ლეგენდები არგენტინის წინააღმდეგ: მარადონა - “მე არ ვუყურებ საშინელებათა ფილმებს'

მექსიკური “დორადოსის” მთავარმა მწვრთნელმა დიეგო მარადონამ გააკრიტიკა არგენტინის ფეხბურთის ასოციაცია ვენესუელასთან ამხანაგურ მატჩში ეროვნული ნაკრების წაგების (1:3) გამო.

“მე არ ვუყურებ საშინელებათა ფილმებს, - მოჰყავს მარადონას სიტყვები გამოცემა El Mundo Deportivo-ს. - უუნარო ადამიანები, რომლებიც ჯერ ისევ სათავეში უდგანან ნაკრებს, ფიქრობდნენ, რომ ვენესუელას მოუგებდნენ? ვენესუელა - ეს არის ძალიან კარგად ორგანიზებული გუნდი. არგენტინული ფეხბურთის ხელმძღვანელები მუდმივად ატყუებენ ხალხს. ასე ნაკრები ვერ შეძლებს თამაშების მოგებას. ბოდიში”.

თავის მხრივ, მსოფლიოს 1978 წლის ჩემპიონმა დანიელ პასარელამ აღნიშნა, რომ ლიონელ მესი ვერ გრძნობს სიმსუბუქეს ეროვნულ გუნდში თამაშის დროს. ვეტერანის სიტყვებით, ფორვარდს “ბარსელონაში” საქმისადმი სხვა დამოკიდებულება აქვს.

“მესი შესანიშნავი ფეხბურთელია, მას შეუძლია ნებისმიერ გუნდს ძალიან ბევრი მისცეს. მაგრამ, როცა ის “ბარსელონაში” თამაშობს, საქმისადმი განსხვავებული დამოკიდებულება აქვს. იქ ის საუკეთესოა. ნაკრებში კი მესი ვერ გრძნობს სიმსუბუქეს, მას რაღაც არ აწყობს. არ ვიცი, ეს რას უკავშირდება, მაგრამ მგონია, რომ ეს მას შიგნით აქვს”.

პარასკევს, არგენტინამ წააგო ამხანაგური მატჩი ვენესუელასთან - 1:3. მესიმ მოედანზე 90 წუთი გაატარა.

ყოველდღიური სპორტული გაზეთი "ლელო"
1793
მკითხველის კომენტარები / 0 /
მსგავსი ამბები
რუბრიკის სხვა სიახლეები
;