74), 3:2 ბენზემა (89)

1. ბარსელონა 29 21 6 2 75:27 69
2. ატლეტიკო 29 17 8 4 43:19  59
3. რეალი 29 18 3 8 52:34 57
4. ხეტაფე 29 12 10 7 36:26 46
5. ალავესი 29 12 8 9 31:35 44
6. ვალენსია 29 9 16 4 31:23 43
7. სევილია 29 12 7 10 47:37 43
8. ბილბაო 29 9 13 7 30:32 40
9. ბეტისი 29 11 7 11 33:37 40
10. სოსიედადი 29 9 10 10 34:34 37
11. ეიბარი 29 8 12 9 38:40 36
12. ლეგანესი 29 9 9 11 29:34 36
13. ჟირონა 29 8 10 11 32:39 34
14. ესპანიოლი 29 9 7 13 32:43 34
15. ლევანტე 29 8 8 13 40:51 32
16. ვალიადოლ. 29 7 9 13 24:40 30
17. ვილიარეალი 29 6 11 12 34:39 29
18. სელტა 29 7 7 15 39:49 28
19. ვალეკანო 29 6 6 17 31:52 24
20. უესკა 29 5 7 17 30:50 22

ბომბარდირები: 31 - მესი (ბარსელონა); 18 - ლ. სუარესი (ბარსელონა); 17 - სტუანი (ჟირონა); 16 - ბენ იედერი (სევილია); 14 - ბენზემა (რეალი); 13 - მატა (ხეტაფე).

მომდევნო ტური
2 აპრილი: ატლეტიკო-ჟირონა, ესპანიოლი-ხეტაფე, ვილიარეალი-ბარსელონა
3 აპრილი: ბილბაო-ლევანტე, ეიბარი-რაიო ვალეკანო, უესკა-სელტა, ვალენსია-რეალი
4 აპრილი: სევილია-ალავესი, ლეგანესი-ვალიადოლიდი, რეალ სოსიედადი-ბეტისი

ყოველდღიური სპორტული გაზეთი "ლელო"
1066
მკითხველის კომენტარები / 0 /
მსგავსი ამბები
რუბრიკის სხვა სიახლეები
;