ლა ლიგა. XXXI ტურის წინათქმა: ერთადერთი, ვისაც ატლეტიკოსთან წაუგია... გაცოცხლდება ინტრიგა?

“კამპ ნოუზე” მოგება ადვილი სათქმელია, შესასრულებლად კი ძალიან ძნელი. მით უფრო, დიეგო სიმეონეს გუნდისთვის, რომელსაც აგერ უკვე 18 ვიზიტია, რაც ამ სტადიონზე არ გაუმარჯვია.

ეს გუნდები ერთმანეთს ბოლოს ნოემბერში “ვანდა მეტროპოლიტანოზე” შეხვდნენ. მაშინ გუნდები 1:1 დაზავდნენ. დიეგო კოშტამ მასპინძლები კი დააწინაურა, მაგრამ ბოლო წუთზე უსმან დემბელემ ლეო მესის პასით გაათანაბრა და გუნდი მარცხისგან იხსნა.

“ატლეტიკომ” “ბარსას” ბოლოს ზუსტად სამი წლის წინათ ჩემპიონთა ლიგაზე მოუგო, “კამპ ნოუზე” ბოლო მოგება კი 2006 წლით თარიღდება. მაშინ ფერნანდო ტორესის დუბლის წყალობით მადრიდელებმა კატალონიელებს 3:1 მოუგეს. მაშინ ვინც ითამაშა, იმათგან ახლა მხოლოდ ლეო მესი შემორჩა “ბარსას”, “ატლეტიკოს” კი - არავინ.

მასპინძლებს არ ეყოლებათ რაფინია, ალბათ, არც დემბელე და სილესენი, სტუმართა რიგებში გამორიცხულია “ბაიერნის” მოთამაშე ლუკა ერნანდესის თამაში. არ იქნება არც მისი თანამემამულე თომა ლემარი. ტრავმების გამო დააკლდებიან გუნდს დიეგო კოშტა და, დიდი ალბათობით, ალვარო მორატაც.

“რეალი”, რომელიც საჩემპიონო რბოლაში საბოლოოდ “მესტალიაზე” დამარცხდა, “ეიბარს” მასპინძლობს და “ატლეტიკოს” ფეხის დაცდენას დაელოდება. ზინედინ ზიდანი მიწაზე ვალენსიაში დაუშვეს. ძალზე დაიძაბა ბრძოლა ჩემპიონთა ლიგის ბოლო, მეოთხე საგზურისთვის. ამ საგზურისთვის “ვალენსია”, “სევილია”, “ხეტაფე”, “ალავესი”, “ბეტისი” და “ბილბაო” იბრძვიან. კანდიდატებს შორის “ღამურებისა” და ბასკების გამოჩენა ნამდვილი სასწაულის ტოლფასია, თუ ამ გუნდების მიერ პირველ წრეში ნაჩვენებ თამაშს გავითვალისწინებთ.

ფაქტები

* “ბარსელონას” ლა ლიგაში უკვე 18 მატჩია, რაც არ წაუგია.

* “ბარსელონას” ასევე ბოლო 18 მატჩია, რაც არ წაუგია შინ “ატლეტიკოსთან” ყველა შეჯიბრებაში.

* “ატლეტიკომ” ლა ლიგის ბოლო 7 ტურიდან 6-ში გოლი არ გაუშვა.

* “ბარსელონამ” კამპ ნოუზე ბოლო 11 მატჩიდან (ლა ლიგა) 10-ში 2 ან მეტი გოლი გაიტანა.

XXXI ტური

შაბათი, 6 აპრილი
ჟირონა-ესპანიოლი 15:00
რეალი-ეიბარი 18:15
რაიო ვალეკანო-ვალენსია 20:30
ბარსელონა-ატლეტიკო 22:45

კვირა, 7 აპრილი
ალავესი-ლეგანესი 14:00
ხეტაფე-ბილბაო 16:00
ვალიადოლიდი-სევილია 18:15
სელტა-სოსიედადი 20:30
ლევანტე-უესკა 20:30
ბეტისი-ვილიარეალი 22:45

1. ბარსელონა 30 21 7 2 79:31 70
2. ატლეტიკო 30 18 8 4 45:19  62
3. რეალი 30 18 3 9 53:36 57
4. ხეტაფე 30 12 11 7 37:27 47
5. სევილია 30 13 7 10 49:37 46
6. ვალენსია 30 10 16 4 33:24 46
7. ალავესი 30 12 8 10 31:37 44
8. ბილბაო 30 10 13 7 33:34 43
9. სოსიედადი 30 10 10 10 36:35 40
10. ბეტისი 30 11 7 12 34:39 40
11. ეიბარი 30 9 12 9 40:41 39
12. ლეგანესი 30 10 9 11 30:34 39
13. ესპანიოლი 30 9 8 13 33:44 35
14. ჟირონა 30 8 10 12 32:41 34
15. ლევანტე 30 8 8 14 42:54 32
16. ვალიადოლ. 30 7 9 14 24:41 30
17. ვილიარეალი 30 6 12 12 38:43 30
18. სელტა 30 7 8 15 42:52 29
19. ვალეკანო 30 6 6 18 32:54 24
20. უესკა 30 5 8 17 33:53  23

ბომბარდირები: 32 - მესი (ბარსელონა); 19 - სუარესი (ბარსელონა); 17 - სტუანი (ჟირონა); 16 - ბენ იედერი (სევილია); 15 - ბენზემა (რეალი).

ყოველდღიური სპორტული გაზეთი "ლელო"
424
მკითხველის კომენტარები / 0 /
მსგავსი ამბები
რუბრიკის სხვა სიახლეები
;