ლა ლიგა. XXVII ტურის მიმოხილვა: 'ხეტაფე' სასწაულის მიღმა, ბარსა - ტრადიციულად [VIDEO]

ლა ლიგის 27-ე ტურში სამივე ლიდერმა იმარჯვა. მოიგო ლიგის ბოლო საგზურისთვის მებრძოლმა “ხეტაფემაც” და პოზიციები გაიძლიერა, თუმცა მე-4 ადგილისთვის მთავარი ბრძოლები ჯერ წინაა, რომელშიც, სულ მცირე, 5 კლუბი მიიღებს მონაწილეობას...

“ბარსელონას” “ლიონთან” თამაში ელის, ამიტომაც ერნესტო ვალვერდე როტაციას არ გამორიცხავდა “რაიო ვალეკანოსთან” თამაშის წინ, მაგრამ იქვე აკონკრეტებდა, ალბათ, ორი მოთამაშე თუ შეიცვლებაო. ამ სიფრთხილის მიუხედავად, “ბარსა” რაულ დე ტომასის შესანიშნავი გოლის “წყალობით”, “კამპ ნოუზე” მარცხდებოდა, როცა ლეო მესიმ საგოლე პასი და გოლი (პენალტით) მიითვალა და თამაში შემოატრიალა.

ასე რომ, სხვაობა “ბარსასა” და “იუვენტუსთან” დუელის წინ მადრიდულ დერბიში მოთამაშე “ატლეტიკოს” შორის ისევ 7 ქულაა. დერბიში საულ ნიგესმა პენალტი კი ვერ გაიტანა, მაგრამ დამატებაზე შეაგდო და “ვანდა მეტროპოლიტანომაც” შვებით ამოისუნთქა. ამის შემდეგ დიეგო სიმეონეს გუნდს საყვარელი 1:0-ის შენარჩუნება სულაც არ გასჭირვებია.

“ხეტაფეს” სასწაული გრძელდება - ხაიმე მატა შესანიშნავ ფორმაშია, მისი წყალობით მადრიდელებმა აუტსაიდერ “უესკასთან” თამაში შემოატრიალეს. “ხეტაფე” მყარად იკავებს სალიგო, მე-4 ადგილს.

“სევილიამ” 5 გოლი გაიტანა (ჰეთ თრიკი შეასრულა ვისამ ბენ იედერმა), ხოლო “რეალმა” - 4 (დუბლი ქარიმ ბენზემას ანგარიშზეა).

ფაქტები

* 2019 წელს ლა ლიგაში ხაიმე მატაზე (ხეტაფე) მეტი გოლი (10) მხოლოდ ლიონელ მესის აქვს გატანილი - 11.

* ერთ მატჩში გაიტანეს სეგუნდა დივიზიონის შარშანდელმა ბომბარდირმა (35) ხაიმე მატამ და ენრიკ გალიეგომ (15), ამჟამინდელმა ლიდერმა ბომბარდირთა დავაში.

* ევროპის ტოპ-5 ლიგებში “ბარსელონამ” ყველაზე მეტი ქულა მოიპოვა, მას მერე, რაც აგებდა - 20.

* ლიონელ მესი (ბარსელონა) ევროპის ტოპ-5 ლიგებში პირველ ადგილზეა, როგორც გოლებით (26), ისე - საგოლე პასებით (12).

* შაბათ დღეს ლიონელ მესიმ “ბარსელონას” მაისურით მე-200 გოლი გაიტანა ლა ლიგაში (სულ 409).

* ჟერარდ პიკემ (ბარსელონა) ამ სეზონში 3 გოლი გაიტანა თავით, რაც ლა ლიგის მცველებში საუკეთესო შედეგია.

* ლიონელ მესიმ ანდრეს ინიესტას გადაუსწრო “ბარსელონას” მაისურით ლა ლიგაში თამაშების რაოდენობით - 443 (ინიესტა - 442). წინ მხოლოდ ჩავია - 505.

* ამ სეზონში ევროპის ტოპ-5 ლიგებში ყველაზე მეტჯერ კარი მშრალად “ატლეტიკომ” შეინახა - 10.

* “ლეგანესის” მეკარე ანდრი ლუნინმა ლა ლიგის ამ სეზონში ორიდან ორი პენალტი მოიგერია.

* “ალავესს” ლა ლიგაში შინ “ეიბარისთვის” ჯერ არ მოუგია - 2 ფრე, 1 წაგება.

* ტაკაში ინუიმ (ალავესი) ზედიზედ ორ ტურში 2017 წლის მერე პირველად გაიტანა.

* ლა ლიგის ფეხბურთელებს შორის (ყველა შეჯიბრებაში) ყველაზე მეტი გოლი ამ სეზონში გატანილი აქვთ: ლიონელ მესის (34), ვისამ ბენ იედერს (26) და ქარიმ ბენზემას (22).

* “ვილიარეალი” პირველი გუნდია, რომელმაც ამ სეზონში მსაჯის მიერ კომპენსირებულ დროში ორი გოლი გაიტანა.

