ლა ლიგა. XXVI ტურის მიმოხილვა: ყველაფერი თავის ადგილზე დგება, 'რეალში' კი პრობლემები არ ილევა [VIDEO]

... და რაც ყველაზე მთავარია, კატალონიური კლუბი უკვე სახალხოდ იბრიყვებს “რეალს”, გადაასწრო მას კლასიკოებში მოგებების რაოდენობით და “ბერნაბეუზე” მოგება, თითქოს, გარანტირებული აქვს. რაც შეეხება თამაშს, ისეთი კლასიკო არ გამოვიდა, როგორიც ოთხშაბათს, თუმცა ივან რაკიტიჩის გოლით მოგებული თამაში “ბარსასთვის” გაცილებით ლოგიკური იყო, ვიდრე 3:0 შუა კვირაში.

“რეალს” უჭირს შუაში, სადაც გერმანელი ტონი კროოსი საკუთარი თავის აჩრდილია, ეს კი გუნდის თამაშის სტილშიც ვლინდება. ამას წინათ ბერნდ შუსტერმა გერმანელი გააკრიტიკა, კროოსმა კი, არ ვიცი ეგ ვინ არისო... საშინელ ფორმაშია კლუბის რეკორდული შენაძენი გარეთ ბეილი, რაც კრიშტიანო წავიდა, ბეილი საშუალო მოთამაშედ იქცა.

პრობლემას ქმნის ბრაზილიელი კაზემიროც, მის გამო ლუკა მოდრიჩს მეტი დაცვითი ფუნქციის საკუთარ თავზე აღება უწევს, ეს კი “რეალის” შემტევ პოტენციალს აკლებს. მარსელო და დანი სებალიოსი, სულ უფრო უკანა პლანზე გადადიან სოლარის როტაციაში, სადაც მარიანო დიასის ადგილი საერთოდ აღარ რჩება.

ცალკე აღნიშვნის ღირსია ინციდენტი კაპიტნებს შორის, რომელიც პირველ ტაიმში მოხდა, სერხიო რამოსმა მატჩის შემდეგ თქვა, რომ შემთხვევით მოუხვდა ხელი, მესიმ კი ეს ცუდად მიიღოო.

სანტიაგო სოლარი (“რეალის” მწვრთნელი): “ჩვენ ყველანაირად ვეცადეთ გოლის გატანას. არ გავჩერებულვართ და გუნდურად თამაშს ბოლომდე ვაგრძელებდით, არ დავნებდით. ვფიქრობ, ყველაფერი გავაკეთეთ სწორად, უბრალოდ გოლები ვერ გაგვაქვს. ლა ლიგაში უკვე დიდი ჩამორჩენა გვაქვს, მაგრამ ჩვენ ბოლომდე ვიბრძოლებთ, რადგან სხვანაირად არ შეგვიძლია”.

ერნესტო ვალვერდე (“ბარსელონას” მწვრთნელი):
“რეალს” მაინც ვერ ჩამოვწერთ, რადგან მას შეუძლია ზედიზედ გამარჯვებების მოპოვება. და კიდევ არის “ატლეტიკო”, ასე რომ, აბსურდია იმის თქმა, თითქოს, საჩემპიონო ბრძოლა დასრულებულია. გასულ წელს უფრო დიდი სხვაობით ვუსწრებდით “რეალს”, მაგრამ გუნდმა შეძლო ჩემპიონთა ლიგის მოგება”.

ტურის ფაქტები

* ამ სეზონში სულ 4 კლასიკო გაიმართა, რომელთაგანაც “ბარსელონამ” 3 მოიგო (ორი დიდი ანგარიშით) და 1 ფრედ ითამაშა.

* ლეო ბეენჰაკერის შემდეგ (1987) სანტიაგო სოლარი “რეალის” პირველი მწვრთნელია, რომელმაც პირველ სამ კლასიკოში ვერ შეძლო გამარჯვება.

* 2003/04 წლების სეზონიდან მოყოლებული, კლასიკოებში სერხი რობერტოზე მეტი საგოლე პასი მხოლოდ ლეო მესის აქვს - 6 9-ის წინააღმდეგ.

* “ბარსელონამ” ზედიზედ 23-ე კლასიკოში გაიტანა გოლი.

* სერხიო ბუსკეტზე 1 წუთისა და 29 წამის მერე გააფრთხილეს, ეს ყველაზე ადრეული ყვითელი ბარათია კლასიკოებში 2005/06 წლების სეზონის შემდეგ.

