ლა ლიგა. XXXIII ტური: რეალი ისევ რონალდომ იხსნა [VIDEO]

რომ არა კრიშტიანო რონალდო, რომელმაც ლუკა მოდრიჩის დარტყმულს კარის წინ ფეხი დაუხვედრა, ზინედინ ზიდანის გუნდი "ბილბაოსთან" შინ დამარცხდებოდა.

კრიშტიანომ ზედიზედ მე-12 მატჩში გაიტანა და ახლა ლა ლიგაში 24 გოლი აქვს გატანილი, "რეალი" კი დაუზავდა "ბილბაოს", რომლის რიგებში შეუდარებელი იყო მეკარე კეპა არიზაბალაგა, რომელსაც ზამთარში აქტიურად უკავშირებდნენ "რეალს", შემდეგ კი ახალგაზრდა გოლკიპერმა "ბილბაოსთან" ახალი ხელშეკრულება გააფორმა.

მოულოდნელად შინ "ხეტაფესთან" დამარცხდა "ვალენსია", რომელსაც "ჩელსის" ექსფორვარდმა ლოიკ რემიმ დუბლი შეუსრულა, მესტალიელთა შორის გააძევეს კაპიტანი დანი პარეხო.

ფაქტები

* კრიშტიანო რონალდომ საკუთარი რეკორდი გაიმეორა - "რეალის" მაისურით ზედიზედ 12 მატჩში გაიტანა (სულ 22 გოლი). წინა რეკორდი მას 2014/15 წლების სეზონში აქვს დამყარებული.

* კეპა არიზაბალაგამ (ბილბაო) 9 "სეივი" მიითვალა - ლა ლიგაში კარიერაში საუკეთესო შედეგი აჩვენა.

* "ბილბაომ" "სანტიაგო ბერნაბეუზე" 12-მატჩიანი წაგებათა სერია დაასრულა.

ვალენსია-ხეტაფე 1:2
გოლები: 0:1 რემი (16), 0:2 რემი (49), 1:2 როდრიგო (69)
გაძევება: პარეხო (86)

ესპანიოლი-ეიბარი 0:1
გოლი: 0:1 ლომბანი (32)

რეალი-ბილბაო 1:1
გოლები: 0:1 ვილიამსი (14), 1:1 რონალდო (87)

ხუთშაბათი, 19 აპრილი
ალავესი-ჟირონა 21:30
სოსიედადი-ატლეტიკო 21:30
ბეტისი-ლას პალმასი 23:30
ლევანტე-მალაგა 23:30

ბომბარდირები: 29 - ლიონელ მესი (ბარსელონა); 24 - კრიშტიანო რონალდო (რეალი); 23 - ლუის სუარესი (ბარსელონა).

ყოველდღიური სპორტული გაზეთი "ლელო"
804
მკითხველის კომენტარები / 0 /
მსგავსი ამბები
რუბრიკის სხვა სიახლეები
;