ლა ლიგა. XXXIII ტური მიმოხილვა: მდევრები კვლავ მდევრების როლში, ბერნაბეუზე კი, ბენზემეას ბენეფისი შედგა [VIDEO]

სტატუსკვო არ შეიცვალა - “ატლეტიკომ” ჩვეულ სტილში (და ანგარიშით) მოიგო ამ ტურში, მაგრამ მოიგო “ბარსელონამაც”, თუმცა აქ უჩვეულო ის იყო, რომ ვალვერდეს გუნდს მცველებმა გაამარჯვებინეს.

“კამპ ნოუზე” “ბარსელონას” “რეალ სოსიედადმა” საკმაო წინააღმდეგობა გაუწია და რომ არა ჟორდი ალბას შესანიშნავი გოლი, ვინ იცის, მდევარი “ატლეტიკო” ცოტათი შეამცირებდა 9-ქულიან ჩამორჩენას ჩემპიონთან. თავის მხრივ, “ატლეტიკომ” კიდევ უფრო გვიან გატეხა ბასკი მეტოქეები, “ეიბარს” შეცვლაზე შესული თომა ლემარის გოლის წყალობით მოუგო.

ლემარს კი აკრიტიკებენ, მაგრამ ამ სეზონში უკვე მეტი გოლი გაიტანა, ვიდრე შარშან “მონაკოში” ყოფნისას. მოკლედ, “ბარსას” და “ატლეტიკოს” შორის 9 ქულა რჩება, ტურების რიცხვი კი ხუთამდე შემცირდა. ახლა “ბარსას” ორი მოგებაც ჰყოფნის ტიტულის შესანარჩუნებლად. 

ერნესტო ვალვერდე (ბარსელონა): “ძალიან გაგვიჭირდა მოგება. ვიცი, ხალხი უკვე ამბობს, რომ ჩემპიონები ვართ, მაგრამ ასე არ არის. მიზანს თამაშ-თამაშ უნდა მივაღწიოთ. უფრო და უფრო გაჭირდება სამი ქულის აღება. მეორე ტაიმში მეტოქეს ვჯობდით, მაგრამ გოლმა ისინი გამოაფხიზლა, კიდევ კარგი, ალბამ მალე გაიტანა”. 

იპურუაში ერთი საოცარი ეპიზოდი მოხდა - ალვარო მორატა ხშირად კამათობდა მსაჯთან და ერთ ეპიზოდში მას მსაჯმა ზურგიდან კისერში ხელი ჰკრა. 
დიეგო სიმეონე (ატლეტიკო): “რაც მსაჯმა მორატას გაუკეთა, ამისთვის მე 4-მატჩიან დისკვალიფიკაციას არ მაკმარებდნენ. კარგია, რომ ბოლოს გატანა მაინც შევძელით. სანამ შანსი რჩება, ჩვენც ვიბრძოლებთ”. 

კრიშტიანო რონალდოს წასვლის შემდეგ ქარიმ ბენზემა უნდა გამხდარიყო “რეალის” მთავარი დამრტყმელი ძალა. ფრანგმა ეს მხოლოდ მას მერე შეძლო, რაც გუნდს მისი თანამემამულე ზინედინ ზიდანი ჩაუდგა. “ბილბაოსთან” ბენზემამ ჰეთ თრიკი შეასრულა, ბომბარდირთა დავაში მე-2 ადგილზე გადავიდა და მხოლოდ ლეო მესის ჩამორჩება. 
უმნიშვნელოვანესი მატჩი მოიგო “ხეტაფე”, რომელმაც 3:0 დაამარცხა უშუალო კონკურენტი “სევილია”. ახლა სწორედ მადრიდული კლუბია ჩემპიონთა ლიგის ბოლო საგზურისთვის მთავარი ფავორიტი. 

ფაქტები

* “ვალიადოლიდმა” 8-დან 3 პენალტი გაიტანა ამ სეზონში, აქედან 2 ენეს იუნალის ანგარიშზეა.

* ჟორდი ალბამ (ბარსელონა) ამ სეზონში ლა ლიგის მცველებში ყველაზე მეტ გოლში მიიღო უშუალო მონაწილეობა - 10 (2 გოლი, 8 საგოლე პასი).

* სტანდარტული მდგომარეობებიდან (პენალტი, კუთხური, ჯარიმა) “ბარსელონამ” ამ სეზონში ყველაზე მეტი გოლი გაიტანა - 22.

* როდრი ერნანდესმა (ატლეტიკო) ამ სეზონში მეორედ მოახერხა თამაშში ყველა ზუსტი პასის გაკეთება. 

* თომა ლემარმა (ატლეტიკო) ამ სეზონში სამივე გოლი სტუმრად გაიტანა.

* “ეიბარს” “ატლეტიკოსთვის” ლა ლიგაში არასდროს მოუგია (2 ფრე, 8 წაგება).

* 2017/18 წლების სეზონიდან მოყოლებული იაგო ასპასს (სელტა) ლა ლიგაში 38 გოლი აქვს გატანილი. 

* რუბენ როჩინა მეოთხე ფეხბურთელია, ვინც ამ სეზონში მას მერე გააძევეს, რაც გოლი გაიტანა, მეორე “ლევანტეს” ფეხბურთელი. 

