ლა ლიგის მატჩებზე მაყურებლებს დაუშვებენ?

ესპანეთის ჯანდაცვის სამინისტრო განიხილავს შესაძლებლობას, ლა ლიგის მატჩებზე მაყურებლები დაუშვას, მიუხედავად იმისა, რომ ქვეყანაში კორონავირუსით ინფიცირების შემთხვევები ჯერ კიდევ მრავლადაა. 

საგანგებო მდგომარეობათა კოორდინატორი ფერნანდო სიმონი განმარტავს, რომ ლა ლიგის მატჩები ჩატარდება იმ სამ რეგიონში (ჯერ ზუსტად არ არის განსაზღვრული, რადგან ასეთი რეგიონი არაერთია და მასში არ შედიან მადრიდი და ბარსელონა), სადაც შეზღუდვების შემსუბუქების მესამე ეტაპი დაიწყება.

ეს მოხდება 8 ივნისს, ესპანეთის ჩემპიონატი კი 11 ივნისს განახლდება და ამ დღეს შედგება სევილიური დერბი "სევილიასა" და "ბეტისს" შორის. თუმცა მაყურებლების დაშვებას მოწინააღმდეგეებიც (არა მხოლოდ ეპიდსიტუაციის თვალსაზრისით) ჰყავს, რადგან გუნდები არათანაბარ პირობებში აღმოჩნდებიან.

981
მკითხველის კომენტარები / 0 /
მსგავსი ამბები
რუბრიკის სხვა სიახლეები
;