შეტევა NBA-ის საძმოზე და პასუხი დონალდს, - ტრამპმა ისევ შეირცხვინა თავი

რა მოხდა?

განსაკუთრებული არაფერი. უბრალოდ, ერთმა პრეზიდენტმა თავისი ქვეყნის ერთ მოქალაქეს ინტერნეტში "სულელი" უწოდა.
დონალდ ტრამპმა CNN-ში ლებრონ ჯეიმსის ინტერვიუს უყურა და შემდეგ "ტვიტერში" დაწერა:

"ახლა, ლებრონ ჯეიმსისგან ინტერვიუს იღებდა ყველაზე სულელი ადამიანი ტელევიზიაში - დონ ლემონი. მან ის მოახერხა, რომ ლებრონი ჭკვიანი გამოჩნდა, ეს კი არც ისე იოლია. მე მაიკლი მირჩევნია".

საიდან ასეთი რეაქცია?

ინტერვიუში ჯეიმსს ეკითხებოდნენ მის პოლიტიკურ შეხედულებებზე და მის ურთიერთობაზე მოქმედ პრეზიდენტთან.

ჯერ ერთი მან თქვა, რომ ტრამპი სპორტს "ამერიკელთა გახლეჩვისთვის" იყენებს.

"ბოლო რამდენიმე თვის განმავლობაში შევამჩნიე, რომ ის სპორტს ჩვენს გასახლეჩად იყენებს. და მე ეს არ მესმის. არ შემიძლია ამას ყურადღება არ მივაქციო და ჩუმად ვიყო.

როცა სპორტში მოვედი, პირველად აღმოვჩნდი თეთრი ადამიანების გვერდით. მომეცა შესაძლებლობა გავცნობოდი მათ და ბევრი რამ შემეტყო მათ შესახებ.

ჩვენ კარგი მეგობრები გავხდით. და მაშინ გავიფიქრე: "ეს ხომ სპორტის მეშვეობით მოხდა".

ლებრონმა მაგალითებით ახსნა, რა ჰქონდა მხედველობაში, როცა ამერიკელთა გახლეჩა ახსენა: ბოლო ნახევარი წლის განმავლობაში, ტრამპი თავს ესხმოდა შავკანიან ამერიკელ ფეხბურთელებს, რომლებიც მუხლზე იჩოქებოდნენ ჰიმნის დროს და "გოლდენ სტეიტის" კალათბურთელებს, რომლებმაც უარი თქვეს თეთრ სახლში სტუმრობაზე.

      ტრამპმა ლებრონს შეუტია, ლებრონი ჯორდანმა დაიცვა

"ყველანი ვიცნობთ სტეფ კარის. სანიმუშო მოქალაქე, შესანიშავი ადამიანი, ბრწყინვალე ოჯახი, ბრწყინვალე მამა, ბევრი ბავშვი. მე მომწონს ყველაფერი, რასაც ის აკეთებს. არ არსებობს არანაირი მიზეზი იმისა, რომ ვინმე მას თავს დაესხას...

მე მგონია, რომ ტრამპი ხშირად იწერს პოლიტიკურ ქულებს სპორტსმენებზე. მაგალითად, ასე იყო კაპერნიკთან მიმართებაში. ის მოქმედებდა თავისი შეხედულებების მიხედვით, ყველაფერს სრულიად მშვიდობიანად აკეთებდა, ყველას დაწვრილებით უხსნიდა თავის პოზიციას... შეიძლება იმის ბევრი მაგალითი მონახო, თუ როგორ ცდილობს ტრამპი განხეთქილება შეიტანოს ამერიკულ სპორტში, არადა, სწორედ სპორტის გამო ვართ ერთად".

ჯეიმსმა თქვა, რომ ტრამპის თეთრ სახლში ყოფნამ გააშიშვლა შავკანიანი მოსახლეობის მიმართ არსებული წინააღმდეგობა. თავად ლებრონის ღობეზე გასულ წელს გაჩნდა რასისტული ხასიათის წარწერა.

"ვფიქრობ, ასეთი დამოკიდებულება ყოველთვის იყო. მაგრამ ასეთმა პრეზიდენტმა ხალხი წააქეზა... ისინი თავს ვეღარ იკავებენ. ისინი პირდაპირ სახეში გახლიან შეურაცხყოფას".

ჯეიმსი დაფიქრდა შეკითხვაზე - რას ეტყოდა ტრამპს შეხვედრისას.

"მე, უბრალოდ, არ შევხვდები მას. სამაგიეროდ, სიამოვნებით შევხვდებოდი ბარაკს".

ტვიტი ყველაზე ცუდ მომენტში

სპორტში თვის მთავარი თემაა - აკრონში ღარიბი ოჯახების ბავშვებისთვის ლებრონის სკოლის გახსნა. სწორედ ამის გამო მიიწვიეს კალათბურთელი ჩNN-ში.

ტრამპის გამოსვლამ ის გამოიწვია, რომ იმავე დღეს, მის ნაცვლად თავის მართლება მის მეუღლეს მოუწია. მელანია ტრამპმა აღნიშნა, რომ ჯეიმსი ბევრს აკეთებს მომავალი თაობისთვის და გამოთქვა სკოლის მონახურების სურვილი.

სკოლა აშენდა ჯეიმსის საქველმოქმედო ფონდის წყალობით. თავდაპირველად, სწავლას დაიწყებს 240 ბავშვი, რომლებიც წავლენ მესამე და მეოთხე კლასებში. ყოველ წელს, მოსწავლეებისა და კლასების რაოდენობა გაიზრდება.
თავად ჯეიმსმა სკოლის გახნას თავის ცხოვრებაში ერთ-ერთი უდიადესი მომენტი უწოდა.

