ლა ლიგა. XXXI ტური მიმოხილვა: უკომპრომისო სევილიური დერბი და 'ბარსელონას' ზავი

სეზონის დასრულებამდე 6 ტურით ადრე ლიდერი “ბარსელონა” “ატლეტიკოს” 9 ქულით უსწრებს. არა გვგონია, ეს საკმარისი იყოს საჩემპიონო ინტრიგისთვის.

უბრალოდ, ერნესტო ვალვერდეს გუნდისთვის ჩემპიონობის გაფორმება ერთი ტურით გადაივადებს, რადგან აუტსაიდერთან ფონს გასვლა დუბლიორებით დააპირა და ვერ შეძლო...

“უესკასთან” სათამაშოდ ერნესტო ვალვერდეს გუნდი სათადარიგო ფეხბურთელებისა და სარეზერვო გუნდის წევრების მიქსით გამოცხადდა. 4 ფეხბურთელს ლა ლიგაში დებიუტი ჰქონდა. მართალია, არაგონული გუნდი ბოლო ადგილზეა და დიდი ალბათობით, ელიტაში დარჩენა გაუჭირდება, მაგრამ არც ისეთი სუსტია, რომ ასეთ “ბარსელონასთან” წაეგო. არც წააგო.

“ვანდა მეტროპოლიტანოზე” “ატლეტიკომ” მშვიდად აიღო სამი ქულა, თითო ტაიმში ანტუან გრიზმანისა და ალვარო მორატას გოლების წყალობით.

ტურის მშვენება “სანჩეს პისხუანზე” გამართული სევილიური დერბი იყო. ოღონდ, მხოლოდ მეორე ტაიმი. პირველში მოსაწყენი და დაბალტემპიანი ფეხბურთი გაჩაღდა. ყველაფერი 55-ე წუთის მერე შეიცვალა, როცა “ბეტისის” ახალმა ლიდერმა ჯოვანი ლო სელსომ ანგარიში გაათანაბრა. ნამდვილი დერბი მხოლოდ ამის შემდეგ ვიხილეთ. ხოაკინ კაპაროსის გუნდმა 3:2 იმარჯვა და ჩემპიონთა ლიგის საგზურისთვის ბრძოლას აგრძელებს, რასაც ვეღარ ვიტყვით “ბეტისზე”.

ფაქტები

* ვისამ ბენ იედერმა (სევილია) და პაბლო სარაბიამ (სევილია) 11 საგოლე კომბინაციაში მიიღეს ერთად მონაწილეობა. ეს დღეისათვის ლა ლიგის საუკეთესო შედეგია.

* პაბლო სარაბია ევროპის ტოპ 5 ლიგებში ორი ნახევარმცველიდან ერთია, ვისაც გოლები და საგოლე პასები 10-10-ზე მეტი აქვს. მეორე ჯეიდონ სანჩოა (დორტმუნდი).

* როდრი ერნანდესმა “ატლეტიკოს” მაისურით საკუთარი რეკორდი გააუმჯობესა 90-დან 88 ზუსტი პასი გააკეთა.

* ანტუან გრიზმანმა (ატლეტიკო) ამ სეზონში მესამე გოლი გაიტანა საჯარიმო დარტყმით. მასზე მეტი ლა ლიგაში მხოლოდ ლეო მესის (ბარსელონა) აქვს გატანილი - 6.

* “ბარსამ” გოლი ვერ გაიტანა მეორედ ამ სეზონში (შარშანდელ სეზონში მხოლოდ ერთხელ).

* “ბარსელონას” საშუალო ასაკი “უესკასთან” ყველაზე ახალგაზრდული იყო ამ სეზონში - 24 წელი და 133 დღე.

* ვიქტორ ლაგუარდიამ (ალავესი) ბოლო სამ სეზონში სამი ავტოგოლი გაიტანა.

* “ვალიადოლიდს” შინ “ხეტაფესთან” 8 მატჩია, რაც არ წაუგია (4 მოგება, 4 ფრე).

* ხუანმი ხიმენესმა (რეალ სოსიედადი) გოლი “ეიბარის” კარში მე-13 წამზე გაიტანა. ეს სისწრაფით მეორე გოლია ლა ლიგის ისტორიაში ბასკური კლუბისთვის. ყველაზე სწრაფი მორტენ სკუბოს გოლი იყო “ვალენსიას” კარში 2006 წელს - მე-6 წამი.