* ხორხე მოლინამ (ხეტაფე) ამ სეზონში 16 გოლში მიიღო უშუალო მონაწილეობა (12 გოლი, 4 საგოლე პასი).

* ქარიმ ბენზემამ (რეალი) ამ სეზონში 10 გოლი გაიტანა თავით, ყველაზე მეტი ევროპის ტოპ-5 ლიგებში.

* ქარიმ ბენზემამ “ბილბაოს” 11 გოლი გაუტანა - ეს კლუბი მისი საყვარელი მსხვერპლია.

* “ვილიარეალი” პირველი გუნდია, რომელმაც ამ სეზონში ორივე თამაში მოუგო “ლეგანესს”. 

* სანტი კასორლამ (ვილიარეალი) 89 ზუსტი პასი გააკეთა “ლეგანესთან” მატჩში. ეს მისი ლა ლიგის რეკორდია.

* 2003/04 წლების სეზონის შემდეგ გონსალო გედეში “ვალენსიას” პირველი ფეხბურთელია, ვინც ერთ თამაშში ორი გოლი გაიტანა საჯარიმოს გარედან. 

ალავესი-ვალიადოლიდი 2:2
გოლები: 1:0 გუიდეტი (4), 2:0 ხონი (24), 2:1 ხ. ფერნანდესი (38), 2:2 იუნალი (76-პენ)

სელტა-ჟირონა 2:1
გოლები: 1:0 ასპასი (34), 1:1 პორტუ (48), 2:1 ბუფალი (69)

ეიბარი-ატლეტიკო 0:1
გოლი: 0:1 ლემარი (85) 

რაიო ვალეკანო-უესკა 0:0

ბარსელონა-სოსიედადი 2:1
გოლები: 1:0 ლონგლე (45), 1:1 ხუანმი (62), 2:1 ალბა (64)

ლევანტე-ესპანიოლი 2:2
გოლები: 0:1 ბ. იგლესიასი (16), 1:1 ვეზუ (62), 1:2 როკა (65), 2:2 როჩინა (72)
გაძევება: როჩინა (74. ლევანტე) 

ხეტაფე-სევილია 3:0
გოლები: 1:0 მატა (35-პენ), 2:0 მოლინა (45+4-პენ), 3:0 მოლინა (53) 
გაძევება: ესკუდერო (45+3), დაკონამი (74. ხეტაფე)

რეალი-ბილბაო 3:0
გოლები: 1:0 ბენზემა (47), 2:0 ბენზემა (76), 3:0 ბენზემა (90)

ვილიარეალი-ლეგანესი 2:1
გოლები: 1:0 ბაკა (64), 2:0 ეკამბი (80), 2:1 ელ ჟარი (87-პენ)

ბეტისი-ვალენსია 1:2
გოლები: 0:1 გედეში (45), 0:2 გედეში (49), 1:2 ლო სელსო (78-პენ)
გაძევება: როდრიგო (83)

თ მ ფ წ ბ ქ
1. ბარსელონა 33 23 8 2 83:32 77
2. ატლეტიკო 33 20 8 5 48:21 68
3. რეალი 33 20 4 9 59:38 64
4. ხეტაფე 33 14 12 7 43:29 54
5. ვალენსია 33 12 16 5 38:28 52
6. სევილია 33 15 7 11 54:42 52
7. ბილბაო 33 11 13 9 36:40 46
8. ალავესი 33 12 10 11 35:42 46
9. ბეტისი 33 12 7 14 39:45 43
10. ესპანიოლი 33 11 9 13 39:48 42
11. სოსიედადი 33 10 11 12 39:41 41
12. ლეგანესი 33 10 11 12 33:38 41
13. ეიბარი 33 9 13 11 42:45 40
14. ვილიარეალი 33 8 12 13 42:46 36
15. სელტა 33 9 8 16 47:56 35
16. ჟირონა 33 8 10 15 34:46 34
17. ლევანტე 33 8 10 15 47:61 34
18. ვალიადოლიდი 33 7 11 15 28:47 32
19. ვალეკანო 33 7 7 19 36:57 28
20. უესკა 33 5 11 17 35:55 26

ბომბარდირები: 33 - მესი (ბარსელონა); 21 - ბენზემა (რეალი); 20 - სუარესი (ბარსელონა); 18 - სტუანი (ჟირონა); 16 - ბენ იედერი (სევილია), ასპასი (სელტა). 

მომდევნო ტური
23 აპრილი: უესკა-ეიბარი, ვალიადოლიდი-ჟირონა, ალავესი-ბარსელონა
24 აპრილი: ატლეტიკო-ვალენსია, ესპანიოლი-სელტა, ლეგანესი-ბილბაო, ლევანტე-ბეტისი
25 აპრილი: სევილია-რაიო ვალეკანო, რეალ სოსიედადი-ვილიარეალი, ხეტაფე-რეალი

ყოველდღიური სპორტული გაზეთი "ლელო"
518
მკითხველის კომენტარები / 0 /
მსგავსი ამბები
რუბრიკის სხვა სიახლეები
;