პარალელურად, 2018 წლის გაზაფხულზე, ტრამპმა 25 მილიონი დოლარი გადაიხადა, რათა დახურულიყო სარჩელი, რომელიც მის წინააღმდეგ აღძრეს მის მიერ გახსნილი (და უკვე დაკეტილი) უნივერსიტეტის ყოფილმა სტუდენტებმა, რომლებიც პრეზიდენტს თაღლითობაში ადანაშაულებდნენ.



კიდევ რაშია პრობლემა?

ტრამპის საჩვენებელ პირფერობაში: სულ ცოტა ხნის წინ, ის გულშემატკივრობდა "მაიამის", ლებრონს კომპლიმენტებს ეუბნებოდა და ის "კარგ ბიჭად" მიაჩნდა.

ჯეიმსმა მასთან შეხვედრა იუარა და ტრამპი ძალიან მალე გადავიდა მაიკლ ჯორდანის თაყვანისმცემელთა ბანაკში.

უფრო მეტიც, ზოგიერთ ექსპერტს მიაჩნია, რომ ტრამპი ჯეიმსის წინააღმდეგ გამოდის იმის გამო, რომ კალიფორნიაში გადავიდა სათამაშოდ - შტატში სადაც ყოველთვის იმარჯვებენ დემოკრატები და სადაც მას მაინც შანსები არ აქვს.

NBA-ის რეაქცია ტრამპის გამოხდომაზე

რეაქცია სავსებით ლოგიკური იყო.

ბილ სიმონსი (ESPN-ის მიმომხილველი): "ლებრონი - ძალიან ჭკვიანი ბიჭია (და ერთ-ერთი ყველაზე მოაზროვნე). ეს არის იდიოტური ტვიტი, რომელიც რასიმზს გვახსენებს. შენ მუდმივად თავს ირცხვენ".

მაიკლ ჯორდანი: "მხარს ვუჭერ ლებრონს. ის მნიშვნელოვან საქმეებს აკეთებს საზოგადოებისთვის".

სტეფ კარი ("გოლდენ სტეიტი"): "ასევე გააგრძელე, ლებრონ".

ენტონი ტოლივერი ("მინესოტა"): "ჩვეულებრივ, არ ვრეაგირებ მთელს ამ სისულელეზე, რომელსაც ეს ადამიანი წერს, მაგრამ ეს არის შეტევა NBA-ის საძმოზე. რა სირცხვილია!"

კარლ-ენტონი თაუნსი ("მინესოტა"): "მოდით, რაღაც გავარკვიოთ. ქალაქი ფლინტი, მიჩიგანის შტატი. იქ ისევ არ არის სუფთა წყალი, მაგრამ შენ ნერვიულობ ინტერვიუს გამო, ნერვიულობ ადამიანისთვის, რომელსაც თავის წვლილი შეაქვს მშობლიური ქალაქის ბავშვების განათლებისთვის. ხმა ჩაიგდე! კმარა "ტვიტერზე" დროის გატარება და გააკეთე რაღაც ქვეყნისთვის".

     ისევ ლებრონი VS ტრამპი

ბრედლი ბილი ("ვაშინგტონი"): "დავიღალე შენგან".

ჰარისონ ბარნსი ("დალასი"): "ჩვენი პრეზიდენტი ისევ ესხმის თავს სიდიადეს და შავკანიანებს. და აღარ გვიტოვებს იმის იმედს, რომ ოდესმე ზრდილობას უხმობს".

ჯარედ დადლი ("ბრუკლინი"): "ის უნდა წავიდეს".

ნიკ იანგი (NBA-ის ჩემპიონი): "ერთხელ ლებრონი პრეზიდენტი გახდება".

დონოვან მიტჩელი ("იუტა"): "როცა ადამიანი სხვებს თავს ესხმის, რათა თვითონ იყოს კარგად - ეს საკუთარ თავში არადამაჯერებლობაზე მეტყველებს. ვწუხვარ, რომ ბავშვები ამ იდიოტურ ტვიტებს კითხულობენ და იმ აზრით იზრდებიან, რომ ასეთი ქცევა ნორმალურია. დონალდ, ცუდ მაგალითს აძლევ ბავშვებს".

ადამ სილვერი (NBA-ის კომისარი): "ლებრონი - ერთ-ერთი უდიადესი მოთამაშეა NBA-ში და ერთ-ერთი საუკეთესო სპორტსმენი მსოფლიოში. ის წარმატებით ხელმძღვანელობს მედია-კომპანიას. აფინანსებს უნივერსიტეტებში ასობით სტუდენტის სწავლებას და სულ ახლახანს გახსნა სკოლა აკრონში, სადაც ღარიბი ოჯახებიდან გამოსული ბავშვებს უნაზღაურებს სწავლის, კვებისა და ტრანსპორტის ხარჯებს. აღფრთოვანებული ვარ მისი ჭკუით და მისი შორსმჭვრეტელობის ბიზნესში".

ჯინი ბასი ("ლეიკერსის" პრეზიდენტი): "ძალიან ვამაყობთ იმით, რომ ლებრონი "ლეიკერსის" ოჯახის ნაწილი გახდა. ის მეტად ბრძენი და გონიერი ლიდერია, რომელიც აფასებს იმ გავლენას, რასაც მას სპორტი აძლევს და ცდილობს გამოიყენოს ის, რათა გააერთიანოს ყველა და აქციოს სამყარო უფრო უკეთესი".

ყოველდღიური სპორტული გაზეთი "ლელო"
1338
მკითხველის კომენტარები / 0 /
მსგავსი ამბები
რუბრიკის სხვა სიახლეები