* ხერონიმო რულის (რეალ სოსიედადი) მხოლოდ ერთმა ფეხბურთელმა გაუტანა ორი ჰეთ თრიკი - ბენ იედერმა.

* პაბლო სარაბიამ (სევილია) ამ სეზონში უკვე 9 გოლი გაიტანა, რაც მის კარიერაში საუკეთესო მაჩვენებელია.

* კრისტიან სტუანის (ჟირონა) მაჩვენებლები პენალტის ნიშნულიდან ლა ლიგაში - 15/15.

* ხესემ (ბეტისი) ლა ლიგაში პირველი გოლი გაიტანა 2017 წლის აპრილის მერე.

ბილბაო-ესპანიოლი 1:1
გოლები: 0:1 ფ. ფერეირა (9), 1:1 რაულ გარსია (80)

ალავესი-ეიბარი 1:1
გოლები: 1:0 ინუი (58), 1:1 კარდონა (71)

ატლეტიკო-ლეგანესი 1:0
გოლი: 1:0 საულ ნიგესი (50)
გამოუყენებელი პენალტი: საულ ნიგესი (50)

ბარსელონა-ვალეკანო 3:1
გოლები: 0:1 დე ტომასი (24), 1:1 პიკე (38), 2:1 მესი (51-პენ), 3:1 ლ. სუარესი (82)

ხეტაფე-უესკა 2:1
გოლები: 0:1 ენრიკ გალიეგო (35), 1:1 მატა (50), 2:1 მატა (77-პენ)

სელტა-ბეტისი 0:1
გოლი: 0:1 ხესე (80)

ჟირონა-ვალენსია 2:3
გოლები: 0:1 გედეში (14), 1:1 რამალიო (22), 1:2 პარეხო (53), 2:2 სტუანი (83-პენ), 2:3 ფ. ტორესი (90)
გაძევება: რონკალია (72)

ლევანტე-ვილიარეალი 0:2
გოლები: 0:1 რობერი (93-საკ. კარში), 0:2 ჩუკვუეზე (96)

სევილია-სოსიედადი 5:2
გოლები: 1:0 სარაბია (25), 1:1 ოიარზაბალი (28), 2:1 ბენ იედერი (48), 3:1 ბენ იედერი (58), 4:1 ბენ იედერი (61), 5:1 ოიარზაბალი (69-საკ. კარში), 5:2 ოიარზაბალი (77-პენ)

ვალიადოლიდი-რეალი 1:4
გოლები: 1:0 ტუჰამი (29), 1:1 ვარანი (34), 1:2 ბენზემა (51-პენ), 1:3 ბენზემა (59), 1:4 მოდრიჩი (85)
გაძევება: კაზემირო (80)
გამოუყენებელი პენალტი: ალკარასი (12. ვალიადოლიდი)

1. ბარსელონა 27 19 6 2 69:26 63
2. ატლეტიკო 27 16 8 3 39:17 56
3. რეალი 27 16 3 8 47:32 51
4. ხეტაფე 27 12 9 6 36:24 45
5. ალავესი 27 11 8 8 28:30 41
6. სევილია 27 11 7 9 46:36 40
7. ვალენსია 27 8 15 4 30:23 39
8. ბეტისი 27 11 6 10 31:32 39
9. სოსიედადი 27 9 8 10 32:32 35
10. ეიბარი 27 8 11 8 35:36 35
11. ესპანიოლი 27 9 7 11 32:40 34
12. ბილბაო 27 7 13 7 26:31 34
13. ლეგანესი 27 8 9 10 27:32 33
14. ჟირონა 27 7 10 10 29:37 31
15. ლევანტე 27 8 6 13 37:48 30
16. ვალიადოლ. 27 6 8 13 21:38 26
17. ვილიარეალი 27 5 11 11 29:35 26
18. სელტა 27 6 7 14 36:45 25
19. ვალეკანო 27 6 5 16 29:48 23
20. უესკა 27 5 7 15 27:44 22

ბომბარდირები: 26 - ლიონელ მესი (ბარსელონა); 17 - ლუის სუარესი (ბარსელონა); 16 - კრისტიან სტუანი (ჟირონა); 15 - ვისამ ბენ იედერი (სევილია); 13 - ხაიმე მატა (ხეტაფე), ქარიმ ბენზემა (რეალი).

მომდევნო ტური
15 მარტი: რეალ სოსიედადი-ლევანტე
16 მარტი: უესკა-ალავესი, რეალი-სელტა, ბილბაო-ატლეტიკო, ლეგანესი-ჟირონა
17 მარტი: ეიბარი-ვალიადოლიდი, ესპანიოლი-სევილია, ვალენსია-ხეტაფე, ვილიარეალი-რაიო ვალეკანო, ბეტისი-ბარსელონა.

ყოველდღიური სპორტული გაზეთი "ლელო"
848
მკითხველის კომენტარები / 0 /
მსგავსი ამბები
რუბრიკის სხვა სიახლეები
;