ლა ლიგა. XXVIII ტურის მიმოხილვა: ზიზუ სახლში - 'რეალიც', 'ბარსას' გასეირნება [VIDEO]

ზიდანის ხელმძღვანელობით “რეალმა” ბოლოს “სელტას” წინააღმდეგ ითამაშა, მაშინ “სამეფო კლუბმა” 6:0 მოიგო. მართალია, ამჯერად, მხოლოდ 2:0 იყო, მაგრამ ჩვენ ვიხილეთ ძველი, ზიდანის “რეალი”.

ფრანგი სპეციალისტი იმ კატეგორიის არ არის, ვერ გაბედოს და ის არ გააკეთოს, რაც სურს - მან პირველივე თამაშში დააბრუნა მივიწყებული ისკო, სასტარტოში დაწინაურდა ისევ მარსელო. მეტიც, ზიდანი არც კურტუას სკამზე დასმას მოერიდა, კარში კი კეილორ ნავასი ჩააყენა. გარეთ ბეილმაც თავიდან ითამაშა და ის ბრწყინვალე იყო, მეორე გოლი მის ანგარიშზეა, პირველი კი სწორედ ისკომ გაიტანა.

ზინედი ზიდანი (რეალი): “ვერავინ ვერ წაშლის იმას, რაც ამ ფეხბურთელებს “რეალისთვის” უკეთებიათ. მე გუნდში 23-25 ფეხბურთელი მყავს და ყველას იმედი მაქვს. ტიბო კურტუა და სერხიო რეგილონიც კარგად თამაშობენ, როგორც სხვები. მაგრამ ამავე დროს, კეილორ ნავასი დიდებულია, მარსელოცა და ისკოც. არ შეიძლება ამ ბიჭების იმედი არ მქონდეს, ისინი ხომ კარგი მოთამაშეები არიან. ყველაზე მეტად ის მიხარია, რომ ამ თამაშში 20-მდე ჩაწოდება განვახორციელეთ, ერთი კი გოლითაც დავასრულეთ.

ყველამ იცის, რომ მე მიყვარს ისეთი მოთამაშეები, რომლებიც კარგ ფეხბურთს თამაშობენ. ყველამ იცის, რომ როცა ბურთი არ გვაქვს, უნდა სწრაფად მოვიპოვოთ ის. კეილორამ, ისკომ, მარსელომ და ასენსიომ დღეს აჩვენეს, რომ ძალიან კარგი ფეხბურთელები არიან, არადა, ცოტას თამაშობდნენ. ტიბო თუ კეილორი? ჩვენ ლუკაც გვყავს. რა თქმა უნდა, ამ სეზონში კურტუაც ითამაშებს, მერე კი ვნახოთ. ზაფხულში ცვლილებები აუცილებლად იქნება, როგორი? ჯერ ვერ გეტყვით”.

“ატლეტიკოს” კი, როგორც ჩანს, კრიშტიანო რონალდოს ჰეთ თრიკი მწარედ მოხვდა წელს ქვემოთ - მადრიდული გუნდი ბილბაოში ჩავიდა და უსახელოდ წააგო. ამით კი ზიდანმა დიეგო სიმეონეს გუნდთან ორ ქულამდე შეამცირა ჩამორჩენა.

დიეგო სიმეონე (ატლეტიკო): “ეს არ არის ყველაზე მძიმე კვირა, რაც “ატლეტიკოში” ვარ. ყველაზე ცუდი იყო ის კვირა, როცა ჩემპიონთა ლიგის ფინალი მილანში პენალტების სერიაში წავაგეთ. ახლა დაკვირვების, ყურებისა და გაზრდის დროა. ლა ლიგაში კარგი 7 თვე გვქონდა, ამიტომ ახლაც კარგ პოზიციაზე ვართ და ჩვენ ამის შენარჩუნებას შევეცდებით”.

ტურის ბოლო მატჩში ლეო მესიმ ფანტასტიკური თამაში აჩვენა, მორიგი ჰეთ თრიკი მიითვალა და “ბარსელონას” “ატლეტიკოსთან” 10-ქულიანი ჰანდიკაპი გაუნაღდა.

ტურის ფაქტები

* ლა ლიგაში “ატლეტიკოს” პირველ ტაიმებში პირველად არ დაურტყია კარში, რაც გუნდს დიეგო სიმეონე წვრთნის.

* “რეალს” უკვე 10-მატჩია, რაც “სელტასთან” არ წაუგია (9 მოგება, 1 ფრე).

* ისკოს ბოლო ორი გოლი ლა ლიგაში “სელტას” კარში აქვს გატანილი.

* ჩემპიონატი ბურთის ძელისთვის მორტყმაში: 17 - “ბარსელონა”; 15 - “რეალი”, “სევილია”.

* ხონათან კალერიმ (ალავესი) ლა ლიგაში პირველი დუბლი შეასრულა (62-ე მატჩში).

* “ბუტარკეზე” “ჟირონას” გამარჯვებამდე ამ სტადიონზე ლა ლიგაში არავის არ მოუგია 2018 წლის სექტემბრის შემდეგ.