* “ბარსელონა” პირველი გუნდია, ვინც “რეალს” ლა ლიგაში ზედიზედ 4 თამაში მოუგო სტუმრად.

* “რეალმა” ოფიციალურ თამაშებში პირველად წააგო ერთსა და იმავე გუნდთან შინ ზედიზედ 3-ჯერ.

* “სანტიაგო ბერნაბეუ” ერთადერთი სტადიონია, სადაც ლა ლიგის მატჩში “ბარსელონამ” ზედიზედ სამი თამაში მოიგო.

ვალეკანო-ჟირონა 0:2
გოლები: 0:1 სტუანი (30), 0:2 სტუანი (85)
გაძევება: ბა (60. რაიო ვალეკანო)

ესპანიოლი-ვალიადოლ. 3:1
გოლები: 1:0 ბ. იგლესიასი (1), 1:1 ალკარასი (17), 2:1 ერმოსო (55), 3:1 ვუ ლეი (65)
გამოუყენებელი პენალტი: გვარდიოლა (45+2. ვალიადოლიდი)

ვილიარეალი-ალავესი 1:2
გოლები: 0:1 მარიპანი (54), 1:1 კასორლა (61-პენ), 1:2 ინუი (77)

უესკა-სევილია 2:1
გოლები: 1:0 ხუანპი (7), 1:1 ბენ იედერი (84-პენ), 2:1 ავილია (98)

რეალი-ბარსელონა 0:1
გოლი: 0:1 რაკიტიჩი (26)

ეიბარი-სელტა 1:0
გოლი: 1:0 ენრიჩი (87)
გამოუყენებელი პენალტი: შარლესი (67. ეიბარი)

ბეტისი-ხეტაფე 1:2
გოლები: 0:1 კაბრერა (20), 0:2 მატა (44), 1:2 ხოაკინი (75)

სოსიედადი-ატლეტიკო 0:2
გოლები: 0:1 მორატა (30), 0:2 მორატა (33)
გაძევება: კოკე (62)

ვალენსია-ბილბაო 2:0
გოლები: 1:0 როდრიგო (49), 2:0 გამეირო (89)

ორშაბათი, 4 მარტი
ლეგანესი-ლევანტე 23:59

1. ბარსელონა 26 18 6 2 66:25:00 60
2. ატლეტიკო 26 15 8 3 38:17:00 53
3. რეალი 26 15 3 8 43:31:00 48
4. ხეტაფე 26 11 9 6 34:23:00 42
5. ალავესი 26 11 7 8 27:29:00 40
6. სევილია 26 10 7 9 41:34:00 37
7. ვალენსია 26 7 15 4 27:21:00 36
8. ბეტისი 26 10 6 10 30:32:00 36
9. სოსიედადი 26 9 8 9 30:27:00 35
10. ეიბარი 26 8 10 8 34:35:00 34
11. ბილბაო 26 7 12 7 25:30:00 33
12. ესპანიოლი 26 9 6 11 31:39:00 33
13. ჟირონა 26 7 10 9 27:34:00 31
14. ლეგანესი 25 7 9 9 26:31:00 30
15. ლევანტე 25 8 6 11 37:45:00 30
16. ვალიადოლ. 26 6 8 12 20:34 26
17. სელტა 26 6 7 13 36:44:00 25
18. ვილიარეალი 26 4 11 11 27:35:00 23
19. ვალეკანო 26 6 5 15 28:45:00 23
20. უესკა 26 5 7 14 26:42:00 22

ბომბარდირები: 25 - ლიონელ მესი (ბარსელონა); 16 - ლუის სუარესი (ბარსელონა); 15 - კრისტიან სტუანი (ჟირონა); 12 - ანტუან გრიზმანი (ატლეტიკო), ვისამ ბენ იედერი (სევილია), შარლესი (ეიბარი).

მომდევნო ტური
8 მარტი: ბილბაო-ესპანიოლი
9 მარტი: ალავესი-ეიბარი, ატლეტიკო-ლეგანესი, ბარსელონა-რაიო ვალეკანო, ხეტაფე-უესკა
10 მარტი: სელტა-ბეტისი, ჟირონა-ვალენსია, ლევანტე-ვილიარეალი, სევილია-რეალ სოსიედადი, ვალიადოლიდი-რეალი

535
მკითხველის კომენტარები / 0 /
მსგავსი ამბები
რუბრიკის სხვა სიახლეები
;