* “ჟირონამ” ზედიზედ 4 ტურში წააგო, მაშინ, როცა წინა 5 ტურში მხოლოდ ერთი მარცხი განიცადა.

* გონსალო გედეშმა (ვალენსია) ბოლო 8 მატჩში (ყველა შეჯიბრება) 6 გოლი გაიტანა.

ესპანიოლი-ალავესი 2:1
გოლები: 1:0 პედროსა (19), 2:0 ლაგუარდია (47-საკ. კარში), 2:1 კალერი (56)

უესკა-ბარსელონა 0:0

ატლეტიკო-სელტა 2:0
გოლები: 1:0 გრიზმანი (42), 2:0 მორატა (74)

სევილია-ბეტისი 3:2
გოლები: 1:0 ელ ჰადადი (26), 1:1 ლო სელსო (55), 2:1 სარაბია (59), 3:1 ფ. ვასკესი (63), 3:2 ტელიო (82)

ვალიადოლიდი-ხეტაფე 2:2
გოლები: 0:1 არამბარი (14), 1:1 გვარდიოლა (30), 2:1 უნალი (69-პენ), 2:2 მოლინა (96-პენ)
გაძევება: ოლივერა (62. ხეტაფე)

ბილბაო-ვალეკანო 3:2
გოლები: 1:0 ვილიამსი (2), 1:1 მორენო (45), 2:1 ვილიამსი (50), 3:1 რაულ გარსია (72), 3:2 დე ტომასი (85)
გაძევება: ადვინკულა (52. რაიო ვალეკანო)

სოსიედადი-ეიბარი 1:1
გოლები: 1:0 ხუანმი (1), 1:1 ჯორდანი (85)

ჟირონა-ვილიარეალი 0:1
გოლი: 0:1 ჩუკვუეზე (7)

ვალენსია-ლევანტე 3:1
გოლები: 1:0 მინა (2), 1:1 სოლერი (56-საკ. კარში), 2:1 გედეში (57), 3:1 მინა (63)

ორშაბათი, 15 აპრილი
ლეგანესი-რეალი 23:00

თ მ ფ წ ბ ქ
1. ბარსელონა 32 22 8 2 81:31 74
2. ატლეტიკო 32 19 8 5 47:21 65
3. რეალი 31 19 3 9 55:37 60
4. სევილია 32 15 7 10 54:39 52
5. ხეტაფე 32 13 12 7 40:29 51
6. ვალენსია 32 11 16 5 36:27 49
7. ბილბაო 32 11 13 8 36:37 46
8. ალავესი 32 12 9 11 33:40 45
9. ბეტისი 32 12 7 13 38:43 43
10. სოსიედადი 32 10 11 11 38:39 41
11. ესპანიოლი 32 11 8 13 37:46 41
12. ეიბარი 32 9 13 10 42:44 40
13. ლეგანესი 31 10 10 11 31:35 40
14. ჟირონა 32 8 10 14 33:44 34
15. ვილიარეალი 32 7 12 13 40:45 33
16. ლევანტე 32 8 9 15 45:59 33
17. სელტა 32 8 8 16 45:55 32
18. ვალიადოლ. 32 7 10 15 26:45 31
19. ვალეკანო 32 7 6 19 36:57 27
20. უესკა 32 5 10 17 35:55 25

ბომბარდირები: 33 - მესი (ბარსელონა); 20 - სუარესი (ბარსელონა); 18 - სტუანი (ჟირონა); 17 - ბენზემა (რეალი); 16 - ბენ იედერი (სევილია); 15 - ასპასი (სელტა).

მომდევნო ტური
19 აპრილი: ალავესი-ვალიადოლიდი
20 აპრილი: სელტა-ჟირონა, ეიბარი-ატლეტიკო, რაიო ვალეკანო-უესკა, ბარსელონა-რეალ სოსიედადი
21 აპრილი: ლევანტე-ესპანიოლი, ხეტაფე-სევილია, რეალი-ბილბაო, ვილიარეალი-ლეგანესი, ბეტისი-ვალენსია

ყოველდღიური სპორტული გაზეთი "ლელო"
405
მკითხველის კომენტარები / 0 /
მსგავსი ამბები
რუბრიკის სხვა სიახლეები
;