* კენან კოდრომ (ბილბაო) ლა ლიგაში პირველი გოლი გაიტანა.

* ადნან იანუზაიმ (რეალ სოსიედადი) ლა ლიგაში სეზონის პირველი გოლი გაიტანა.

* ფაბიან ორელიანამ (ეიბარი) “ვალიადოლიდთან” 3 მატჩში 3 გოლში მიიღო უშუალო მონაწილეობა.

* ვისამ ბენ იედერმა (სევილია) გუნდის ბოლო 5 მატჩში შეძლო გატანა (7 გოლი).

* “ვალენსიამ” ამ სეზონში 6 მატჩი დაასრულა 0:0, ყველაზე მეტი ევროპის ტოპ-5 ლიგებში.

* ლეო მესიმ ამ სეზონში 4 საჯარიმო გაიტანა და 7 დარტყმა შორი მანძილიდან. ორივე ეს შედეგი საუკეთესოა ევროპის ტოპ-5 ლიგებში.

* ლუის სუარესი 128 გოლით გაუთანაბრდა დიეგო ფორლანს.

* 43.9% - ეს “ბარსას” ბურთის ფლობის პროცენტია “ბეტისთან” - ყველაზე დაბალი ლა ლიგაში 2004/05 წლების სეზონის შემდეგ.

* ლეო მესის ლა ლიგაში 33 ჰეთ თრიკი აქვს და ერთით ჩამორჩება კრიშტიანო რონალდოს.

სოსიედადი-ლევანტე 1:1
გოლები: 1:0 იანუზაი (26), 1:1 მაიორალი (79)

უესკა-ალავესი 1:3
გოლები: 0:1 კალერი (11-პენ), 1:1 ავილია (14-პენ), 1:2 გუიდეტი (80), 1:3 კალერი (86)

რეალი-სელტა 2:0
გოლები: 1:0 ისკო (62), 2:0 ბეილი (77)

ბილბაო-ატლეტიკო 2:0
გოლები: 1:0 ვილიამსი (73), 2:0 კოდრო (85)

ლეგანესი-ჟირონა 0:2
გოლები: 0:1 პორტუ (13), 0:2 პორტუ (22)

ეიბარი-ვალიადოლიდი 1:2
გოლები: 1:0 ორელიანა (54), 1:1 ვერდე (91-პენ), 1:2 ს. გვარდიოლა (93)

ესპანიოლი-სევილია 0:1
გოლი: 0:1 ბენ იედერი (53-პენ)
გაძევება: დარდერი (94. ესპანიოლი), სორიანო (94. სევილია)

ვალენსია-ხეტაფე 0:0

ვილიარეალი-ვალეკანო 3:1
გოლები: 0:1 მ. სუარესი (20), 1:1 ეკამბი (50), 2:1 ეკამბი (52), 3:1 მორენო (88)

ბეტისი-ბარსელონა 1:4
გოლები: 0:1 მესი (18), 0:2 მესი (45+2), 0:3 ლუის სუარესი (63), 1:3 ლორენი (82), 1:4 მესი (85)

1. ბარსელონა 28 20 6 2 73:27 66
2. ატლეტიკო 28 16 8 4 39:19 56
3. რეალი 28 17 3 8 49:32 54
4. ხეტაფე 28 12 10 6 36:24 46
5. ალავესი 28 12 8 8 31:31 44
6. სევილია 28 12 7 9 47:36 43
7. ვალენსია 28 8 16 4 30:23 40
8. ბეტისი 28 11 6 11 32:36 39
9. ბილბაო 28 8 13 7 28:31 37
10. სოსიედადი 28 9 9 10 33:33 36
11. ეიბარი 28 8 11 9 36:38 35
12. ჟირონა 28 8 10 10 31:37 34
13. ესპანიოლი 28 9 7 12 32:41 34
14. ლეგანესი 28 8 9 11 27:34 33
15. ლევანტე 28 8 7 13 38:49 31
16. ვალიადოლ. 28 7 8 13 23:39 29
17. ვილიარეალი 28 6 11 11 32:36 29
18. სელტა 28 6 7 15 36:47 25
19. ვალეკანო 28 6 5 17 30:51 23
20. უესკა 28 5 7 16 28:47 22

ბომბარდირები: 29 - მესი (ბარსელონა); 18 - ლ. სუარესი (ბარსელონა); 16 - ბენ იედერი (სევილია), სტუანი (ჟირონა); 13 - მატა (ხეტაფე), ბენზემა (რეალი).

მომდევნო ტური
29 მარტი: ჟირონა-ბილბაო
30 მარტი: ხეტაფე-ლეგანესი, ბარსელონა-ესპანიოლი, სელტა-ვილიარეალი, ალავესი-ატლეტიკო
31 მარტი: ლევანტე-ეიბარი, რაიო ვალეკანო-ბეტისი, სევილია-ვალენსია, ვალიადოლიდი-რეალ სოსიედადი, რეალი-უესკა.

ყოველდღიური სპორტული გაზეთი "ლელო"
649
მკითხველის კომენტარები / 0 /
მსგავსი ამბები
რუბრიკის სხვა სიახლეები
;